Goi Itre Icasikeu Ne La Huliwa
Koi 14 Juun Me Wike Cili
Nyima 168
10 men: Itre Ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 4 (ka ijije kowe la teritoare i epun) matre troa iamacanyin la aqane troa tro fë la itre zonal La Tour de Garde ne 15 Juun me Réveillez-vous ! ne 22 Juun, nge maine thaa ijije kö, haawe, xome jë lo lue hna pane kapa ha. Ame ngöne la ketre iamacany, tro la ketre trejin a amamane la aqane troa cainöj ngöne la ketre götran hna salem. Maine jë troa xome la itre xaa aqane troa nyiqaane ithanata ka lolo.
20 men: “Iehova a Xatuane La Itre Ka Mejiune Koi Nyidrë.”a Ame ngöne la kola ce ithanatane la paragarafe 4, xome jë la itre mekune qa hnine la itus École du ministère götrane 67, paragaraf 2.
15 men: Pine Nemen Matre Loi e Troa Thipetrij La Xomi Dorog? Troa ce ithanatan la itre mekune qa hnine la itus Comment raisonner götrane 112-5. Hna majemine xome la itre xaa dorog, ke öni itre xan ka hape, “ketre nyine madrin ka thaa ngazo kö nge ka thaa ka catrehnine kö.” Nyimutre la itre atr ka catre fë la mekun, ene laka, thaa ka hetre ethane kö la troa xomi dorog; itre xane fe a catre fë ka hape, loi e troa kapa hnei musi la itre xaa dorog. Ce ithanatane jë la aqane tro sa ithanatane hnyawa la mekune cili memine la itre atr. Xome jë la itre mekune hna eköhagen ngöne la götrane 10 ne la zonal Réveillez-vous ! ne 8 Nofeba 1999.
Nyima 179 me thithi ne nyipun.
Koi 21 Juun Me Wike Cili
Nyima 29
10 men: Itre Ithuemacanyi koi së.
15 men: “Kola Xatua Së Hnene La Itre Angela.”b Maine ijije la traem, sipone jë kowe la itre atren la icasikeu troa hamë mekun ngöne la itre xötr ne la Tusi Hmitrötr.
20 men: Ka Menyik La Inamacan Qaa Koho. (Iako. 3:17) Cainöj nge troa ce ithanatan la itre mekun hna xome qa hnine la itus École du ministère götrane 251-2. Nemene la aliene la hna hape troa menyik? Pine nemen matre ka nyipi ewekë catre la thiina celë thatraqane la huliwa ne cainöje së? Nemene la ini hne së hna xome qa ngöne la tulu i Paulo? Tune kaa la aqane wangatrune hnyawa hnene la itretre cainöj la pengöne aqane mele ne la itre atr ngöne la teritoare ne la nöje së? Nemene la aqane tro sa xatuane la itre hnainin troa eëne la thiina celë, ene la troa menyik? Canga wange jë matre tro la caas maine lue trejin a qaja la itre thangane la hnei nyidroti hna cainöj cememine la thiina ka menyik.
Nyima 53 me thithi ne nyipun.
Koi 28 Juun Me Wike Cili
Nyima 139
12 men: Itre Ithuemacanyi koi së. Troa e la hna ithingë. Amekunëne jë la itre ka cainöje asë troa hamëne la itre rapore ne hna cainöj ngöne la treu Juun. Xome jë la itre mekune nyine ixatua hna hamëne ngöne la götrane 4 (maine ijije kowe la teritoare i epun), iamacanyine jë la aqane troa tro fë la zonal La Tour de Garde ne 1 Julai me Réveillez-vous ! ne 8 Julai, nge maine thaa ijije kö, hamëne ju lo lue hnapan. Ame ngöne la kola isa iamacanyine lai lue zonal, tro la trejin a hamën la ketre hnepe mekun ka xoxopatr, nge ka lolo ngöne la xötrei. Qaja jë ka hape maine tro sa kuca tune lai, haawe, thaa jole kö e troa canga drei së hnene lai atr.
15 men: Itre ihaji koi së.
18 men: “Ini Tus Ne La Ekalesia—Pine Nemene Matre Ka Nyipi Ewekë Eje Koi Së.”c Xome jë la itre hnying hna hamëne hë. Xome jë la itre mekune hnine la hna cinyihan hna hape “Loi e Tro Nyipunie a Xatuan La Atre Thupëne La Ini Tusi Nyipunie,” ngöne la Huliwa Ne Baselaia ne Nofeba 2002, götrane 1.
Nyima 20 me thithi ne nyipun.
Koi 5 Julai Me Wike Cili
Nyima 3
10 men: Itre Ithuemacanyi koi së. Qaja jë la hna amekötine göi cainöje ngöne itre hnalapa trootro e 14 Julai.
15 men: Nemene La Nyine Tro Nyipunieti a Qaja? Cainöj nge troa ce ithanatan. Ngöne la itre treu Julai me Ogas, tro sa tro fë la itre boroshür. Nemene la itre boroshür hna xome hnene la itre trejin, nge ka hetre thangane ka loi kowe la götrane hne së hna cainöje ngön? Ce wange hmaca ju la itre aqane nyiqaane ithanata qa hnine la Huliwa Ne Baselaia ne Julai 1998, götrane 8, maine qa hnine pena lo itre xan. Amamane hnyawa jë laka ame ngöne la isa iamacany, tre hetrenyi la (1) caa hnying, (2) caa xötr ne la Tusi Hmitrötr, me (3) caa mekune nyine troa xome qa hnine la itus. Iamacanyine jë la caas maine lue aqane nyiqaane ithanata. Xatuane jë la itre trejine asë troa xome la Tusi Hmitrötr ngöne la angatr a tro fë la maca ka loi.
20 men: Nemene La Hna Ajan Hnene La Itre Nekönatr Thene La Itre Keme Me Thine i Angatr. Cainöj nge troa ce ithanatan la itre mekune qa hnine la itus Écoute le grand Enseignant, götrane 6-7. Nyipi ewekë kowe la itre nekönatr troa atre la itre trepene meköti qa hnine la Tusi Hmitrötr ka hneatrepene la nyipi hmi, nge troa trotrohnine fe la hnëqa ka tru hna troa xome hnene la itre keme me thin, ene la troa inine la itre nekö i angatr. Ithanatane jë la itre mekune nyine ixatua hna hamën ngöne la aqane troa ini ngöne lai itus. Sipone jë kowe la itre keme me thin troa qaja la aqane xome angatr la itusi cili matre troa inine la itre nekö i angatr. Tro la caas maine lue nekönatr a qaja la kepin matre angatr a madrin lai itusi cili.
Nyima 65 me thithi ne nyipun.
[Ithuemacany]
a Thaa tro kö a sasaith la caa menetr ne nyiqaan, nge thupene lai troa ce ithanatan.
b Thaa tro kö a sasaith la caa menetr ne nyiqaan, nge thupene lai troa ce ithanatan.
c Thaa tro kö a sasaith la caa menetr ne nyiqaan, nge thupene lai troa ce ithanatan.