Mme Esoputom Eke April
Urua Ọtọn̄ọde April 7
Ikwọ 100 (50)
Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Neme “Ikpọ Mbono Ofụri Ererimbot ke 1998.” Tịn̄ mme akpan n̄kpọ ke mme magazine ndondo emi ndida nnyene nneme.
Min. 15: “Ke Ẹda Ata Ediwak Owo Ẹdidian.” Mbụme ye ibọrọ. Dụn̄ọde mme akpan ekikere oro ẹkenọde ke Enyọn̄-Ukpeme, August 15, 1993, page 12-17.
Min. 18: “N̄wam Mme Ọkọi Ẹnyene Ifiọk.” Mbụme ye ibọrọ. Dụn̄ọde mme ikpehe ediye uduot ekpri n̄wed Oyom: mmemmem usụn̄ unọ ukpep, mme ekemini mbụme, ndiye ndise, akpakịp itien̄wed Abasi oro ẹtịn̄de ẹtụk. Sọn̄ọ tịn̄ ban̄a utịtmbuba editọn̄ọ mme ukpepn̄kpọ oro ke akpatre ẹdibede ẹdụk n̄wed Ifiọk. Dọhọ asuanetop oro odotde anam owụt nte ẹkpetọn̄ọde ukpepn̄kpọ adade usụn̄ unam n̄kpọ oro ẹwụtde ke ikpehe ekikere 4. Sịn udọn̄ nọ kpukpru ete ye eka ke esop ndikpep ediye uduot ekpri n̄wed ye n̄kpri nditọ mmọ.
Ikwọ 130 (58) ye akam ediberi.
Urua Ọtọn̄ọde April 14
Ikwọ 107 (57)
Min. 10: Mme ntọt n̄kann̄kụk. Dụn̄ọde Ekebe Mbụme, nyụn̄ nam esop ọfiọk m̀mê ẹyom ndusụk n̄wed ndida nnam itie ubonn̄wed ke Ufọkmbono Obio Ubọn̄ ọyọhọ.
Min. 15: “Ndimen Nditọ Ukpepn̄kpọ N̄wụt Ndutịm Emi Odude ke Edem Enyịn̄ Nnyịn.” (Ikpehe ekikere 1-6) Mbụme ye ibọrọ. Kot ikpehe ekikere 5-6 ye mme itien̄wed oro ẹsiakde ẹsịn. Bụk mme ifiọkutom n̄kann̄kụk ẹban̄ade nte nditọ ukpepn̄kpọ Bible ẹkenamde n̄kpọ ke ẹsede vidio oro Jehovah’s Witnesses—The Organization Behind the Name.
Min. 20: “Kpep Mmọ En̄wen Se Abasi Oyomde.” Neme mme ikpehe ekikere 1-4 ye otuowo. Dọhọ ẹnam se idude ke ikpehe ekikere 5 ẹwụt, ẹdade nsio nsio usụn̄ inan̄ nte ẹtịmde—ke efak, ke ufọk, ke itie mbubehe, ye ke itie ubon moto. Ti kpukpru owo ete ẹbọ ndiye uduot n̄kpri n̄wed ye mme magazine kaban̄a utom an̄wautom mbemiso ẹkpọn̄de Ufọkmbono Obio Ubọn̄ mbubịteyo emi.
Ikwọ 126 (89) ye akam ediberi.
Urua Ọtọn̄ọde April 21
Ikwọ 113 (62)
Min. 15: Mme ntọt n̄kann̄kụk. Nam an̄wan̄a nte ke ini ibehe ikaha ndiyak n̄wed eben̄e kaban̄a utom usiakusụn̄ unọ un̄wam ke May nnọ. Ntọt ibatokụk. Nte ini ayakde, tịn̄ ibio ibio ban̄a mme ifiọkutom an̄wautom n̄kann̄kụk ẹban̄ade edinịm ediye uduot ekpri n̄wed Oyom m̀mê ndida enye ntọn̄ọ mme ukpepn̄kpọ Bible.
