Göi Itre Icasikeu Ne La Huliwa

Koi 12 Semitrepa Me Wiike Cili

Nyima 29

10 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 8 (maine ka loi kowe la teritoare i epun) matre troa iamacanyine la aqane troa tro fë la zonale La Tour de Garde ne 15 Semitrepa me Réveillez-vous ! ne 22 Semitrepa, nge maine paatre pala kö lue ej, hamëne jë lo lue hna kapa pinën. Ijije hi troa xome la itre xaa aqane nyiqaane ithanata ka lolo. Troa isatrën la lue iamacany hnene la ketre qatre thup memine la ketre thöth. Thupene la hna isa iamacany, amamane hnyawa jë la itre götrane gaa lolo ne la aqane nyiqaane ithanata.

20 men: “Huliwane Inamacanëne Jë La Traeme Së.”a Sipone jë kowe la itre atren la icasikeu troa qaja la aqane ami ijine angatr ngöne la nöjei drai troa e la Tusi Hmitrötr. Xatuane jë la itre fami memine la itre xan troa xome la sinecetrone ne la Huliwa Ne Baselaia ne Mei 2005, matre troa ami göhnene la itre huliwa ngöne la ua.

15 men: Aqane Troa Eatrongëne La Itre Etid Ka Kökötr.b Troa ce ithanatan la itre mekun ne la Paatr 1 me 2 hnine la sinecetron. Ma loi e troa goeëne fe la Huliwa Ne Baselaia ne ogas 2002. Pine nemen matre nyipi ewekë troa hnëkëne hnyawa la nöjei traeme ne troa xomiujine la etid? Kola hapeue lai? Sipone jë kowe la itre atr troa qaja la aqane trongëne angatr la itre mekune hnine la Huliwa Ne Baselaia. Nyipune ju hnene la hna ithanatane la itre mekune ka eje e koho hune la pane götran ne la sinecetron.

Nyima 110 me thithi ne nyipun.

Koi 19 Semitrepa Me Wiike Cili

Nyima 168

10 men: Itre ithuemacanyi koi së. Wange hmaca ju lo tusi filial, ngöne la pane götrane ne la Huliwa Ne Baselaia celë.

20 men: Nemene Hë La Hne Së Hna Kuca Ha Lo Macatre Hnapan? Troa wange hmaca hnene la qatre thup la hna kuca ngöne lo macatre ne huliwa hnapan, me amamane hnyawa la itre ewekë ka loi hna kuca ha ngöne la hna cainöj. Loi e troa qaja aloine hnyawa. Qaja jë la caas maine lue götrane nyine troa pane wange hnyawa ngöne la macatre ka troa xulu. Ithanatane jë la huliwa ne la itre pionie, me qaja aloine la huliwa i angatr. Qaja jë la itre thangane ka lolo hna kapa qa ngöne la hna catre xatuane la itre ka nanazij.

15 men: “Akeukawanekeune Ipitöne Jë.”c Sipone jë kowe la itre atren la icasikeu troa qaja la aqane kepe thangane angatr la ihnimi nyipici ne la itre xan.

Nyima 199 me thithi ne nyipun.

Koi 26 Semitrepa Me Wiike Cili

Nyima 122

10 men: Itre ithuemacanyi koi së. Cile fë jë la hna ithingë me olene la itre ahnahna. Amekunëne ju la itre trejin troa hamën la itre rapor ne hna cainöj ne Semitrepa.

15 men: Itre ihaji koi së.

20 men: Loi e Troa Atre La Maca Ka Loi Jëne La Itre Zonal. Ame ngöne la treu Okotropa, easë a troa tro fë la zonal La Tour de Garde ame Réveillez-vous ! Ame la kola nyiqaane la cainöj, ithanatane jë la itre mekune qa hnine la Huliwa Ne Baselaia ne Febuare 2005, götrane 8, paragaraf 3-6: (1) Ce tro fë jë la itre lue zonal. (2) Amë ju la caa drai ngöne la wiik göi troa tro fë zonal. (3) Mekune ju la etrune la itre zonal ka ijije troa tro fë ngöne la treu. (4) The nue kö la itre ijine ka ijij troa hamën la itre zonal. (5) Tro fë hnyawa jë fe lo itre zonal hapan. Trongëne ju la itre mekune cili thenge la nöj hna mele ngön. Thupene lai, iamacanyine jë la aqane troa tro fë la zonal La Tour de Garde ne 1 Okotropa me Réveillez-vous ! ne 8 Okotropa (maine pëkö, hamëne ju lo lue hnapan) me xome la itre mekune ngöne la götrane 8 ne la Huliwa Ne Baselaia ne la treu celë (maine ijij kowe la teritoare i epun). Maine jë troa xome fe la itre xaa aqane nyiqaane ithanata. Ketre, troa wanga atrune hnyawa la itre xaa hna cinyihan hnine la zonal; maine troa hane pi e itre ej hnene la itre atr ne la nöj, nge iamacanyine jë la ketre aqane nyiqaane ithanata hna eköthe hune lai itre hna cinyihane cili. Ame la kola fenesi la ketre iamacany, amamane hnyawa jë la itre eloine la aqane nyiqaane ithanata.

Nyima 3 me thithi ne nyipun.

Koi 3 Okotropa Me Wiike Cili

Nyima 54

5 men: Itre ithuemacanyi koi së.

20 men: “Xatuane Jë La Itre Xan Troa ‘Drenge Thenge Qa Kuhu Hni.’ ”d Maine ijije la traem, sipone jë kowe la itre atren la icasikeu troa qeje mekun ngöne la itre xötr ne la Tusi Hmitrötr.

20 men: Amadrinëne Jë Së La Hni Iehova. (Ite edomë 27⁠:11) Ithanata jë memine la luetre maine köni trejine ka mele nyipici nge ka qea ha hna nyihlue i Iehova. Sipo nyidroti jë troa qaja la caas maine lue ewekë ka xatua nyidro troa catre drengethenge Iehova. Ngöne la itre ewekë hna amexej, tre kola e la isa ini Tusi Hmitrötre hnyawa, me sine pala hi la itre icasikeu, me ce memine la itre xaa ka nyihlue i Iehova, me catre cainöjën la maca ka loi, me catre thith, me neën la itre nyine madrin ka iathixötrë. Nemene la itupathi hnei nyidro hna cile kow, nge tune kaa la aqane ngaane nyidro la itre itupathi cili? Tune kaa la aqane amanathithi nyidro hnene la hna drengethenge?

Nyima 170 me thithi ne nyipun.

[Ithuemacany]