Itien̄wed Abasi Usen Kiet Kiet Ke Isua 1994
JANUARY
1. Eka ẹkenam kpukpru mme idụt ẹdi mbet Mi, ẹnịm mmọ baptism ẹsịn ke enyịn̄ Ete ye Eyen ye edisana spirit: ẹnyụn̄ ẹkpep mmọ ẹnam kpukpru n̄kpọ eke n̄ketemede mbufo.—Matt. 28:19, 20. w-EF 9/1/92 1, 2
2. Dragon ayat esịt ye n̄wan, onyụn̄ adaba ndin̄wana ekọn̄ ye nditọ esie ẹmi ẹsụhọde ẹmi ẹnịmde mme item Abasi, ẹnyụn̄ ẹyịrede ẹmụm ikọ ntiense Jesus ẹkama.—Edi. 12:17. w-EF 9/15/92 19-21a
3. Enye akada unan aban̄a mme idiọkido nnyịn, anuaha aban̄a mme ukwan̄n̄kpọ nnyịn.—Isa. 53:5. w-EF 10/1/92 18, 19
4. Mbufo mme ete, ẹkûfiomo nditọ mbufo; edi ẹkama mmọ ke ntụnọ ye item Ọbọn̄.—Eph. 6:4. w-EF 10/15/92 11
5. Enye . . . onịm mbet ke Israel, eke enye eketemede mme ete nnyịn, ete mmọ ẹda ẹteme nditọ mmọ.—Ps. 78:5. w-EF 11/1/92 9
6. Ufọn Jehovah ofori owo, enye inyụn̄ idianke afanikọn̄ ke esịt.—N̄ke 10:22. w-EF 12/1/92 4, 5
7. Idomo ikosịmke mbufo ibọhọke se inade owo ndibiom; edi Abasi edi akpanikọ, idinyụn̄ iyakke ẹdomo mbufo ẹbe se ukeme mbufo edide; edi Enye eyesiak usụn̄ ubọhọ ọnọ mbufo ke ufọt idomo, man mbufo ẹkeme ndibiom enye.—1 Cor. 10:13. w EF 12/15/92 10
8. Nnyịn imọkọm fi, ndien, O Abasi nnyịn, inyụn̄ itoro enyịn̄ ubọn̄ fo.—1 Chron. 29:13. w-EF 11/15/92 20-22
9. Eyenyụn̄ ẹkwọrọ gospel Ubọn̄ Abasi emi ke ofụri ekondo nte ntiense ẹnọ kpukpru mme idụt.—Matt. 24:14. w-EF 1/1/93 19, 20
10. Mbufo ẹyom Jehovah, ke ini ẹkemede ndikụt enye, ẹseme ẹkot enye, ke ini enye ekperede: yak idiọkowo ọkpọn̄ usụn̄ esie, yak oburobụt owo ọkpọn̄ ekikere esie: onyụn̄ afiak etiene Jehovah: ndien enye eyetua enye mbọm; etiene Abasi nnyịn, koro Enye eyewak ndidahado.—Isa. 55: 6, 7. w-EF 9/15/92 1-3
11. Baba anam use kiet, m̀mê anam mbubiam ido, m̀mê esịn esịt ke n̄kpọ owo, emi edide okpono ndem, inyeneke udeme ke Obio Ubọn̄ Christ ye Abasi.—Eph. 5:5. w-EF 1/15/93 15-17b
12. Ami n̄kemeke ndinam baba n̄kpọ kiet ke Idemmi: adan̄a nte n̄kopde ke mbiere ikpe; ndien ubiereikpe Mi edi edinen; koro mbịneke uduak Idemmi, edi mbịne uduak Andidọn̄ Mi.—John 5:30. w-EF 2/1/93 12, 13
13. O Jehovah, wụt mi usụn̄ mme ewụhọ fo: ndien nyekpeme enye tutu nsịm akpatre.—Ps. 119:33. w-EF 2/15/93 9, 10a
14. Eyen mi, kop item usọ, kûnyụn̄ ukpọn̄ mbet uka.—N̄ke 1:8. w-EF 10/15/92 4
15. Sese, ekịm eyefụk ererimbot, ọkpọsọn̄ ekịm eyenyụn̄ ofụk mme idụt: edi Jehovah eyesiaha ọnọ fi, ẹyenyụn̄ ẹkụt ubọn̄ esie eke odorode fi.—Isa. 60:2. w-EF 3/1/93 1, 2a
16. Ke ini ẹdiyakde mbufo ẹnọ, ẹkûtịmede esịt ẹkere, m̀mê ẹdidọhọ didie, m̀mê ẹditịn̄ nso; koro kpa idaha oro ke ẹyenọ mbufo se ẹditịn̄de.—Matt. 10:19. w-EF 9/15/92 10a