Min. 15: “Ndimen Nditọ Ukpepn̄kpọ N̄wụt Ndutịm Emi Odude ke Edem Enyịn̄ Nnyịn.” (Ikpehe ekikere 7-14) Mbụme ye ibọrọ. Dọhọ andikpep oro odotde anam owụt nte ẹkpenyenede nneme esịt akpanikọ ke mfọnido ye eyen ukpepn̄kpọ ẹban̄a ufọn edidụk mme mbonoesop.
Min. 15: Ndida Mme N̄wed Nnyịn Nnam N̄kpọ Ọyọhọ Ọyọhọ. Utịn̄ikọ oro ebiowo ọnọde. (Se Utom Obio Ubọn̄ Nnyịn eke March 1996, page 3-5.) Ntọt ẹwụt ke mme esop ẹsiwak nditobo ediwak magazine efen efen n̄kan nte mmọ ẹsinen̄erede ẹsuan ke ọfiọn̄ kiet kiet. Akananam owo itọtke se iwakke isịm mbahade 50 eke ikie nte se ẹnịmde. (Wụt se ibat emi edide ke n̄kann̄kụk.) Nso isitịbe inọ mme magazine ẹmi? Ediwak ẹsibono ke n̄kpọ udori n̄wed mîdịghe ẹtomo ẹduọn̄ọ. Didie ke ẹkeme ndifep emi? Asuanetop kiet kiet ekpenyene nditịn̄ enyịn ndụn̄ọde se enye oyomde onyụn̄ otobo se enye ekemede ndinịm kpọt. Nam edi ido fo ndiyak mme magazine nnọ kpukpru owo oro nnyịn isobode. Kûyak n̄kani nsiondi ẹtak. Buana ke utom magazine kpukpru ini.
Ikwọ 128 (99) ye akam ediberi.
Urua Ọtọn̄ọde April 28
Ikwọ 121 (68)
Min. 15: Mme ntọt n̄kann̄kụk. Ti kpukpru owo ete ẹyak ibatutom an̄wautom mmọ eke April ẹnọ. Tọt enyịn̄ mbon oro ẹdinamde utom usiakusụn̄ unọ un̄wam ke May. Wụt mme ndutịm efen efen oro ẹnamde ke n̄kann̄kụk ẹnọ mme mbono an̄wautom. Ke May ẹkpenyene ndisịn akpan ukeme ndika ebiet ẹkenịmde ndiye uduot n̄kpri n̄wed ye uduak nditọn̄ọ mme ukpepn̄kpọ. Nọ mme ekikere ke ibio ibio usụn̄ ban̄a nte nnyịn ikemede ndida mbufiọk mbụp enyịn̄ ye adres mme owo oro nnyịn ikọnọde ikọ ntiense ido nneme. Afo emekeme ndibem iso nsiak enyịn̄ ye adres fo onyụn̄ obụp m̀mê nọmba urụk ukopikọ odu emi ẹkemede ndida nsịm mmọ. Dọhọ otuowo ọnọ mme ekikere en̄wen ẹmi ẹkenyenede ufọn ẹnọ mmọ.
Min. 15: “Ntak Emi Mmọ Ẹnamde?” Ebiowo eneme ibuotikọ oro ye asiakusụn̄ ofụri ini iba m̀mê ita. (Edieke mîdụhe, da mbon oro ẹsiwakde ndinam utom nte mme asiakusụn̄ unọ un̄wam.) Sịn mme akpan n̄kpọ ẹtode ibuotikọ oro “Mme Asiakusụn̄ Ẹsinọ Ẹnyụn̄ Ẹbọ Mme Edidiọn̄,” ke Enyọn̄-Ukpeme eke January 15, 1994. Dọhọ owo kiet kiet anam an̄wan̄a ntak emi enye okodụkde utom usiakusụn̄. Dọhọ mmọ ẹbụk mme ifiọkutom ẹwụtde nte ẹkediọn̄de mmọ ke ndinam ntre.
Min. 15: Mme udọn̄ n̄kann̄kụk. Mbiowo ẹkeme ndida ini emi nnọ ntọt ke mme akpan udọn̄ n̄kann̄kụk.
Ikwọ 129 (66) ye akam ediberi.