Mme Ntọt

◼ Mme n̄wed ẹnọde ke October: Magazine Enyọn̄-Ukpeme ye Awake! Ke ebiet oro ẹwụtde udọn̄, nọ ediye uduot ekpri n̄wed Oyom, esịnde san̄asan̄a ukeme nditọn̄ọ ukpepn̄kpọ Bible. November: Usụn̄ Oro Adade Esịm Nsinsi uwem—Nte Afo Omokụt Enye? December: Akakan Owo Oro Akanam Odude Uwem. Nte se ẹnọde ke ukpụhọ, afo emekeme ndikama N̄wed Mi eke Mme Mbụk Bible m̀mê Afo Emekeme Ndidu Uwem ke Nsinsi ke Paradise ke Isọn̄. January: N̄wed ekededi oro ẹkemịn̄de mbemiso 1988 emi esop enyenede ke itie unịm n̄wed. Edieke mbufo mînyeneke ekededi ke otu emi ke itie unịm n̄wed, mbọk ẹse m̀mê mme esop ekededi oro ẹdude ẹkpere mbufo ẹnyene nyọhọ-nsụhọ n̄kani n̄wed emi mbufo ẹkemede ndida nnam n̄kpọ.

◼ Esịne-esịt nsiondi Utom Obio Ubọn̄ Nnyịn emi edi “Ndutịm Ufọkn̄wed Utom Ukara Abasi eke 2004” ndien ẹkpenyene ndinịm man ẹda ẹnam n̄kpọ ke ofụri isua 2004.

◼ Edieke mme ini mbono esop mbufo ẹdikpụhọrede ke January 1, ewetn̄wed esop ekpenyene nditọt n̄kọk itieutom mban̄a mme ukpụhọde oro ebe ke ndinọ babru Congregation Meeting Information ye Handbill Request (S-5) ẹdi. Edieke ẹyomde, ẹkeme nditobo mbufa n̄wedikot kpasụk ke babru emi. Ẹkpenyene ndisịn eben̄e nnọ n̄wedikot ke nsụhọde n̄kaha urua itiaita mbemiso ini emi mbufo ẹyomde ndibọ mmọ.