Itre Hna Amekötiin
◼ Itre itus hna troa tro fë e Maac: “ Veillez ! ” Maine kola ajan troa drei së hnene la ketre atr, xome jë la itus Atrehmekune matre troa thele troa nyiqaane inine la Tusi Hmitrötr me angeic. Eipereme Me Mei: Tro fë jë la lue zonal La Tour de Garde me Réveillez-vous ! Ame ngöne la easë a wange hmaca la itre atr ka drei së, loi e tro fe a hane wange la itre ka sin la Drai Ne Amekunën maine itre xaa huliwa i Akötresieti pena ngo thaa ka ce caasi kö memine la ekalesia. Loi e troa catre thel troa tro fë la itus Thili Jë Kowe La Akötresie. Loi e tro mina fe a eje e kuhu hni së la ajan troa nyiqaane inine la Tusi Hmitrötr memine lo itre xaa atr, ene mina fe lo itre ka etidi hë ngöne la itus Atrehmekune memine la boroshür Thele. Juun: Troa tro fë la itus Écoute le grand Enseignant, nge maine tro la ketre a qaja ka hape pëkö nekö i angeic, hamëne jë la boroshür Thele. Thele jë troa nyiqaane etid memine la itre atr.
◼ Loi e troa canga hamën kowe la itre trejin hnene la itre ekalesia la itre zonal La Tour de Garde me Réveillez-vous ! hna xötrei kapa. Kolo lai a troa aijijën la itre trejin troa canga e itre ej qëmekene troa tro fë ngöne la hna cainöje trootro. Ketre tune mina fe la Huliwa Ne Baselaia laka, loi e troa canga hamën kowe la itre trejin ngöne la kola kapa itre ej. Maine jë troa thawa itre ej ngöne la itre hnë Ini Tus Ne La Ekalesia.
◼ Ame ngöne la easë a tro kowe la ketre nöj, easë a hnëkë matre tro mina fe së a hane sin la itre icasikeu ne la ekalesia, me asabele, maine kovasio ne distrik ngöne lai nöj hne së hna tro kow; maine easë a aja ithuemacanyi, tre, loi e troa sipo meköti kowe la filial ka elemekene la huliwa ne cainöj ngöne la nöje cili. Hna hamën la itre hune tus ngöne la götran tixenuë ne la Annuaire.
◼ Loi e troa wange hnyawa pala hi hnene la itre seketere ne la itre ekalesia, matre thaa tro kö a pë pepa ne sipo göi troa pionie: Pionie lapaa (S-205), Pionie ka ixatua (S-205b). Atreine hi troa komadëne lai ngöne la pepa ne sipo itus (S-14). Loi e troa hnëkëne ijije kowe la caa macatre.