Mme Esoputom Eke July
Urua Ọtọn̄ọde July 1
Ikwọ 90 (51)
Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ ban̄a utom an̄wautom March eke idụt ye eke esop n̄kann̄kụk.
Min. 15: “Ndisio Akan̄a Nnyịn Kpukpru Usen.” Mbụme ye ibọrọ. Sịn mme ikọ ẹtode Insight, Eboho 2, page 1162, ikpehe ekikere 6-7, owụtde ntak emi akan̄a edide akpan mbiomo.
Min. 18: “Kpebe Jehovah ebe ke Ndinen̄ede N̄kere Mban̄a Mbon En̄wen.” (Ikpehe ekikere 1-3) Da akpa ikpehe ekikere tat ibuotikọ oro. Biere m̀mê ewe ndiye uduot n̄kpri n̄wed ẹmi ẹdude idahaemi ke esop ẹkeme ndidemede owo udọn̄ ke efakutom mbufo. Ekem dụn̄ọde ikpehe ekikere 2-3 kpọt, nyụn̄ nam wụt nte ẹkemede ndida ediye uduot ekpri n̄wed oro Nte Abasi Enen̄ede Ekere Aban̄a Nnyịn? nnam akpa ediwaha ye mfiakn̄ka. Wụt nte mme asuanetop ẹkemede ndinyene nneme eke idemmọ ndida nnọ ediye uduot ekpri n̄wed en̄wen oro odotde ke efakutom n̄kann̄kụk.
Ikwọ 112 (207) ye akam ediberi.
Urua Ọtọn̄ọde July 8
Ikwọ 63 (43)
Min. 5: Mme ntọt n̄kann̄kụk.
Min. 23: “Ndiyak Un̄wana Nnyịn Akaka Iso Ayama.” Nọ ibio ibio ntọn̄ọikọ emi ọkọn̄ọde ke ikpehe ekikere 1-5. Ẹnyene ndikụre ikpehe ekikere 6-16 ke mbụme ye ibọrọ. Kot ikpehe ekikere 6-9, 15, ye 16. Da ikpehe ekikere 17-19 beri. Esenyịn utom edise aban̄a ke ekemede.
Min. 17: “Ẹyom Nditọete Iren Efen Efen ke Utom Usiakusụn̄.” Mbụme ye ibọrọ. Nte ini ayakde, dụn̄ọde mme ekikere ẹban̄ade nte ẹkemede ndise mban̄a okụk ẹyomde, nte ẹkenemede ke Enyọn̄-Ukpeme eke September 15, 1993, page 28-31.
Ikwọ 16 (128) ye akam ediberi.
Urua Ọtọn̄ọde July 15
Ikwọ 162 (193)
Min. 10: Mme ntọt n̄kann̄kụk. Ntọt ibatokụk.
Min. 20: “Nte Afo Emesidomo Unọ Ikọ Ntiense Mbubịteyo Ese?” Utịn̄ikọ oro ẹnọde ye ebuana otuowo ye ndusụk ndụn̄ọde. Bụk se ẹkụtde ke n̄kann̄kụk ke ini ẹnamde utom ke efakutom oro ke mbubịteyo. Sịn mme ifiọkutom oro ẹwụtde nti utịp ẹtode unọ ikọ ntiense mbubịteyo. Tịn̄ ndutịm mbono an̄wautom n̄kann̄kụk eke urua ke urua.
Min. 15: “Kpebe Jehovah ebe ke Ndinen̄ede N̄kere Mban̄a Mbon En̄wen.” (Ikpehe ekikere 4-5) Neme ikpehe ekikere 4-5 kpọt ye ndusụk akpan n̄kpọ ke ediye uduot ekpri n̄wed oro Ke Ini Owo Oro Afo Amade Akpade. Ekem nam mme nneme oro ẹnọde ekikere kaban̄a akpa ediwaha ye mfiakn̄ka wụt.
Ikwọ 64 (214) ye akam ediberi.
Urua Ọtọn̄ọde July 22
Ikwọ 108 (183)
Min. 5: Mme ntọt n̄kann̄kụk. Dụn̄ọde mbufa nsiondi magazine ibio ibio, osiode mme inem inem akpan n̄kpọ ẹmi ẹkemede ndikama nnọ mmọ ke enyịnusụn̄ owụt.
Min. 12: “Kpebe Jehovah ebe ke Ndinen̄ede N̄kere Mban̄a Mbon En̄wen.” (Ikpehe ekikere 6-8) Da akpatre ikpehe ekikere ke ibuotikọ oro sịn udọn̄ nọ kpukpru owo ndinam mme mfiakn̄ka iwiwa ye mbon oro ẹnịmde ndiye uduot n̄kpri n̄wed ẹnọ. Ke adade ikpehe ekikere 6-7, nam wụt nte ẹkemede ndinọ ediye uduot ekpri n̄wed Uduak Uwem ke akpa ediwaha ye nte ẹkemede nditọn̄ọ ukpepn̄kpọ ke akpa ibuot ke n̄wed Ifiọk ke mfiakn̄ka. Ti mme asuanetop ete ke mmọ ẹkeme nditịm nneme eke idemmọ ndida nnọ ndiye uduot n̄kpri n̄wed eken, ẹtienede uwụtn̄kpọ nneme oro ẹnọde ekikere ẹban̄a ke Utom Obio Ubọn̄ Nnyịn.
