Göi Itre Icasikeu Ne La Huliwa

Koi 13 Okotropa Me Wiike Cili

Nyima 215

10 men: Itre ithuemacanyi koi së me Itre Hna Amekötiin qa hnin la Huliwa Ne Baselaia. Xatuane jë la itre trejine asë troa xome la itre hnying ngöne la götrane 1 matre troa ce wange hmaca la itre mekune hnei angatr hna xome hë ngöne la angatr a hnëkëne troa ce ithanatane la porogaram ne Kovasio hna hape “Atrunyi Akötresieti Jë,” thatraqane la Icasikeu Ne La Huliwa ne la wiike ka troa xulu. Troa xome la itre mekune nyine ixatua ngöne la götrane 8, nge troa kuca la lue iamacany ngöne la aqane troa tro fë la zonal La Tour de Garde ne 15 Okotropa me Réveillez-vous ! ne 22 Okotropa. Ame ngöne lai lue iamacanyi tre troa hamën la lue zonal ngacama caasi hi la hna amaman. Ame ngöne la ketre iamacany, tre troa wange hmaca la ketre atr hna lapaa ami zonale then. Loi e troa eköthe fe la iwai hmaca hna troa kuca thupen, jëne la itre mekune hna eköhagen hna hape “ Dans notre prochain numéro ” (Hnine La Itre Zonale Ka Troa Xulu).—Wange ju la Huliwa Ne Baselaia ne Okotropa 1998 g. 8, par. 7-8.

20 men: “Nyi Hlue i Iehova Jë Memine La Madin.” a (Loi e tro asë hi la itre trejine a xome la sine trongene la Huliwa Ne Baselaia ne Januare 2002, matre troa ce ithanatan la hna cinyihane celë.) Thupene la hna ce ithanatan la paragaraf 4, qaja jë fe ka hape ame ngöne la treu Nofeba, tre, tro sa tro fë la boroshür Thele memine la itus Atrehmekune. Pane wange hmaca ju la caas ngöne lo lai itre aqane nyiqaane ithanata hna xome qa hnine la sine trongene la Huliwa Ne Baselaia ne Januare 2002. Thupene lai, kuca jë la ketre iamacanyi ngöne la aqane troa iamacanyine hnyawa la aqane nyiqaane ithanata cili. Xatuane asë jë la itre trejine troa hnëkë hnyawa kowe la huliwa ne cainöj.

15 men: Itre Manathith Hna Kapa Qa Ngöne La Etid Memine La Itre Atr. Cainöj nge troa ce ithanatan. Qaja jë la itre xaa hnepe hna melëne hnene la itre trejine ngöne la angatr a xome la itre itusi së matre troa etid memine la itre atr. (w00 1/3 g. 6; yb98 g. 55-60) Sipone jë kowe la itre trejine troa hamë mekun ngöne la ini hne së hna kapa qa ngöne la itre ewekë hna melën hnene la itre xan, memine la itre manathith hne së hna kapa qa ngöne la hna xomiujine la itre etid.

Nyima 172 me thithi ne nyipun.

Koi 20 Okotropa Me Wiike Cili

Nyima 86

5 men: Itre ithuemacanyi koi së.

40 men: “Kola Upi Së Troa Atrunyi Akötresie Hnene La Itre Kovasio Ne Distrik Memine Lo Itre Hna Kuca e Cailo Fen!” Troa cile fë hnene la ketre qatre thup. Thaa tro kö a sasaith la caa menetr ne nyiqaan, nge thupene lai troa ce ithanatan la porogaram ne kovasio me xome lo itre hnying e hnine la hna cinyihan. Loi e troa thawa hnyawa la itre mekune ka sa la itre hnying, maine ame ngöne la itre xaa hnying tro hi a caa mekun hna troa hamën. Thatreine kö troa e asë la itre xötr hna hamën; ngo hna hamën itre eje matre troa hmaloi troa thele la itre mekun ka sa la itre hnying. Loi e tro la itre mekun hna hamën a amamane hnyawa la itre manathith hne së hna kapa e hne së hna trongën la itre hne së hna inin.

Nyima 112 me thithi ne nyipun.

Koi 27 Okotropa Me Wiike Cili

Nyima 64

12 men: Itre ithuemacanyi koi së. Troa cile fë la hna ithingë. Amekunëne jë la itre trejin troa hamën la itre rapor ne hna cainöj ngöne la treu Okotropa. Xatua angatre asë jë troa wange hmaca la itre mekun hnei angatr hna xome ngöne lo porogarame ne la asabele ka caa drain ne lo macatre ka ase hë, matre troa hnëkë kowe la Icasikeu Ne La Huliwa ne la wiike ka troa xulu. Troa xome la itre mekune nyine ixatua ngöne la götrane 8, nge troa kuca la lue iamacany ngöne la aqane troa tro fë la itre zonal La Tour de Garde ne 1 Nofeba memine la Réveillez-vous ! ne 8 Nofeba. Maine kola amaman la caas ngo loi e troa ce hamëne lue ej. Ame ngöne lai ketre iamacany, troa amaman la aqane troa sa kowe la itre atr ka qaja ka hape, “ Ça ne m’intéresse pas ” (thaa ajange kö).—Wange ju la itus Comment raisonner, g. 16.

