Owo Emi Ekpekpebede​—David

David enen̄ede ama ikwọ. Enye edi ata ebre ikwọ ye ata ewet ikwọ. Enye esikam odom mme n̄kpọ ubre ikwọ esie. (2 Chronicle 7:6) David enen̄ede ọfiọk ndibre ikwọ tutu edidem Israel okot enye ete edibre ke okụre ufọk ubọn̄. (1 Samuel 16:15-23) David enyịme. Edi enye ­iyakke emi okpon enye ibuot, m̀mê ndiyak ikwọ adia enye idem. Utu ke oro, enye ada usọ emi otoro Jehovah.

Ndi amama ikwọ? Ekeme ndidi udịghe ata ebre ikwọ, edi omosụk ekeme ndikpebe David. Didie? Ke nditre ­ndiyak ikwọ adia fi idem m̀mê ndinam fi ekere onyụn̄ anam n̄kpọ ke usụn̄ oro mînọhọ Abasi ubọn̄. Utu ke oro, yak ikwọ anam fi enen̄ede okop inem uwem. Ndifiọk ndibre ikwọ nnyụn̄ n̄kop inem ikwọ edi ẹnọ Abasi. (James 1:17) David ama ada enọ emi anam n̄kpọ ke usụn̄ oro ­ekenemde Jehovah esịt. Ndi ayanam ntre n̄ko?