Ndutịm Esoputom

Urua Ọtọn̄ọde August 9

Ikwọ 57

Min. 10: Mme ntọt n̄kann̄kụk ye Mme Ntọt ẹsatde-sat ẹto Utom Obio Ubọn̄ Nnyịn. Edieke mme ekikere oro ẹnọde ke page 8 ẹdotde ye efakutom mbufo, da mmọ nam wụt nte ẹkpenọde Enyọn̄-Ukpeme eke August 15 ye Awake! eke August 22. Ẹkeme ndida mme usụn̄ nneme efen. Sian enyeneufọk ban̄a ndutịm unọ etịbe. Ti otuowo ete yak mmọ ẹda ekpri ediye uduot n̄wed Oyom ẹdi urua efen.

Min. 15: “Ẹnọ Utịp ke Ndime Ime.”a Sịn ibio ibio nneme oro ọkọn̄ọde ke Enyọn̄-Ukpeme eke December 15, 2000, page 22-23, ikpehe ekikere 15-18.

Min. 20: Ndikama Tract Ntọn̄ọ Ukpepn̄kpọ Bible. Utịn̄ikọ ye nneme otuowo ọkọn̄ọde ke Utom Obio Ubọn̄ Nnyịn eke August 2002, page 3-4. Wụt ke nnyịn imenyịme ndikpụhọde ntiene idaha eyen ukpepn̄kpọ kiet kiet, nte ẹwụtde ke ikpehe ekikere 5. Sịn ibio ibio nnamn̄wụt kiet m̀mê iba oro ọkọn̄ọde ke ikpehe ekikere 8-10. Edieke usụn̄ nneme efen okụtde unen ke n̄kann̄kụk mbufo, nam enye oro an̄wan̄a nyụn̄ nam usụn̄ nneme oro wụt. Dọhọ otuowo ẹbụk mme ifiọkutom oro mmọ ẹkenyenede ke ndikama Nte Afo Akpama Ndifiọk N̄kpọ Efen Efen Mban̄a Bible?

Ikwọ 74 ye akam ediberi.

Urua Ọtọn̄ọde August 16

Ikwọ 189

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke ufọt ọfiọn̄ August.

Min. 15: Sịn Akpanikọ ke Esịt Eyen Fo. Utịn̄ikọ oro ọkọn̄ọde ke n̄wed Inemesịt Ubon, page 55-59. Neme usụn̄ inan̄ emi mme ete ye eka ẹkemede ndin̄wam nditọ mmọ ndinyene n̄kpet n̄kpet ọkpọkpọ itie ebuana ye Jehovah, owụtde nte ibuot nneme oro enyenede ebuana.

Min. 20: “Ndinịm Ukpepn̄kpọ Bible Oro Enyenede Uforo—Ikpehe 2.”b Sịn nnamn̄wụt a-minit ition. Asuanetop obụp ebiowo nte ekemede ndin̄wam eyen ukpepn̄kpọ Bible anam n̄kọri. Ebiowo etịn̄ ke ọsọ n̄kpọ iduọ kiet edi ndibiat ini okpon akaha ke ini ẹnịmde ukpepn̄kpọ nneme n̄kpri n̄kpọ m̀mê mme n̄kpọ oro mînyeneke ebuana. Ke adade ọyọhọ ukpepn̄kpọ 9 ke ediye uduot ekpri n̄wed Oyom, enye owụt asuanetop nte ẹkemede (1) ndiwụk ntịn̄enyịn ke mme akpan n̄kpọ oro ẹkpepde, (2) ndida mme itie N̄wed Abasi oro ẹsiakde ẹsịn nnam n̄kpọ uforo uforo, nnyụn̄ (3) nnam se ẹkpepde ekem ye udọn̄ eyen ukpepn̄kpọ. Enye owụt ke oyom eti ntịmidem kpukpru ini oro ẹnịmde ukpepn̄kpọ.

Ikwọ 85 ye akam ediberi.

Urua Ọtọn̄ọde August 23

Ikwọ 33

Min. 15: Mme ntọt n̄kann̄kụk. Ntọt ibatokụk. Nam wụt nte ẹkemede ndinọ Enyọn̄-Ukpeme eke September 1 ye Awake! eke September 8. Ke kiet ke otu nnamn̄wụt oro, wụt nte ẹnọde andikpep ufọkn̄wed ikọ ntiense.

