N̄wam Mme Ọkọi Ẹnyene Ifiọk
1 Ebede ke utom unam mbet, nnyịn imekpep mbon en̄wen mme n̄kpọ oro Abasi oyomde oto mmọ. (Matt. 28:19, 20) Se iwakde ikan Mme Ntiense miliọn ition ke ẹsịn ata akamba ukeme ndinam oro ke ofụri ererimbot. Owo idaha hour oro ẹsịnde, n̄wed oro ẹnịmde, m̀mê mme ukpepn̄kpọ Bible oro ẹtọn̄ọde idomo unen oro ẹkụtde. Nnyịn isịm uduak nnyịn ke ini se mme owo ẹkpepde an̄wan̄ade, mmọ ẹnyụn̄ ẹnamde n̄kpọ ẹban̄a.
2 Ndin̄wam mbon en̄wen ke n̄kan̄ eke spirit abuana ‘nditịm nsian mme ọkọi.’ (Ps. 119:130) Ẹtụk esịt ẹnyụn̄ ẹdemede udọn̄ mme owo n̄kukụre ke ini mmọ ‘ẹtịmde ẹfiọk n̄kpọ.’ (Matt. 15:10) Nte utom nnyịn atarade onyụn̄ etịmde okop odudu, ntre ke nnyịn idọdiọn̄ ifiọk nte oyomde itịn̄ ikọ inyụn̄ inọ ukpep ke mmemmem usụn̄. Ntak edi oro N̄ka emịn̄de ediye uduot ekpri n̄wed oro Nso ke Abasi Oyom Oto Nnyịn? Enye ọdọn̄ọ ọyọhọ ọyọhọ usụn̄ unọ ukpep oro enemede mme akpan ukpepn̄kpọ Bible. Mme ukpepn̄kpọ ẹdi mbio mbio, ikọ iwakke n̄kukọhọ, ndien item emem nditịm mfiọk, anamde ediye uduot ekpri n̄wed emi edemede udọn̄ ediwak owo.
3 Ẹyenọ ediye uduot ekpri n̄wed emi adianade ye mme magazine ke ọfiọn̄ April ye May. Ẹtoro ẹte ke ini afo anamde ndutịm utom an̄wautom fo eke urua ke urua, yak afo odiomi ndinọ mme editobo ye ediye uduot ekpri n̄wed emi ke utom ukwọrọikọ fo kpukpru ini. Da ediye uduot ekpri n̄wed emi sọk mme owo oro mîkemen̄eke ndibọ mme n̄wed ke ini edem. Ti ete ke enye ekeme ndinyene ufọn akpan akpan ke ndida n̄kpep nditọwọn̄ n̄kpọ, mme owo oro ẹsemde esen usem, ye mbon oro ẹnyenede esisịt ukeme ukot n̄wed.
4 Da Mmemmem Usụn̄ Unam N̄kpọ: Ke ini ọnọde ediye uduot ekpri n̄wed Oyom, kụbọde ka page 2, ke ebiet emi enye anamde an̄wan̄a nte ke “ẹtịm ediye uduot ekpri n̄wed emi nte n̄wed ukpep Bible.” Nyan ubọk wụt ikpehe ekikere 3 ke page 3 ndiwụt ntak emi oyomde owo oro ekpep Bible. Da ndusụk ibuotikọ ukpepn̄kpọ oro ẹyarade mme mmemmem akpanikọ Bible demede udọn̄ esie. Nam wụt nte ediye uduot ekpri n̄wed emi anamde ubọ ukpep edi inem inem n̄kpọ, nyụn̄ diomi ndinọ enye ọkpọkpọ un̄wam.
5 Nịm Ukpepn̄kpọ Oro Enyenede N̄kọri: Utịtmbuba nnyịn edi ndinam se ikande sụk edinịm mme ukpepn̄kpọ—nnyịn iyom ndinam mme mbet ẹmi ẹdikabarede ẹdi mme enyene-iwụk andida nnọ utuakibuot akpanikọ. Ẹkeme ndikụre ediye uduot ekpri n̄wed emi ke urua ifan̄ ndien ekpenyene ndida nnennen nsịm edikpep n̄wed Ifiọk. (Se ikọ idakisọn̄ ke page 31.) Ke ata ntọn̄ọ ntọn̄ọ, n̄wam eyen ukpepn̄kpọ ọdiọn̄ọ esop Jehovah. (Se n̄wed Reasoning, page 283-284.) Sọn̄ọ tịn̄ ufọn oro mme mbonoesop ẹnyenede, nyụn̄ nam an̄wan̄a nte ke edidụk mmọ ọnọ ọyọhọ ọyọhọ ifiọk ke nte ẹkpenamde utuakibuot akpanikọ.—Heb. 10:24, 25.
6 Edibuana ọyọhọ ọyọhọ ke akpan utom emi ke April ye May iditreke-tre ndinam nnyịn inyene idatesịt oro otode edin̄wam mbon esịt akpanikọ ‘ẹnyene ifiọk’ oro adade esịm uwem.—N̄ke 4:5.