Revizio Ne La Ini Ne Cainöje Trootro Qaathei Akötresie
Troa ce ithanatane cahu itre hnying ngöne la ijine Ini ne Cainöje Trootro Qaathei Akötresie, e 24 Okotropa 2004 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 6 Semitrepa uti hë e 24 Okotropa 2004. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Tro sa thupëne la aqane troa qaja la itre trenge ithanata ngöne la kola cile fë la ketre cainöj ngöne la itre xaa pengöne la huliwa ne la Keresiano? [be g. 203 par. 3-4]
2. Nemene la alien la hna hape troa anyimua qaja, nge pine nemen matre ka nyipi ewekë? [be g. 206 par. 1-4]
3. Tune kaa la aqane tro sa amamane hnyawa la enyipiewekën la taan la itre cainöje së? [be g. 210 par. 1-5, itre mekun hna eköhagen]
4. Tro sa iëne tune kaa la itre mekun ka tru ne la ketre xötreqa hna athipe koi së? [be g. 212 par. 1-4]
5. Pine nemen matre loi e tro sa nyifegon la etrun la itre mekune ka tru? [be g. 213 par. 2-4]
HNËQA NABA 1
6. Qa ngöne nemen matre thaa mekune kö hnene lo itre atr ka mel qëmekene troa traqa la iwë, laka troa paatre la nöjei ewekë ka xötreithi angatr? [w02 1/3 g. 5-6]
7. Pine nemen matre lolo catr la kola hë Iesu hnene la itre atr ne la hneijine i nyidrë ka hape “Ate ini” ngo thaa “Tene drösinöe” kö? (Luka 3:12; 7:40) [w02 1/5 g. 4 par. 3; g. 6 par. 6]
8. Nemene la aqane amamane ngöne Ite Edomë 11:24, 25 la enyipiewekëne la troa cainöj? [w02 15/7 g. 30 par. 3-5]
9. Nemene la hnying göi thiina hna amejën ekö ngöne lo kola icilekeu e Edena, nge nemene la itre ethane la hna icilekeu? (Gen. 3:1-6) [w02 1/10 g. 5; g. 6 par. 2-3]
10. Nemene la aqane atrehmekune së la macatre ne acile hmaca lo nyipi hmi ekö e Ierusalema? [si g. 285 par. 5]
E TUSI HMITRÖTR NGÖNE LA WIIK
11. Pine laka hnei Iehova hna upi Balaama troa xötrethenge la itre atre i Balaka, pine nemene kö la Nyidrëti a elëhni ngöne la Balaama a ce tro me angatr? (Num. 22:20 -22)
12. Hapeu ijije kö troa apën hnene la trahmany la itre hna sa xepu hnene la föi angeic Keresiano? (Num. 30:6-8)
13. Nemene la hna nyihatren enehila hnene lo itre “lapa nyine za”? (Num. 35:6) [w95 15/11 g. 17 par. 8]
14. Tune kaa lo wathebo hna hamën ngöne Deuteronomi 6:6-9, ka upe la itretre Isaraela troa ‘hnöthe la itre wathebo i Akötresie ngöne la itre im me nyine otene la göpadri angatr,’ hapeu, tro kö a tro thenge lai hna amekötin?
15. Tune kaa la xötrehnëewekë hna hape “Thaa hnyeqete kö la ite ixete i ‘ö hna xetën,” hapeu kolo lai a qaja ka hape hna nyi ixetre i angetre Isaraela pala hi? (Deu. 8:4)