Revizio Ne La Ini Ne Cainöje Trootro Qaathei Akötresie
Troa ce ithanatane cahu itre hnying ngöne la ijine Ini Ne Cainöje Trootro Qaathei Akötresie, e 27 Okotropa 2003 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 1 Semitrepa koi 27 Okotropa 2003. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Nemen la aqane trotrohnin la eamo hna hamën ngöne 1 Timoteo 2:9, hna hape, thaa tro kö a thaipine la “ixete ne wesiwes,” nge tune kaa la aqane troa ketr la mele së hnene la eamo cili ngöne la easë a cile fë la ketre xötreqa maine ngöne la easë a cainöj ngöne itre hnalapa trootro? [be g. 132 par. 4-5]
2. Nemene la thangan ngöne la aqane heetre së me iseji së, la itre trepene meköti ne la Tusi Hmitrötr hna hamën ngöne 1 Ioane 2:15-17, Efeso 2:2, me Roma 15:3? [be g. 133 par. 1-3]
3. Pine nemen matre thaa tro kö a hlehle troa ithanata, nge nemene la aqane troa kuca matre thaa tro kö a hlehle troa ithanata hune la ita hmitrötr maine troa cainöje trootro pena? [be g. 135 itre mekun hna eköhagen; g. 136 par. 5, itre mekune hna eköhagen]
4. Tune kaa la aqane amamai tulu hnei Iesu, lo “ate anyipicine ka nyipici me meköt,” ngöne la aqane troa xome la Tusi Hmitrötr ngöne la hna cainöje trootro? (Hna ama. 3:14) [be g. 143 par. 2-3]
5. Nemen la nyine troa kuca matre tro sa atreine xome la Tusi Hmitrötr? (Tito 1:9) [be g. 144 par. 1, itre mekune hna eköhagen]
HNËQA NABA 1
6. Nemen la pengöne la etid, nge nemene la itre thangane ka loi hne së hna kapa qa ngöne la hne së hna inine pala hi la Wesi Ula i Akötresie? [be g. 27 par. 3; g. 32 par. 3]
7. Tune la hna qaja hnei Iakobo 1:5, 6, nemene la ka nyipi ewekë ngöne la easë a troa axeciëne la ketre mekune ka sisitria? [w01 1/9 g. 28 par. 4]
8. Nemene la itre macatre ka nyipi ewekë catr, nge pine nemene matre ka sisitria catre itre ej? [si g. 282 par. 27]
9. Ngöne nemene la kola qaja ka hape “hmo hë la ate ixöjetij”? (Ite edomë10:18) [w01 15/9 g. 25 par. 3]
10. Tune kaa la aqane tro la itre atr a trotrohnine hnyawa la mekune i Akötresie göne la traem ngöne la fene ka hnyipixe? [si g. 283 par. 32]
E TUSI HMITRÖTR NGÖNE LA WIIK
11. Nyipici Maine Thoi: Ame ngöne 1 Korinito 2:9, tre hnei Paulo aposetolo hna qaja la itre ewekë hnei Iehova hna hnëkëne ceitune me edrö thatraqane la itre hlue i Nyidrë ka mele nyipici. Qejepengöne jë. [ip-2 g. 366 itre mekune hna eköhagen]
12. Nemene la itre itupathi ka mama qa ngöne la itre hnëewekë hna qaja ngöne 1 Korinito 10:13, nge tune kaa la aqane hnëkëne Iehova la “nyi jëne köte”? [w91 1/10 g. 10-11 par. 11-14]
13. Nemene la aqane troa ketr la itre keresiano hnene la tulu hna amë pe hnei Iesu, ene la troa ham? (2 Kor. 8:9) [w92 15/1 g. 16 par. 10]
14. Tune kaa la aqane “troa e shë koi keriso”? (Gal. 3:24) [w02 1/6 g. 15 par. 11]
15. Nemene la “ite ini hnapane ne la fen” nyine tro sa hmekëne hnyawa matre thaa tro kö itre eje a ananyi së qaathei Akötresie? (Kol. 2:8)