Ndutịm Esoputom

Urua Ọtọn̄ọde December 11

Ikwọ 174

Min. 15: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ December. Neme “Obufa Ndutịm Usen Akpan Mbono.” Tọt usenọfiọn̄ usen akpan mbono edieke ẹfiọkde. Ke adade mme ekikere oro ẹnọde ke page 8 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke December 15 ye Awake! eke December. Ke kiet ke otu nnamn̄wụt oro, wụt nte ẹkpebọrọde ikọ utre nneme oro “Nnyeneke udọn̄.”—Se ekpri n̄wed Nte Ẹkpetọn̄ọde, page 8.

Min. 15: Ufọkn̄wed Utom Ukara Abasi eke 2007. Utịn̄ikọ ye mme ndụn̄ọde oro esenyịn ufọkn̄wed edisede aban̄a. Da esịne-esịt Utom Obio Ubọn̄ Nnyịn eke October 2006 neme mme n̄kpọ oro oyomde ẹdori nsọn̄uyo ke n̄kann̄kụk. Nam an̄wan̄a nte ke esenyịn ufọkn̄wed idibemke iso itọt ido utịn̄ikọ oro ẹnọde eyen ufọkn̄wed. Sia nnyịn idikụrede ndikot N̄wed Abasi Usem Hebrew ọtọn̄ọde ke Isaiah 24 tutu esịm Malachi ke 2007, isua emi edidi eti ini nditọete oro ẹdọhọde ẹtịm mme akpan n̄kpọ ẹtode edikot Bible ye mbon eken oro ẹnọde ibọrọ ndinam ndụn̄ọde ke mme n̄wed nnyịn oro ẹnemede mme n̄wed ntịn̄nnịm ikọ emi. Nam ndụn̄ọde ye asuanetop iba m̀mê ita emi esịnede: obufa eyen ufọkn̄wed, eyen ufọkn̄wed emi edide uyen oro anamde n̄kọri, ye akani eyen ufọkn̄wed. Dọhọ mmọ ẹtịn̄ nte ufọkn̄wed emi an̄wamde mmọ ke utom an̄wautom mmọ ye ke n̄kan̄ eke spirit. Sịn udọn̄ nọ kpukpru owo ndisịn ifịk nnam se ẹnọde ẹnam, nditiene nnọ ibọrọ ke ini ẹnemede mme akpan n̄kpọ ẹtode edikot Bible, nnyụn̄ nda mme ekikere oro ẹnọde ke urua ke urua nto Bọ Ufọn to Ukpepn̄kpọ Ufọkn̄wed Utom Ukara Abasi nsịn ke edinam.

Min. 15: “Kûkpọn̄ Ima Emi Afo Ekenyenede ke Akpa.”a Nte ini ayakde, dọhọ otuowo ẹtịn̄ n̄kpọ ẹban̄a mme itie N̄wed Abasi oro ẹsiakde ẹsịn.

Ikwọ 193 ye akam ediberi.

Urua Ọtọn̄ọde December 18

Ikwọ 150

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ ban̄a san̄asan̄a ndutịm an̄wautom oro ẹnamde ẹnọ December 25 ye January 1.

Min. 15: “Fiak Ka Bịne Kpukpru Mbon Oro Ẹkewụtde Ọkpọkọm Esisịt Udọn̄.”b Dọhọ otuowo ẹtịn̄ nte mmọ ẹkekemede ndinam mbon oro ẹnyenede udọn̄ ẹtịn̄ nte ẹkemede ndikụt mmọ ke ini ẹkenọde ikọ ntiense ido nneme m̀mê ke utom efak, ẹnyụn̄ ẹbụk akpan ifiọkutom oro mmọ ẹkenyenede ke ini ẹkefiakde ẹbịne mme owo emi. Emekeme ndidọhọ owo kiet m̀mê iba ẹtịm idem ẹban̄a emi.

Min. 20: “Nnyịn Imekeme Ndiyọ Idomo Ekededi!” Utịn̄ikọ emi ọkọn̄ọde ke ibuotikọ oro odude ke Enyọn̄-Ukpeme eke June 15, 2005, page 30-31. Nen̄ede sịn udọn̄ nọ kpukpru owo nte nnyịn isobode nsio nsio idomo ke uwem emi.

Ikwọ 182 ye akam ediberi.

Urua Ọtọn̄ọde December 25

Ikwọ 210

Min. 15: Mme ntọt n̄kann̄kụk. Neme “Obufa Ndutịm Mbono Circuit,” nyụn̄ tọt usenọfiọn̄ mbono circuit edieke ẹfiọkde. Kot ntọt ibatokụk ye ikọ ekọm kaban̄a etịbe ẹkenọde. Ke adade mme ekikere oro ẹnọde ke page 8 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke January 1 ye Awake! eke January. Ke utịt nneme oro, bụp mbụme emi anamde ẹkere n̄kpọ, oro ekemede ndida n̄wed Bible Ekpep mbọrọ ke ini afiakde aka.

Min. 15: Mme udọn̄ n̄kann̄kụk.

Min. 15: Nditọt N̄kọri Utom Ukwọrọikọ. Utịn̄ikọ ye nneme otuowo oro ọkọn̄ọde ke Ẹtịm man Inam Uduak Jehovah, ọtọn̄ọde ke ekpri ibuotikọ oro odude ke page 83 esịm utịt ibuot oro.

Ikwọ 72 ye akam ediberi.

Urua Ọtọn̄ọde January 1

Ikwọ 158

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ December.

Min. 35: “Didie ke N̄kpese N̄kpri N̄kpatan̄a N̄kpọ Emi Ẹdade Ẹto Iyịp ye Mme Usụn̄ Usọbọidem Oro Ẹbuanade Iyịp Mi?” Nneme mbụme ye ibọrọ. Da akpa ikpehe ekikere tịn̄ ibio ibio ntọn̄ọikọ. Ka iso ke ndibụp mbụme ita oro ẹwetde ke ndodobi ubọkn̄wed nyụn̄ neme mme ibọrọ mbụme oro. Neme n̄kpọ ke babru mbụme mbiba ye otuowo. Dori nsọn̄uyo ke se mme Christian mînyịmeke ye ke ebiet emi oyomde mmọ ẹnam ọkpọkpọ ubiere. Kama obufa babru Ndausụn̄ ke Nte Ẹkpewetde N̄kpọ Ẹyọhọ Kad DPA. Nam an̄wan̄a nte ẹkpewetde n̄kpọ ẹyọhọ card DPA nyụn̄ sịn udọn̄ nọ owo ekededi oro mîkewetke n̄kpọ iyọhọ esie ewet ndien. Tịn̄ nte ke mme esenyịn ukpepn̄kpọ n̄wed ẹkpenyene ndin̄wam kpukpru asuanetop oro ẹdude ke otu ukpepn̄kpọ esie ndiwet n̄kpọ nyọhọ eke mmọ. Mbon oro ẹma ẹkewewet n̄kpọ ẹyọhọ eke mmọ ikpenyeneke ndibọ en̄wen ibọhọke akpa oro ifọnke aba.

Ikwọ 120 ye akam ediberi.

[Mme ikọ idakisọn̄]