Ndutịm Esoputom

Urua Ọtọn̄ọde August 13

Ikwọ 30

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Sịn udọn̄ nọ kpukpru owo ndise vidio oro, The New World Society in Action ke nditịm idem nnọ nneme ke Esoputom urua August 27.

Min. 17: “Nte Afo Omoyom Ndinam Ekese?”a Sịn mme ekikere kaban̄a ndinam ekese ke edinọ mme owo oro ẹdude ke efakutom mbufo ikọ ntiense. Tịn̄ ibio ibio ban̄a Enyọn̄-Ukpeme, June 15, 1997, page 26-29.

Min. 18: “Ẹn̄wam Nditọ Mbufo Ndidiomi Nnyụn̄ Nda Mme Ini Nduọkodudu Nnam N̄kpọ ke Eti Ibuot.”b Ebiowo edise aban̄a.”

Ikwọ 221 ye akam ediberi.

Urua Ọtọn̄ọde August 20

Ikwọ 33

Min. 8: Mme ntọt n̄kann̄kụk. Ntọt ibatokụk.

Min. 15: “Afo Edi ‘N̄kpọ Ndise’!”c Siak ndusụk n̄kpọntịbe n̄kann̄kụk emi mme owo ẹketịn̄de nti ikọ ẹban̄a utom m̀mê edu uwem Mme Ntiense Jehovah.—Se Enyọn̄-Ukpeme, March 15, 1998, page 10, ye January 15, 1999, page 32.

Min. 22: “Nti Edu—Ido Mme Abak Abasi.” Ebiowo ọnọ utịn̄ikọ minit ition ke ikpehe ekikere 1-5. Ekem enye eneme se isụhọde ke ibuotikọ oro ke mbot utịn̄ikọ ye ebiowo efen ye asan̄autom unamutom. Mmọ ẹtịn̄ ẹban̄a nte ẹkpekande ndusụk edu unana edikere mban̄a emi ẹkemede ndiwọn̄ọde ntịn̄enyịn n̄kpọn̄ mme mbono esop nnyịn nnyụn̄ nsụhọde mme ufọn oro nnyịn ibọde. Mmọ ẹwụt nte ebuana nnyịn ye kiet eken enen̄erede edi n̄kpọ nsịnudọn̄ ke ini nnyịn iwụtde ima ima edikere mban̄a ufọn mbon en̄wen.—Phil. 2:4.

Ikwọ 72 ye akam ediberi.

Urua Ọtọn̄ọde August 27

Ikwọ 40

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke August. Buana ibio ibio ekikere kiet m̀mê iba ke nte ẹkemede ndinọ n̄wed Edibọhọ ke an̄wautom ke September.

Min. 15: “Nịm Nduọkodudu ke Nnennen Itie Esie.” Ada ukpepn̄kpọ n̄wed enyene nneme ye ebe ye n̄wan ke ukpepn̄kpọ ama akasuana. Enye ke mfọnido etịn̄ nte ke imọ ikwe mmọ ndondo emi ke utom an̄wautom m̀mê ke mme mbono esop eke utịturua. Ebe ye n̄wan emi ẹtịn̄ ẹte ke ndidụk udianndọ ye mme edinam n̄kaowo eken ẹbọ mmimọ ini. Ebiowo oro odụn̄ọde mme akpan n̄kpọ ke ibuotikọ oro, an̄wamde ebe ye n̄wan emi ndikụt nte ke mme udọn̄ n̄kpọ eke spirit ẹkpenyene ndidi akpa kpukpru ini. Mmọ ẹwụt esịtekọm ke nditi mmọ mban̄a emi. Mmọ ẹnyịme ke mmimọ iyenịm n̄kpọ oro ẹfọnde ke ebeiso n̄kpọ ke ini iso.—Se Enyọn̄-Ukpeme, October 1, 2000, page 19-20.

Min. 20: “Ndidụn̄ọde Mbụk The New World Society in Action.” Nneme otuowo. Ke October, nnyịn ididụn̄ọde vidio oro United by Divine Teaching. Mîdịghe, neme “Nnyịn Imoyom Esop Jehovah.” Utịn̄ikọ emi ebiowo ọnọde, ọkọn̄ọde ke Enyọn̄-Ukpeme eke January 1, 2000, page 30-31.

Ikwọ 74 ye akam ediberi.

Urua Ọtọn̄ọde September 3

Ikwọ 80

Min. 8: Mme ntọt n̄kann̄kụk.

Min. 17: “Itie Ebuana Christian Edi Akpan N̄kpọ Adan̄a Didie?”d Sịn se ẹtịn̄de ke idak ekpri ibuotikọ oro “Ebe ke Esop” ke Enyọn̄-Ukpeme, January 15, 1996, page 22.

Min. 20: Ndibọrọ Mme Ikọ Utre Nneme. Nneme ye mme nnamn̄wụt. Ke an̄wautom, ke ini mme owo ẹtịn̄de ikọ m̀mê ẹbụpde mme mbụme oro nnyịn mîkodorike enyịn, nnyịn ikpenyene ndidomo ndinọ ibọrọ utu ke ndikpụhọde ibuot nneme m̀mê nditre nneme oro. Ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible esiwak ndidi n̄kpọ un̄wam ke afan̄ emi. Wụt ndusụk ọsọ n̄kpọ, nyụn̄ dọhọ mme asuanetop ẹnam ẹwụt nte ẹkpedade mme ikọ ke ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible ẹnọ ibọrọ. Sịn udọn̄ nọ kpukpru owo ndida ikpehe ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible emi nnam n̄kpọ ke ini mme idaha emi owo mîkodorike enyịn ẹdemerede ke an̄wautom.

Ikwọ 121 ye akam ediberi.

[Mme ikọ idakisọn̄]