Göi Itre Icasikeu Ne La Huliwa

Koi 14 Maac Me Wiike Cili

Nyima 132

10 men: Itre ithuemacanyi koi së. Itre Hna Amekötiin hna iën qa hnine la Huliwa Ne Baselaia. Xatuane jë la itre trejine asë troa goeëne la video hna hape David : il mettait sa confiance en Dieu matre troa hnëkë thatraqane la Icasikeu Ne La Huliwa ne 14 Eiperem me wiike cili. Xome jë la itre mekune nyine ixatua ngöne la götrane 4 (maine ka ihmeku memine la teritoare i epun) matre troa iamacanyine la aqane troa tro fë La Tour de Garde ne 15 Maac me Réveillez-vous ! Ne 22 Maac, nge maine paatre pala kö lue ej, tre hamëne jë lo lue hna kapa pinën. Ijije hi troa xome la itre xaa aqane nyiqaane ithanata ka lolo. Ame ngöne la ketre aqane tro fë ithanata, tre troa iamacanyine la aqane troa iwaihmaca kowe la ketre atr hna lapaa hamë zonale kow. Ame la kola nyipune la aqane tro fë ithanata, xome jë la itre mekune ngöne la pune la zonal La Tour de Garde ne 15 Maac matre troa amekunëne lai atr troa hane sine la Drai Ne Amekunën ka troa xulu.

20 men: “Nyine Troa Acatren Hnyawa La Enyipiewekën La Tusi Hmitrötr!”a

15 men: Ketre Ixatua Matre Troa Acatrene La Lapaune Së. Thaa tro kö a sasaithe la caa menetr ne nyiqaan, nge thupene lai troa ce ithanatan la itus Annuaire 2005. Ame ngöne la easa lapa mekune la huliwa i Iehova ka lolo ne la hnedrai së enehila, ene pe kola aeasenyi së koi Nyidrë me kowe la itre trejine me easë e cailo fen. (Sal. 77⁠:​12-​14) Kolo lai a hamë trenge catre koi së matre troa cile catr koi Diabolo, me “cile huti . . . ngöne la lapaun.” (1 Pet. 5:​8, 9) Kola xatuane fe la itre ka xötrei atre la nyipici, troa akökötrene la hni ne ole i angatre kowe la organizasio i Iehova. Könëne jë la itre atrene la icasikeu troa hane qaja la ewekë ka ketri angatre ngöne la angatr a isa e la Annuaire 2005. Canga iëne jë la caasi maine lue trejin, matre troa qejepengöne la aqane ami ijine angatre troa isa e la Annuaire.

Nyima 137 me thithi ne nyipun.

Koi 21 Maac Me Wiike Cili

Nyima 140

10 men: Itre ithuemacanyi koi së. Qaja jë la ketre hna amekötin göi cainöj e 28 Maac.

15 men: “Aqane Troa Eatrongëne La Itre Etid Ka Kökötr​—Paatr 7.”b Ame la kola hnëkëne la paatre celë, wange ju fe La Tour de Garde ne 15 Julai, 2002, götrane 27, paragarafe 5-6.

20 men: Nemene la aliene la hna hape Amagedo? Thaa tro kö a sasaithe la caa menetre ne nyiqaan, thupene lai troa ce ithanatane la itre mekune hna eköthe hune la itus Comment raisonner, götrane 181-6. Könëne jë la itre trejine troa qeje mekune ngöne la itre hnyinge hna cinyihane atrun, me xome la itre xötre hna cinyihane hë e hnin, memine lo itre nyine tro pë hë së a isa xome pe. Qaja jë la aqane tro sa xome la ithuemacanyi cili ngöne la huliwa ne cainöj.

Nyima 109 me thithi ne nyipun.

Koi 28 Maac Me Wiike Cili

Nyima 144

10 men: Itre ithuemacanyi koi së. Troa cile fë la hna ithingë me itre ahnahna hna hamën. Amekunëne jë la itre trejine asë troa goeëne la video hna hape David : il mettait sa confiance en Dieu , ngöne la kola hnëkëne la Icasikeu Ne La Huliwa koi wiike ka troa xulu. Xatuane asë jë la itre atr asë ka hetre hni ne ajan, troa hane sine la cainöje koi nöjei atr ka ketre pengöne e 10 Eiperem. Qaja jë fe la itusi hna troa tro fë e Eipereme me Mei.

15 men: Itre ihaji koi së.

20 men: Troa tro fë La Tour de Garde me Réveillez-vous ! Ce wange ju la itre mekune nyine ixatua ngöne la Huliwa Ne Baselaia ne Febuare, götrane 8, matre troa thele la aqane troa aelën la etrune la itre zonale hna troa hamën. Ce ithanatane jë la itre mekune ka lolo ngöne la itre zonale hna hnyipi kapa. Xome jë la itre mekune nyine ixatua ngöne la götrane 4 (maine ka ijije kowe la teritoare i epun), me iamacanyine la aqane troa tro fë La Tour de Garde me Réveillez-vous !, maine paatre pala kö lue ej, hamëne jë lo lue hna kapa pinën. Ijije hi troa xome la itre xaa aqane nyiqaane ithanata ka lolo. Ame ngöne isa aqane tro fë, tre, qejepengöne jë la aqane nyithupene la huliwa e cailo fen.​—Wange ju La Tour de Garde, g. 2, maine Réveillez-vous ! g. 5.

Nyima 116 me thithi ne nyipun

Koi 4 Eiperem Me Wiike Cili

Nyima 119

5 men: Itre ithuemacanyi koi së.

15 men: Tro Nyipunie a Ihnimikeu. (Ioane 13⁠:35) Troa cile fë la cainöje hnene la ketre qatre thup, nge hna eköthe hune La Tour de Garde, götrane 15-​18, paragarafe 10-​21. Tune la hna qaja ngöne la itre itusi hna troa tro fë e Eipereme me Mei, kola upi së troa thele troa nyiqaane la itre etid memine la itre ka etidine hë ekö la itus Atrehmekune memine la boroshüre Thele. Qaja atrune jë la itre ewekë nyine kuca hnene la itretre cainöj, matre troa ce huliwa memine la itre qatre thup göi troa xatuane la itre ka nanazij.

25 men: “Ketre Maca Ka Lolo Jëne La Ketre Video.” E jë la Salamo 91⁠:2 me 31⁠:​14, me troa isa qejepengöne lue ej, thaa tro pe a aqean. Thupene lai, troa ce ithanatane la itre hnyinge thatraqane la video David, me xome la itre hnyinge asë ne la hnaaluene paragarafe memine la hnyinge ne la hnaakönine paragaraf. E ase hë, sipone jë kowe la itre fami troa qaja la aqane kepe thangane angatre qa ngöne la hnei angatre hna elone la ketre porogarame nyine ixatua hna hape “ Activités éducatives ” hna hamën hnine la DVD. Nyipune jë me e la Salamo 56⁠:⁠11.

Nyima 36 me thithi ne nyipun.

[Ithuemacany]