20 men: Xome Jë La Taua Ne La Ua. (Efe. 6:17) Troa ce ithanatan la itre mekun hna xome qa ngöne la itus École du ministère götrane 143-4. Sa jë la itre hnyinge celë: (1) Pine nemen matre loi e tro sa xome la Tusi Hmitrötr ngöne la easë a sa la itre hnying? (2) Nemene la hna amamane göi së hnene la ëj Itretre Anyipici Iehova? (3) Nemene la tulu hna hamën hnei Iesu, nge tune kaa la aqane tro sa nyitipu nyidrë? (4) Ame ngöne la götran hne së hna cainöje ngön, nemene la itre xaa aqane troa eköthe hnyawa la itre mekune hne së hna troa xome qa hnine la Tusi Hmitrötr? (5) Pine nemen matre loi e troa e mekötin la itre xötr e hnine la Tusi Hmitrötr? (6) Tune kaa la aqane troa xatuan la itre xaa trejin hnene la itre qatre thup, troa cainöje fë hnyawa la Tusi Hmitrötr? Loi e troa hnëkë hnyawa hnene la ketre trejin matre troa kuca la ketre iamacany hna eköth hune la ini hna hamën ngöne götrane 144, nge e cili kola xome fe hnene lai trejine la caa xötr matre troa sa la ketre hnying. Xatuane asë jë la itre trejin troa inin troa xome pala hi la Tusi Hmitrötr ngöne la nöjei ijin angatr a anyipicin kowe la itre atr.

13 men: Itre ewekë hna melën hnene la itre trejin ngöne la nöje së. Sipone jë kowe la itre trejin troa qaja la itre ewekë ka lolo hnei angatr hna melën ngöne lo angatr a sin la kovasio ne distrik, maine pena ngöne la angatr a cainöj ngöne la nöjei ijin ngöne hna huliwa, ngöne hna ini, maine ngöne la itre xaa götrane pena.

Nyima 52 me thithi ne nyipun.

Koi 3 Nofeba Me Wiike Cili

Nyima 147

5 men: Itre ithuemacanyi koi së. Qaja jë la ketre hna amekötin göi cainöj e 11 Nofeba.

15 men: Itre ihaji koi së.

25 men: Mana Pi Ngöne La Itre Huliwa Ka Loi. (1 Tim. 6:18) Troa xom hnene la ketre qatre thup la itre hnyinge celë, matre troa ce ithanatan memine la itre atren la icasikeu lo porogaram ne la asabele ka caa drain hna sine hë lo macatre hnapan. Sipone jë kowe la ekalesia troa qaja la aqane trongëne angatr la itre hnei angatr hna inin. (Loi e troa canga iën la itre trejin.) Amamane hnyawa jë la itre götrane ne la porogaram: (1) “Atraqatr La Thangan La Itre Huliwa Ka Lolo.” (Ate cai. 2:11) Pine nemen matre kola thipetrije hnene la itre hlue i Akötresie la itre huliwa ka gufa ne la fene celë, nge kolo pe a catre kuca la itre huliwa ka lolo hna amekötin hnene la Wesi Ula i Akötresie? (2) “Trena Mo Qa Ngöne La Aqane Waiewekë i Akötresie.” (Mat. 6:20) Tune kaa la aqane tro sa ‘hetrenyi la itre trengamo e hnengödrai,’ nge nemene la itre thangane ka loi koi së? (3) “Akökötrene Jë La Huliwa Ne Cainöje Së Hnene La Ketre Etid.” (om g. 92) Nemene la ka troa xatua së troa nyiqaane me xomiujine la ketre etid? (4) “Huliwa Ka Lolo Ngöne La Hneijine Menue Celë.” (Mat. 13:37-39) Nemene la tulu ne huliwa ka loi hna amë pe hnene la itre pane Keresiano, nge tune kaa la aqane kökötre la huliwa ne la Baselaia ngöne la hneijine së? (5) “Loi e Troa Atrunyi Iehova Hnene La Itre Huliwa Së Ka Lolo.” (Mat. 5:14-16) Tune kaa la aqane ujë ne la itre xan matre troa ‘ahudrumen la lai i angatr’? (6) “Ithuecatre Jë Kowe La Itre Thöth Troa Kuca La Itre Huliwa Ka Loi Me Atrunyi Iehova.” (Sal. 148:12, 13) Tune kaa la aqane atrunyi Iehova hnene la itre Keresiano thöth ne la sirkoskripsio së? (7) “Catre Pi Troa Kuca La Itre Huliwa Ka Loi, Nge Troa Kapa La Itre Manathith Qaathei Iehova.” (Ite edomë 10:22) Ngöne la easë a catre kuca la itre huliwa ka loi, nemene la itre manathith hne së hna menuën isa ala caas, maine ngöne la fami, maine hnine la ekalesia, maine hnene la organizasio e cailo fen?

Nyima 180 me thithi ne nyipun.

[Ithuemacany]