Ndi Ọfọn Mme Christian Ẹnam N̄kpọ Ndikpan Uyomo Idịbi?

Se Bible ọdọhọde

Jesus ikọdọhọke mme mbet esie ẹnyene nditọ m̀mê ẹkûnyene. Mbet esie ndomokiet ikonyụn̄ inọhọ utọ ewụhọ oro. Idụhe itie ke Bible emi ọsọn̄ọde asua ọnọ owo ndikpeme ibat nditọ. Ẹkeme ndibuan se idude ke Rome 14:12 ye se ẹtịn̄de emi: “Owo nnyịn kiet kiet ayanam ibat aban̄a idemesie ọnọ Abasi.”

Ke ntre, mme ọdọ ndọ ẹdibiere ke idemmọ m̀mê mmọ ẹyenyene nditọ m̀mê idinyeneke. Mmọ ẹkeme n̄ko ndibiere ibat nditọ emi ẹdinyenede ye ini emi ẹdinyenede. Edieke ebe ye n̄wan ẹmekde ndinam n̄kpọ emi akpande uyomo idịbi, edi emi mîsion̄oke owo idịbi, mbubehe mmọ edi oro. Owo ndomokiet ikpenyeneke ndibiere ikpe nnọ mmọ.—Rome 14:4, 10-13.