Mme Esoputom Eke December

Urua Ọtọn̄ọde December 7

Ikwọ 186

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 15: “Nnyịn Inyene Ndiwaha Ndien Ndien.” Mbụme ye ibọrọ. Tịn̄ n̄kpọ ibio ibio ban̄a Ezekiel 3:17-19, ọsọn̄ọde etịn̄ mbiomo nnyịn ndikaiso nnọ etop ntọt.

Min. 20: “‘Kûsịn’ Ndinam Mmọ Ẹdiọn̄ọ.” Eyenete eneme ibuotikọ ye asuanetop iba m̀mê ita oro ẹnyenede ukeme. Nam wụt nte ẹkemede ndinọ n̄wed ke December.

Ikwọ 192 ye akam ediberi.

Urua Ọtọn̄ọde December 14

Ikwọ 206

Min. 10: Mme ntọt n̄kann̄kụk. Nọ mme ekikere ke nte ẹkemede ndida mbufiọk mbọrọ mme ekọm ini nduọkodudu. Edieke esop enyenede mme n̄wed Akakan Owo m̀mê Aqua Andikpep, wụt nte ẹkemede ndida mmọ nnam n̄kpọ nte ọfọnde ke an̄wautom ke mme ini nduọkodudu Christmas. Tịn̄ akpan ndutịm an̄wautom oro ẹnamde ẹnọ December 25 ye January 1.

Min. 15: “Mme Esenyịn Oro Ẹdade Usụn̄—Ada Ukpepn̄kpọ Enyọn̄-Ukpeme.” Utịn̄ikọ emi ada Ukpepn̄kpọ Enyọn̄-Ukpeme ọnọde. Enye anam mbiomo esie an̄wan̄a ye nte kpukpru mme andidụk ẹkemede ndin̄wam ke ndinam ukpepn̄kpọ enyene uwem, esịne ifiọk, onyụn̄ edi se ibọpde-bọp ke n̄kan̄ eke spirit.—Se Utom Nnyịn, page 67.

Min. 20: “Mmọ Ẹkeme Ndikụt Nte ke Nnyịn Idi Isio.” Mbụme ye ibọrọ. Nam ibio ibio ndụn̄ọde ban̄a mme edu kiet kiet oro ẹnamde nnyịn idi isio. Wụt nte ẹkemede ndida mme ntọt ẹmi ke ndimen mbon oro ẹnyenede udọn̄ n̄wụt esop ye ke ndiwụt mmọ nte akpanikọ osion̄ode nti edu Christian ke idem mbon oro ẹdade enye ẹdu uwem.

Ikwọ 146 ye akam ediberi.

Urua Ọtọn̄ọde December 21

Ikwọ 163

Min. 10: Mme ntọt n̄kann̄kụk. Ntọt ibatokụk. Edieke esop mbufo edikpụhọrede mme ini mbono esop ke obufa isua, nọ eti nsịnudọn̄ akpakde kpukpru owo ndika iso ndụk kpukpru ini ye esop ke mbufa ini esie. Ti mme asuanetop ete ẹsian nditọ ukpepn̄kpọ Bible mmọ ye mbon eken oro ẹnyenede udọn̄ ẹban̄a mme ukpụhọde ekededi. Sịn udọn̄ nọ kpukpru owo ete ẹtịm ọkpọkpọ Utom Obio Ubọn̄ Nnyịn eke mmọ ẹnịm, akpan akpan mme esịne-esịt. Eyedi nnyịn iyafiak itịn̄ iban̄a mmọ ke ini iso.

Min. 10: Dụn̄ọde “Obufa Ndutịm Mbono Circuit.”

Min. 25: “Se Ẹyomde—Mme Ukpepn̄kpọ Bible Efen Efen.” Utịn̄ikọ ye nneme otuowo oro esenyịn utom ọnọde. Dụn̄ọde utom ukpepn̄kpọ Bible eke n̄kann̄kụk. Toro ke itie emi esop anamde ọfọn. Sio mme n̄kpọ efen oro ẹkemede ndinam ke nditọn̄ọ nnyụn̄ nnịm ukpepn̄kpọ Bible wụt, esịnede mme ukpepn̄kpọ ubon. Nam ikpehe ekikere 5 an̄wan̄a ebe ke ndinam ndụn̄ọde ye ete m̀mê eka oro anamde ọfọn ke ndinịm ukpepn̄kpọ ubon. Kot ikpehe ekikere 8, nyụn̄ sọn̄ọ tịn̄ mme akpan n̄kpọ itiaita oro ẹsiakde. Nam ikpehe ekikere 13 an̄wan̄a ebe ke ndidọhọ asuanetop oro enyenede uforo ke ndinịm mme ukpepn̄kpọ obụk nte ẹkemede ndikụre ibuotikọ ye unana edibiat ini nte mîdotke. Sịn ifiọkutom oro ẹtịmde ẹmek oro owụtde nte ẹnyenede nti utịp ke n̄kann̄kụk.

Ikwọ 109 ye akam ediberi.

Urua Ọtọn̄ọde December 28

Ikwọ 178

Min. 10: Mme ntọt n̄kann̄kụk. Ti kpukpru owo ẹnọ ibatutom an̄wautom mmọ eke December. Wụt mme otu n̄wed oro ẹsụk ẹdude kaban̄a n̄wed ẹnọde ke January. Sịn udọn̄ nọ mme asuanetop ndibọ ndusụk man ẹnịm ke utịturua emi.

Min. 20: Mme udọn̄ n̄kann̄kụk.

Min. 15: “Bọ Ufọn To Ndutịm Ufọkn̄wed Utom Ukara Abasi eke 1999.” Utịn̄ikọ oro esenyịn Ufọkn̄wed Utom Ukara Abasi ọnọde. Nam ndusụk mme asuanetop ẹtịn̄ mme ufọn oro mmọ ẹbọde ẹto edisan̄a ikpat kiet ye “Udiana Ndutịm Edikot Bible” ke urua kiet kiet. Sịn udọn̄ nọ kpukpru owo ndikot Ikọ Abasi ke usen ke usen.

Ikwọ 91 ye akam ediberi.