N̄kpọ Abasi Ekedi Akakan N̄kpọ ke Uwem Manaen

Manaen ekesịne ke otu nditọ-ete emi ẹkedade usụn̄ ke esop Antioch ke eyo mme apostle. Enye “[ọkọbọ] ukpep ọtọkiet ye Herod andikara n̄kann̄kụk.” (Utom 13:1) Ntre Manaen ama aka n̄wed eti-eti, onyụn̄ ekeme ndidi enye okokpon ke ufọk imọ.

Kpa ye kpukpru oro, Manaen ama emek ndikabade ndi Christian nnyụn̄ nnam n̄kpọ n̄n̄wam esop. Enye ikadaha ifiọkn̄wed esie m̀mê nte enye ọkọdiọn̄ọde ikpọ owo ke ukara iyom ndidi n̄kpọ ke ererimbot. Utu ke oro, enye akanam n̄kpọ an̄wam nditọ-ete esie.

Uwụtn̄kpọ Manaen owụt ke ndinam n̄kpọ Jehovah enen̄ede edi akpan n̄kpọ akan ndiyom ndiwọrọ iso ke ererimbot nnyụn̄ nnyene enyọn̄ ye isọn̄. Ukem nte Manaen, akpana inam n̄kpọ Abasi edi akpa ke uwem nnyịn utu ke nnyịn ndiyom ndiwọrọ iso ke ererimbot nnyụn̄ nnyene enyọn̄ ye isọn̄. (Matt. 6:33) Se n̄kpọ en̄wen mi. Kpa ye emi nnyịn mîdaha ufọkn̄wed ibre mbre, ana ‘idụn̄ọde ifiọk se idide akpan n̄kpọ ikan’ ikûnyụn̄ uyak mme n̄kpọ eken emi mîdịghe n̄kpọ Abasi akpan nnyịn ndituak ibuot nnọ Jehovah.​—Phil. 1:9, 10.