Tịm Nịm
Mme Ekikere ke Nte Ẹkpenọde Ndiye Uduot N̄kpri N̄wed
Ẹnọ nsio nsio ekikere ke esịne-esịt emi man ẹn̄wam fi etịm usụn̄ oro edidade ọnọ ndiye uduot n̄kpri n̄wed. Ẹkeme ndikpụhọde mmọ ẹtiene mme idaha n̄kann̄kụk. Ẹkeme ndida mme usụn̄ unyene nneme efen. Ẹmekeme ndida mme usụn̄ unyene nneme oro ẹtienede mi nte uwụtn̄kpọ ke nditịm mme usụn̄ nneme nnọ ndiye uduot n̄kpri n̄wed eken oro owo mîsiakke isịn mi.—Se Utom Obio Ubọn̄ Nnyịn eke January 2005, p. 8.
Ekikere kiet kiet oro ẹnọde ke page emi esịne (1) edemede-owo-udọn̄ mbụme ndida ntọn̄ọ nneme, (2) ebiet emi ẹkemede ndikụt se ẹnemede ke ediye uduot ekpri n̄wed, ye (3) nnennen itie N̄wed Abasi oro ẹkemede ndikot ke ini nneme oro. Afo emekeme ndida ikọ idem fo nneme se isụhọde, etiene nte owo oro ọbọrọde.
Dara Uwem ke Isọn̄ ke Nsinsi!
“Ediwak owo ẹkere ke ana mmimọ ika heaven man ikenyene nsinsi uwem, edi afo ekere didie aban̄a ndidu uwem ke isọn̄ ke nsinsi?”—Ndise oro odude ke edem; Edi. 21:4.
Enyịn̄ Abasi Oro Edibịghide ke Nsinsi
“Ediwak nnyịn imọfiọk akam oro ẹsibọn̄de ẹte, ‘Ete nnyịn emi odude ke heaven: Yak ikpono enyịn̄ Fo.’ (Matt. 6:9, Edisana N̄wed Abasi Ibom) Edi nte afo ọmọfiọk ke edinyan̄a nnyịn enyene ebuana ye edifiọk enyịn̄ oro?”—p. 28, ikp. eki. 1; Rome 10:13.
Ke Ini Owo Oro Afo Amade Akpade
“Nnyịn inọ mme owo ediye uduot ekpri n̄wed emi ọdọn̄de ediwak miliọn owo oro ẹtabade mbon ima mmọ ke n̄kpa esịt onyụn̄ ọnọde mmọ idotenyịn. Ndi akanam afo emekere m̀mê nso idotenyịn idu inọ mme akpan̄kpa?”—p. 27, ikp. eki. 3; John 5:28, 29.
“Ndi akanam afo emekere nte ẹkpedọn̄de mbon oro owo mmọ akpade esịt?”—p. 20, ikp. eki. 1; N̄ke 17:17.
Nso Itịbe inọ Nnyịn ke Ini Nnyịn Ikpade?
“Ke ini owo emi nnyịn imade akpade, nnyịn imesiyịk ebiet emi mmọ ẹdude ye m̀mê nnyịn iyafiak ikụt mmọ tutu amama. Ndi afo emesikere aban̄a utọ mbụme oro?”—Mme mbụme oro ẹdude ke edem; Job 14:14, 15.
Nte Afo Ekpenyene Ndinịm Abasi-Ita-ke-Kiet ke Akpanikọ?
“Mme owo ẹnyene nsio nsio ekikere ẹban̄a nte Abasi etiede. Ndi afo emekere ke se nnyịn inịmde edi akpan n̄kpọ?”—p. 3, ikp. eki. 3, 7-8; John 17:3.
N̄wed Ofụri Owo
“Ndi afo emekere ke Bible esịne item oro enyenede ufọn ọnọ eyo nnyịn?”—p. 22, se ẹwetde ẹdian ndise; p. 23, ikp. eki. 3 ke ekebe; N̄ke 25:11.
Ukara Emi Edidade Paradise Edi
“Ọdọn̄ ediwak owo ndinyene usọbọ nnọ mme mfịna oro nnyịn isobode mfịn. Ndi afo emekere ke oyodu ukara oro edikọkde mme mfịna emi?”—p. 3, ikp. eki. 1; Matt. 6:9, 10.
“Sese! Mmanam Kpukpru N̄kpọ Ẹdi Mbufa”
“Ekeme ndidi esuene esuene ekikere emi ẹyọhọde ke ererimbot ye utịp mmọ ke idem nditọ nnyịn ẹtụk fi ukem nte ẹtụkde mi. Ndi afo ama ọfiọk ete ke ẹma ẹbem iso ẹtịn̄ emi ke n̄wed oro ẹkewetde ke anyan ini mbemiso ẹtọn̄ọde ido ukpono Christ, Muslim, ye Hindu?—p. 25, ikp. eki. 47; 2 Tim. 3:1-3.