Ndutịm Esoputom

Urua Ọtọn̄ọde February 13

Ikwọ 121

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ February. Ke adade mme ekikere oro ẹnọde ke page 8 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke February 15 ye Awake! eke February. Ke kiet ke otu nnamn̄wụt emi, wụt nte asuanetop ọkwọrọde ikọ ke itie oro ẹkemede ndikụt ediwak owo.

Min. 10: Nte Afo ke Asan̄a Ikpat Kiet ye Esop Jehovah? Utịn̄ikọ oro ọkọn̄ọde ke Ẹtịm man Inam Uduak Jehovah, page 7-10.

Min. 25: “Dụri Ntịn̄enyịn Wụt ‘Un̄wana Ererimbot.’”a Esenyịn utom edise aban̄a. Kot enyịn̄ mbon oro ẹsịnde enyịn̄ ke utom usiakusụn̄ unọ un̄wam. Tịn̄ ban̄a mme mbono an̄wautom efen oro ẹdiomide. Sịn se ẹtịn̄de ke mme ndutịm usiakusụn̄ unọ un̄wam oro ẹdude ke esịne-esịt Utom Obio Ubọn̄ Nnyịn eke February 2005, page 5.

Ikwọ 224 ye akam ediberi.

Urua Ọtọn̄ọde February 20

Ikwọ 89

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 15: “N̄wed Bible Ekpep—Akpan N̄wed Un̄wam Ukpep Bible Nnyịn.”b Sịn udọn̄ nọ nditọete ẹtọn̄ọ ukpepn̄kpọ Bible ke obufa n̄wed emi.

Min. 20: “Un̄wam Emi Enen̄erede Ekpere.”c Ebiowo edise aban̄a. Tịn̄ ibio ibio ban̄a se idude ke mme Ekebe Mbụme oro ẹdude ke Utom Obio Ubọn̄ Nnyịn eke November 1998 ye November 2000.

Ikwọ 1 ye akam ediberi.

Urua Ọtọn̄ọde February 27

Ikwọ 20

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe oro ẹkenọde. Ti mme asuanetop ndinọ ibatutom an̄wautom eke utịt ọfiọn̄ February. Ke adade mme ekikere oro ẹnọde ke page 8 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke March 1 ye Awake! eke March.

Min. 10: Mme udọn̄ n̄kann̄kụk.

Min. 25: Nte Ẹkpenọde N̄wed Bible Ekpep. Nnyịn idinọ obufa n̄wed oro ke March. Nam nsio nsio nnamn̄wụt oro ẹma ẹketịm mfọn mfọn man odot ye efakutom mbufo. Tọn̄ọ ke ndiwụt se idude ke page 4-5. Edieke enyeneufọk enen̄ede owụt udọn̄ ke kiet ke otu itie N̄wed Abasi oro, wụt enye se Bible ekpepde aban̄a ibuot nneme oro ebe ke ndineme mme ikpehe ekikere oro ẹtịn̄de n̄kpọ ẹban̄a itie N̄wed Abasi oro. (Edi. 21:4, p. 27-28, ikp. eki. 1-3; Isa. 33:24; 35:5, 6, p. 36, ikp. eki. 22; John 5:28, 29, p. 72-73, ikp. eki. 17-19; Ps. 72:16, p. 34 ikp. eki. 19) Dọhọ mme owo ẹbụk akpan ifiọkutom oro mmọ ẹkenyenede ke ini ẹkenọde obufa n̄wed oro, akpan akpan mme ukpepn̄kpọ Bible oro ẹketọn̄ọde.

Ikwọ 148 ye akam ediberi.

Urua Ọtọn̄ọde March 6

Ikwọ 51

Min. 10: Mme ntọt n̄kann̄kụk. Sia mme tract nnyịn ẹyede ẹnyụn̄ ẹmemde ndikama nsan̄a, ọfọn ndida mmọ ntọn̄ọ nneme ke ini ẹnamde utom ukwọrọikọ eke ufọk ke ufọk, ke ini ẹkwọrọde ikọ ke mme itie oro ẹkemede ndikụt ediwak owo, ye ke ini ẹnọde ikọ ntiense ido nneme. Nam wụt nte ẹkpedade obufa tract oro Ibịghike Kpukpru Ndutụhọ Ẹyetre! ẹtọn̄ọ nneme. Tịn̄ ban̄a kiet ke otu itie N̄wed Abasi oro ẹkotde ẹsịn ke page 2 ke tract oro.

Min. 15: “Nen̄ede Kere Ban̄a Mbon Efen—Ebe ke Nditịm Idem.”d Sịn ibio ibio nnamn̄wụt kiet, owụtde nte asuanetop iba ẹtịmde idem ndinọ n̄wed Bible Ekpep, ẹwụkde ntịn̄enyịn ke se idude ke page 82-84 ẹnyụn̄ ẹkotde ikpehe ekikere 21. Ẹdiberi nnamn̄wụt oro nte mmọ ẹyomde ndinanam se mmọ ẹkenemede n̄wụt.

Min. 20: “Da Mme N̄kpọ Oro Ẹkemede Ndikụt ke Enyịn Kpep N̄kpọ.”e Ke ini etịn̄de n̄kpọ aban̄a vidio kiet kiet oro ẹsiakde ke ibuotikọ emi, wụt efọk vidio emi nyụn̄ kot ibio ibio n̄kpọ emi ẹwetde, oro ẹtịn̄de se isịnede. Dọhọ otuowo ẹbụk mme ifiọkutom oro mmọ ẹkenyenede ke ini ẹkedade mme vidio emi ẹnam n̄kpọ ke an̄wautom.—Se 1997 Yearbook, p. 54, ye 1995 Yearbook, p. 50-51.

Ikwọ 68 ye akam ediberi.

[Mme ikọ idakisọn̄]