Mbono “Mme Isụn̄utom Emem Abasi” Eke 1996

KE ESET ikọt Jehovah ẹkesinịm mme akpan usọrọ ita kpukpru isua. Ukem ntre, ke eyomfịn ikọt enyịn̄ Jehovah ẹsisop idem ikata ke isua ndinịm mme usọrọ. Mmọ ẹsidara ndisop idem ke usen akpan mbono usen kiet, mbono circuit usen iba, ye mbono district usen ita m̀mê inan̄. Isua emi, ibuotikọ mbono district edi “Mme Isụn̄utom Emem Abasi.”

Ibuotikọ oro odot didie ntem! Abasi nnyịn, Jehovah, edi “Abasi emem,” ih, “Abasi emi ọnọde emem.” Adausụn̄ nnyịn, Jesus Christ, edi “Ọbọn̄ Emem,” ndien etop oro mme asan̄autom Jehovah ẹdade ẹdi edi etop emem Abasi. (Philippi 4:9; Rome 15:33, NW; Isaiah 9:6; Nahum 1:15) Ẹnam eti ndutịm ẹnọ mbono oro edin̄wamde kpukpru owo ẹtịm ẹfiọk ufọn emem Abasi ọyọhọ ọyọhọ.

Ke Nigeria ikpọn̄, mbono 104 ẹdidu isua emi. Nte ido edide, mbono eyedu ekpere fi. Ntak mûbụpke Mme Ntiense Jehovah ke n̄kann̄kụk fo uban̄a nnennen ini ye ebiet oro enye edidude ndien ekem odiomi ndidụk? Ẹyedara kpukpru mbon oro ẹnyenede udọn̄ ke ata emem oro ebịghide ufiop ufiop.