Min. 20: N̄wam Mbon Efen Ẹsan̄a Ẹkpere Jehovah. Utịn̄ikọ ye nneme otuowo. Nnyịn idinọ n̄wed San̄a Kpere Jehovah ke September. Neme se ẹwetde ẹnọ mme andikot ke page 3, nyụn̄ sio mme akpan n̄kpọ emi ẹdude ke n̄wed oro wụt. Kiet kiet ke otu ikpehe inan̄ ke n̄wed emi owụk ntịn̄enyịn ke kiet ke otu n̄wọrọnda edu Jehovah. Ẹsịn ibuot kiet oro owụtde nte Jesus okowụtde edu oro ye ibuot oro enemede nte nnyịn ikemede ndinam ntre. Ndise ofụri page oro ẹwakde ẹsịm 17 ẹdu oro ẹban̄ade mbụk Bible. “Mme Mbụme Nditie N̄kere” ẹn̄wam nnyịn ndikere mban̄a mme akpan ikpehe en̄wen ke ibuot nneme oro. Dụn̄ọde ekebe oro “Mme Ekikere ke nte Ẹkpenọde San̄a Kpere Jehovah” ke page 2 ke Utom Obio Ubọn̄ Nnyịn eke January 2004, nyụn̄ dọhọ asuanetop kiet oro odotde anam kiet ke otu ekikere oro owụt.

Min. 10: Mme ifiọkutom n̄kann̄kụk. Dọhọ esop ẹbụk ifiọkutom oro mmọ ẹkenyenede ke ndida ndiye uduot n̄kpri n̄wed ekededi nnam n̄kpọ ke ọfiọn̄ emi. Nte ẹma ẹtọn̄ọ ukpepn̄kpọ Bible ndomokiet? Edieke edide ntre, tịn̄ nte ẹkenamde mîdịghe fiak nam ifiọkutom kiet m̀mê iba wụt.

Ikwọ 124 ye akam ediberi.

Urua Ọtọn̄ọde August 30

Ikwọ 90

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke utịt ọfiọn̄ August.

Min. 15: Nte Ẹkpesede Ẹban̄a Utọk Owo ye Owo. Utịn̄ikọ oro ọkọn̄ọde ke ntọt oro odude ke n̄wed Utom Nnyịn, page 139-145. N̄wam otuowo ẹfiọk mbiomo oro mmọ ẹnyenede ndibiere mme mfịna ye utọk oro mmọ ẹnyenede ye ekemmọ mme andinịm ke akpanikọ. Owo oro ẹkedọkde enye edidọk m̀mê ẹdiade enye n̄wo ye andikọdọk enye edidọk m̀mê andikadia enye n̄wo ẹkpebiere ikọ ẹban̄ade edidọk m̀mê udia n̄wo nte ekemde ye ndausụn̄ N̄wed Abasi ke Matthew 18:15-16. Ke ẹma ẹkenam oro, edieke mmọ mîkemeke ndibiere mfịna emi, mmọ ẹkeme ndikot mbiowo nsịn. (Se n̄ko n̄wed Tuak Ibuot, page 147, ikpehe ekikere 9.)

Min. 20: Nte Afo Ama Ọbọ Ufọn? Nneme otuowo. Dụn̄ọde mme ekikere oro ẹtienede mi emi ẹkedude ke Utom Obio Ubọn̄ Nnyịn ke isua utom emi ekebede: Wet ntọn̄ọikọ fo ke ekpri babru. (km-EF 10/03 p. 1) Sio akpan n̄kpọ kiet oro otode fi esịt da toro owo. (km-EF 11/03 p. 1) Nọ ikọ ntiense ke ini etiede nte ke mme owo ẹsinen̄ede ẹdu ke ufọk. (km-EF 12/03 p. 1) Nịm mme akpan ini nọ edikot Bible, editịm idem nnọ mbono esop, ye utom an̄wautom. (km-EF 1/04 p. 4) Kama ediye uduot ekpri n̄wed ‘Kụt Eti Isọn̄’ ke ini anamde ọkpọkpọ ukpepn̄kpọ ye edikot Bible. (km-EF 3/04 p. 2) Nịm utịtmbuba edikot ofụri Bible mma. (km-EF 4/04 p. 1) Nọ ikọ ntiense ke efakutom mbubehe. (km-EF 7/04 p. 4) Da tract tọn̄ọ mme ukpepn̄kpọ Bible. (km-EF 8/04 p. 2) Dọhọ otuowo ẹtịn̄ ufọn oro mmọ ẹkebọde ke ndida mme ekikere emi nsịn ke edinam.

Ikwọ 145 ye akam ediberi.

Urua Ọtọn̄ọde September 6

Ikwọ 197

Min. 5: Mme ntọt n̄kann̄kụk.

Min. 15: Mme udọn̄ n̄kann̄kụk.

Min. 25: “Nyene Edu Usiakusụn̄.”c Bụp asiakusụn̄ kiet m̀mê iba mbio mbio mbụme. Dọhọ mmọ ẹtịn̄ nte uwụtn̄kpọ mme ete ye eka, mbiowo, m̀mê mbon efen ẹkesịnde udọn̄ ẹnọ mmọ ndibịne utom uyọhọ ini.

Ikwọ 142 ye akam ediberi.

[Mme ikọ idakisọn̄]