Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde October 27, 2003. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua September 1 esịm October 27, 2003. [Tim fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.— Se n̄wed Ufọkn̄wed Utom, p. 36-37.]

MME IDO UTỊN̄IKỌ

1. Nso ke item oro ẹnọde ke 1 Timothy 2:9 ẹban̄a owo ‘ndisịne n̄kpọ eke owụtde bụt’ ọwọrọ, ndien didie ke emi ekeme nditụk nneme nnyịn ke mbot utịn̄ikọ m̀mê ke an̄wautom? [be-EF p. 132 ikp. eki. 4-5]

2. Didie ke mme edumbet Bible oro ẹdude ke 1 John 2:15-17, Ephesus 2:2, ye Rome 15:3 ẹkpetụk ukamaidem nnyịn? [be-EF p. 133 ikp. eki. 2-4]

3. Ntak emi nsọn̄ọnda edide akpan n̄kpọ, ndien didie ke nnyịn ikeme ndinyene nsọn̄ọnda ke ini itịn̄de ikọ ke mbot utịn̄ikọ m̀mê ke ini ibuanade ke an̄wautom? [be-EF p. 135 ekebe; p. 136 ikp. eki. 5, ekebe]

4. Nte “ata ntiense akpanikọ,” didie ke Jesus ekenịm uwụtn̄kpọ ọnọ nnyịn ke ndida Bible nnam n̄kpọ ke an̄wautom? (Edi. 3:14) [be-EF p. 143 ikp. eki. 2-3]

5. Didie ke nnyịn ikpetịm inyene usọ ke nte idade Bible inam n̄kpọ? (Titus 1:9, NW) [be-EF p. 144 ikp. eki. 1, ekebe]

UTỊN̄IKỌ NỌ. 1

6. Nso ke ukpepn̄kpọ abuana, ndien nso idi ndusụk ufọn edikpep Ikọ Abasi kpukpru ini? [be-EF p. 27 ikp. eki. 3; p. 32 ikp. eki. 4]

7. Ke n̄kemuyo ye James 1:5, 6, nso idi akpan n̄kpọ ke ini nnyịn iyomde ndinam akpan ubiere? [w01-EF 9/1 p. 28 ikp. eki. 4]

8. Ntak emi sụk edinyene Bible m̀mê idem ndinịm ke akpanikọ nte ke ẹkeda odudu spirit ẹwet enye mîkemke? [w01-EF 10/1 p. 6 ikp. eki. 1]

9. Ke nso usụn̄ ke “etịn̄ ikọ-edem” edi ndisịme? (N̄ke 10:18) [w01-EF 9/15 p. 25 ikp. eki. 3]

10. Nso idi ukpọhọde ererimbot inemesịt? [w01-EF 10/15 p. 7 ikp. eki. 1-2]

EDIKOT BIBLE EKE URUA KE URUA

11. Akpanikọ m̀mê Nsu: Ke 1 Corinth 2:9, apostle Paul etịn̄ aban̄a mme n̄kpọ oro Jehovah eben̄ede enịm ọnọ mme anam-akpanikọ ikọt esie nte udeme oro mmọ ẹdidade ẹnyene. Nam an̄wan̄a. [ip-EF-2 p. 366, ekebe]

12. Mme ikọ oro ẹwetde ke 1 Corinth 10:13 ẹtịn̄ ẹban̄a mme idomo ewe, ndien didie ke Jehovah ‘asiak usụn̄ ubọhọ’? [w91-EF 10/1 p. 10-11 ikp. eki. 11-14]

13. Didie ke uwụtn̄kpọ ntatubọk Jesus otụk mme Christian? (2 Cor. 8:9) [w92-EF 1/15 p. 16 ikp. eki. 10]

14. Didie ke Ibet ekedi ‘andikpeme emi adade nnyịn ọsọk Christ’? (Gal. 3:24) [w02-EF 6/1 p. 15 ikp. eki. 11]

15. Nso idi ‘ukpepn̄kpọ oro obụmede owo, nte asan̄ade ekekem ye mme enyene-odudu emi ẹkarade ererimbot,’ oro anade nnyịn ikpeme ibiọn̄ọ man ẹkûda nnyịn ẹtụn usụn̄? (Col. 2:8)