Ndi Ẹnyịme Ẹdọ Uwak Iban?

Se Bible ọdọhọde

Ama odu ini emi Abasi ekenyịmede owo ọdọ ebe n̄wan kiet. (Genesis 4:19; 16:1-4; 29:18-29) Edi idịghe Abasi ọkọdọhọ ẹdọ uwak iban. Enye ọkọnọ Adam n̄wan kiet kpọt.

Abasi ama ọnọ Jesus Christ odudu ndidọhọ ẹdọ n̄wan kiet nte Enye okoyomde ke editọn̄ọ. (John 8:28) Ke ini ẹkebụpde Jesus ẹban̄a ndọ, enye ọkọdọhọ ete: “Enye emi okobotde mmọ toto ke editọn̄ọ okobot mmọ eren ye n̄wan onyụn̄ ọdọhọ ete: ‘Ke ntak emi erenowo ọyọkpọn̄ ete ye eka esie onyụn̄ akadiana ye n̄wan esiemmọ, ndien mmọ mbiba ẹyekabade ẹdi obụk kiet.’”—Matthew 19:4, 5.

Ekem Abasi ama ada spirit esie anam mbet Jesus kiet ewet ntem: “Yak owo kiet kiet enyene n̄wanndọ esie, n̄wan kiet kiet onyụn̄ enyene ebe esiemmọ.” (1 Corinth 7:2) Bible ọdọhọ n̄ko ete ke owo ekededi ke esop Christian emi ọdọde n̄wan, oro ẹnọde ifetutom ke esop, enyene ndidi “ebe n̄wan kiet.”—1 Timothy 3:2, 12.