17. Mme uwa emem Abasi ẹdi spirit eke obụn̄ọde: O Abasi, afo usịnke edibụn̄ọ ye edinuaha esịt ke ndek.—Ps. 51:17. w-EF 3/15/93 15, 16a
18. Ẹfara ke idem ẹnyụn̄ ẹkpeme; asua mbufo, kpa Satan, ke oyoyo nte lion eke okụnide, oyom se editade. Ẹsọn̄ọ ẹda ke mbuọtidem ẹn̄wana ye enye.—1 Pet. 5:8, 9. w-EF 11/15/92 18, 19b
19. Se owo mi, nyemụm enye n̄kama: se edimek owo mi emi adatde mi esịt; mmodori enye spirit mi ke idem: enye eyenam ikpe ọwọrọ ọnọ mme idụt.—Isa. 42:1. w-EF 1/15/93 7, 8
20. Mbufo ẹnyụn̄ ẹda mmọ ẹteme nditọ mbufo, ẹnyụn̄ ẹdọhọ ẹban̄a mmọ ke ini afo etiede ke ufọk fo, ye ke asan̄ade ke usụn̄, ye ke anade ke isọn̄, ye ke edemerede ke idap.—Deut. 11:19. w-EF 11/1/92 1
21. Mbufo ẹda kpukpru ọyọhọ mbak duop ẹdisịn ke ufọk unịmn̄kpọ, man udia odu ke ufọk mi, ndien ẹda emi ẹdomo mi, Jehovah mme udịm ọdọhọ, m̀mê ami ndiberekede window heaven nnọ mbufo, nnyụn̄ n̄n̄wan̄a nti n̄kpọ nnọ mbufo, tutu akaha.—Mal. 3:10. w-EF 12/1/92 6, 7
22. Nnamke n̄kpọ oto Idemmi, edi kpa nte Ete ekekpepde Mi, kpa ntre ke ntetịn̄.—John 8:28. w-EF 12/15/92 3, 4a
23. Enye osio mme ubuene ke ntan emen, onyụn̄ ada eyen unana ke ifịm onịm ke enyọn̄; man anam enye etie ye mbọn̄ ... Enye anam ada ke ufọk odụn̄ nte eka nditọ emi adatde esịt.—Ps. 113:7-9. w-EF 11/15/92 10, 11
24. Peter eti ikọ oro Jesus eketịn̄de ọnọ enye, ete, Eyekan̄ Mi utịm ikata, ndien ekikọ edikpọk. Ndien enye ọwọrọ ke an̄wa atua eyet etieti.—Matt. 26:75. w-EF 9/15/92 9-11
25. Ma Jehovah Abasi fo ke ofụri esịt fo, ye ke ofụri ukpọn̄ fo, ye ke ofụri ekikere fo. . . . Ma mbọhọidụn̄ fo nte idemfo.—Matt. 22:37, 39. w-EF 2/1/93 3, 4a
26. Yak owo eke esede ete imọ imọsọn̄ọ ida ekpeme mbak enye ediduọ.—1 Cor. 10:12. w-EF 2/15/93 8-10
27. Mmọdo ami, emi ndide owo n̄kpọkọbi ke Ọbọn̄, mmekpe mbufo ubọk, nte, ẹsan̄a nte odotde ikot emi ẹkekotde mbufo.—Eph. 4:1. w-EF 3/1/93 5, 6
28. Enye [anam] utịn Esie asiaha ọnọ mme idiọkowo ye nti owo, onyụn̄ [anam] edịm edep ọnọ ndinen owo ye mme anam ukwan̄ido.—Matt. 5:45. w-EF 11/15/92 7, 8a
29. Nyenam ọbọk kiet eke edibọkde mmọ adaha ada akan mmọ, kpa owo mi David; enye eyebọk mmọ.—Ezek. 34:23. w-EF 1/1/93 4, 5a
30. Ọbọn̄ Jehovah ọmọnọ mi edeme mmọ eke ẹkpepde n̄kpọ, man mfiọk ndida ikọ n̄n̄wam mmọ eke ẹkpade mba: enye eyedemede, eyedemede mi utọn̄ kpukpru usenubọk, man n̄kop kpa nte mmọ eke ẹkpepde n̄kpọ.—Isa. 50:4. w-EF 11/1/92 20, 21a
31. Kpa nte ete atuade nditọ esie mbọm, kpa ntre ke Jehovah atua mmọ eke ẹbakde enye mbọm. Koro enye ọfiọkde nte iborode; emeti ete ke nnyịn idi ntan.—Ps. 103:13,14. w-EF 9/15/92 15, 16