Min. 13: Bịne Utịtmbuba Utom Uyọhọ Ini. Nneme ke ufọt ebiowo ye uyen kiet m̀mê iba, ọkọn̄ọde ke Enyọn̄-Ukpeme eke December 15, 1988, page 25-27. Mme uyen oro ẹdomo ndibiere mme utịtmbuba oro mmọ ẹdibịnede ke ẹma ẹkekụre ufọkn̄wed sekọndri. Mmọ ẹwụt udọn̄ ke n̄kpọ obụkidem ẹmi mme ubọkọkọ ererimbot ẹnọde. Ebiowo osio eti ntak okpotịmde ọfọn akan ndinyanade mbịne utom usiakusụn̄. Mme uyen ẹnyịme edi ẹyịk m̀mê imekeme ndisiak usụn̄ nnyụn̄ nse mban̄a mme n̄kpọ obụkidem mmimọ. Ebiowo abuana mme ifiọkutom ẹmi ẹtode ibuotikọ Enyọn̄-Ukpeme, owụtde ete ke utom usiakusụn̄ edi utịtmbuba oro owụtde ifiọk emi ẹkemede ndisịm oro adade idatesịt ọsọk ediwak owo. Ẹberi nneme oro ye mme uyen nditịn̄ mme ikọ esịtekọm mban̄a se ebiowo etịn̄de ye ubiere mmọ ndinen̄ede n̄kere mban̄a edibịne utịtmbuba eke edinyene ọyọhọ ebuana ke utom Obio Ubọn̄.
Min. 15: “Nte Ẹkemede Ndida N̄wed Ifiọk Nnam Mme Mbet.” Utịn̄ikọ oro ẹkụrede ikpehe ekikere 12-16 eke esịne-esịt June 1996. Sịn nnamn̄wụt iba ke nte ẹnịmde ukpepn̄kpọ Bible. Akpa owụt nte ẹkpepde eyen ukpepn̄kpọ nditịm idem nnọ ukpepn̄kpọ ebe ke ndinịm mme idiọn̄ọ ke mme ọkpọ ikọ ye ubak udịmikọ oro ẹbọrọde mme mbụme oro ẹmịn̄de-mịn̄ nnennen nnennen. Ọyọhọ iba owụt se afo ekemede nditịn̄ man esịn udọn̄ ọnọ eyen ukpepn̄kpọ Bible ndidụk An̄wan̄wa Mbonoesop ye Ukpepn̄kpọ Enyọn̄-Ukpeme.
Ikwọ 116 (63) ye akam ediberi.
Urua Ọtọn̄ọde July 29
Ikwọ 212 (188)
Min. 5: Mme ntọt n̄kann̄kụk.
Min. 15: Nso ke Oyom Man Ẹnyene Ukpepn̄kpọ Bible? Ebiowo ada usụn̄ ke nneme ye owo iba m̀mê ita ẹmi ẹma ẹkekụt unen ke utom edinịm ukpepn̄kpọ Bible, ẹdụn̄ọde mme usụn̄ oro ẹkemede ndinyene uforo n̄kan ke nditọn̄ọ mme ukpepn̄kpọ: (1) Bọn̄ akam yom un̄wam Jehovah. (2) Buana kpukpru ini ke nsio nsio ikpehe utom ukwọrọikọ man okụt mbon oro ẹnyenede udọn̄. (3) Wet kpukpru mbon oro ẹnyenede udọn̄ nịm, nyụn̄ nam mme mfiakn̄ka iwiwa. (4) Tọn̄ọ ukpepn̄kpọ kpukpru ini ke ebiet ẹwụtde udọn̄. (Se ekpri ibuotikọ oro “Nditọn̄ọ Mme Ukpepn̄kpọ Bible,” ke Enyọn̄-Ukpeme eke February 15, 1996, page 20.) (5) Nyene mbuọtidem ke ukeme fo ndinọ ukpep ebe ke ndikama ekikere inan̄ ẹmi ẹnọde ke Enyọn̄-Ukpeme eke February 1, 1985, page 13-17.
Min. 25: “Udeme Fo ke Ndibọp nnọ Ini Iso.” Edikụre se idude ke esịne-esịt ke mbụme ye ibọrọ. Kot ikpehe ekikere 6, 7, 13, ye 14. Toro nditọete kaban̄a mme etịbe ntatubọk oro ẹtịpde ẹnọ Okụk Ufọkmbono Obio Ubọn̄ N̄ka ye ibetedem oro ẹnọde mme utom ubọpn̄kpọ n̄kann̄kụk ekededi.
Ikwọ 12 (93) ye akam ediberi.