N̄wed Emi Ama Okpụhọde Uwem Mmọ

Ke mme isua ẹmi ẹkebede n̄wan kiet ama adianade ndọ ye ebe esie. Nte ini akade eyeneren esie, Steve, ama akabade edi kiet ke otu Mme Ntiense Jehovah. Steve ama esidomo nditịn̄ se enye onịmde ke akpanikọ nnọ eka esie, edi ufọn ikodụhe. Enye n̄ko ama aka ndise ete esie, emi okoyomde ndikpa ke ntak udọn̄ọ kansa.

Utu ke nditịn̄ ediwak ikọ, Steve mmemmem mmemmem ama ayak n̄wed Afo Emekeme Ndidu Uwem ke Nsinsi ke Paradise ke Isọn̄ odori ke mben bed ete esie onyụn̄ ọdọhọ ke ndikot n̄wed emi eyen̄wam enye. Ete esie ama okot n̄wed emi onyụn̄ ọtọn̄ọ ndidụk mme mbonoesop Mme Ntiense Jehovah ke idemesie ke January 1988.

Kan̄a kemi, eka Steve ama esinyene ifet ndidụk mbono ubon ndikụt obufa eduuwem emi akani ebe esie ekenyenede. Emi ama otịm otụk enye tutu enye onyịme ndidụk mbonoesop Mme Ntiense Jehovah. Enye ama ọtọn̄ọ ndidụk mme mbonoesop kpukpru ini, ndien ikebịghike enye ama esitie ye akani ebe esie ke mme mbonoesop. Nte ini akade mmọ ẹma ẹfiak ẹdiana ke ndọ.

Ete Steve ama akpa ke September 1988 ke enye ama ọkọtọn̄ọ ndibuana ke utom ukwọrọikọ Christian. Eka Steve, emi ekesede ete esie enyịn ke mme akpatre ọfiọn̄ ini udọn̄ọ esie, ama ana baptism ke June 1988 ndien idahaemi enye edi enyene-ifịk Ntiense.

Afo Emekeme Ndidu Uwem ke Nsinsi ke Paradise ke Isọn̄ edi n̄wed oro ọnọde idotenyịn ke ndinyan ubọk n̄wụt mme ibọrọ oro Bible ọnọde ke mme mfịna uwem. Enye edi n̄kpọutom ke ndikpụhọde uwem ediwak owo. Bọ idem kiet ke ndiwet n̄kpọ nyọhọ nnyụn̄ nnọ babru etienede mi edi.

N̄kpama ndinyene ọsọn̄ ikpaedem n̄wed oro Afo Emekeme Ndidu Uwem ke Nsinsi ke Paradise ke Isọn̄ emi enyenede page-256. (Wet address idakisọn̄ emi kaban̄a ntọt.)