Göi Itre Icasikeu Ne La Huliwa
Koi 8 Semitrepa Me Wiike Cili
Nyima 10
10 men: Itre ithuemacanyi koi së. Iëne jë la Itre Hna Amekötiin qa hnin la Huliwa Ne Baselaia. Xatuane jë la itre trejine asë troa ce wange hmaca la itre mekun hnei angatr hna xom ngöne lo ijine asabele ne sirkoskripsio ne lo macatre ka ase hë, matre troa ce hnëkë thatraqane la Icasikeu Ne La Huliwa ne la wiike ka troa xulu. Xome jë la itre mekune nyine ixatua ngöne la götrane 4, nge troa kuca la lue iamacany ngöne la aqane troa tro fë la zonal La Tour de Garde ne 15 Semitrepa me Réveillez-vous ! ne 22 Semitrepa. Troa amaman ngöne lai ketre iamacany la kola cainöj kowe la ketre monitör hnene la ketre keme maine thin.
10 men: Tusi Sasaiatri. Troa ce ithanata hnene la ketre trejine ka hekö hë ngöne la nyipici, maine ketre qatre thup memine la ketre trejine thöth. Kola hnyingën hnene la thöth kowe lai trejin maine jë öhne fe hi angeic la tusi sasaiatri e hnine la Huliwa Ne Baselaia. Kola qejepengöne hnene la trejine ka hape ame la tusi sasaiatri, tre, ka ce tro eje ekö memine la Huliwa Ne Baselaia ngöne la itre macatre 1960 me 1970. Thupene lai nyidroti a ithanatan la tusi ngöne la pane götran, me amamane hnyawa la itre mekune ka sisitria.
25 men: “Itre Thöth—Eköthe Jë La Ketre Trepene Ka Lolo Thatraqan Elany.”a Troa kuca hnene la ketre qatre thup, me xome la itre hnying hna hamëne hë. Ame ngöne la kola ithanatan la paragaraf 5, qaja amamane hnyawa jë la itre madrin memine la itre manathith hna kapa qa ngöne la hna pionie ngöne la drai ka pexej.
Nyima 170 me thithi ne nyipun.
Koi 15 Semitrepa Me Wiike Cili
Nyima 199
10 men: Itre ithuemacanyi koi së. Troa cile fë la hna ithingë. Qaja jë la ketre hna amekötin göi cainöj e 24 Semitrepa.
10 men: “Ini Tusi Ngöne La Itus Adorez Dieu.” Troa kuca hnene la ketre qatre thup ka xomiujin la ketre ini tus. Loi e troa amaman la porogaram göi ini tus. Ame ngöne la kola ithanatan la hnaafoane paragaraf, xome jë la itre xaa mekune qa hnine la itus École du ministère götrane 28, par. 1, me götrane 70.
25 men: “Lapaune Jë Koi Iehova, Nge Kuca Jë La Loi.” (Sal. 37:3) Troa ce ithanatan la itre hnying ka amamane hnyawa la itre mekune ka tru hna kapa qa ngöne la asabele ne sirkoskripsio ne lo macatre celë. Sipone jë kowe la itre atren la icasikeu troa qaja la aqane trongëne hnyawa hnei angatr la itre mekune ka tru cili ngöne la isa mele i angatr maine e hnine pena la hnepe lapa. Ce wange jë la itre mekune celë: (1) “Loi e Tro Së a Mejiune Koi Iehova.” Pine nemen matre nyipi ewekë troa lapaune koi Iehova ngöne la nöjei götrane ne la mele së? (it-2 g. 428) Troa xatua së tune kaa hnene la itre itus Index des publications de la Société Watch Tower ? (2) “Thupëne Kö La Itre Ewekë Ka Gufa.” (Ate Cai. 2:4-8, 11) Nemene la itre huliwa ka gufa nyine troa hmekën, nge tune kaa la aqane tro sa thupëne itre ej? (3) “Kötrene Pi La Ngazo—Kuca Jë Së La Loi.” Pine nemen matre ka nyipi ewekë catr troa trongëne hnyawa la itre hna amekötine hnei Iehova? (Is. 5:20) Nemene la itre huliwa ka lolo nyine tro sa catre kuca? (4) “Loi e Tro Sa Catre Amë Pala Hi La Lapaune Së Koi Iehova.” Nemene la ka troa xatua së troa cile catr kowe la itre jole memine la itre itupath? Pine nemen matre nyipi ewekë tro sa mejiune koi Iehova troa amekötine la itre xaa ewekë? (5) “Tro Kö a Hane e Nyipunie Elanyi Tune La Ketre Atr Ka Ijije Kowe La Baselaia i Akötresie?” (Kol. 1:10) Nemene la itre ceitun e hnine la Tusi Hmitrötr ka upi së troa catre tro pala hi thenge la aja i Iehova? (6) “Mejiune Jë Kowe La Itre Hnei Iehova Hna Thingehnaean.” Tune kaa la aqane ketr la mele së hnene la aqane ujë cili?
Nyima 58 me thithi ne nyipun.
Koi 22 Semitrepa Me Wiike Cili
Nyima 7
10 men: Itre ithuemacanyi koi së. Xome jë la itre mekune nyine ixatua ngöne götrane 4, nge troa kuca la lue iamacany ngöne la aqane troa tro fë la zonal La Tour de Garde ne 1 Okotropa me Réveillez-vous ! ne 8 Okotropa.
15 men: Nemene Hë La Hne Së Hna Kuca Ngöne Lo Macatre Hnapan? Kola ce wange hmaca hnene la qatre thup la itre mekune ka lolo qa hnine la rapor ne la ekalesia ngöne la macatre 2003. Qaja aloine jë la ekalesia qa ngöne la itre ewekë ka lolo hnei angatr hna kuca. Xome jë fe la itre mekune ka ijije qa ngöne lo rapore hnapan hna hamën hnene la atre thupe ka iwai trootro. Qaja jë la caas maine lue ewekë nyine troa eatrën ngöne la macatre ka troa xulu.
20 men: Hapeu Akötresieti Kö a Kapa La Nöjei Hmi Asë? Troa ce ithanatan la itre mekun hna xome qa hnine la itus Comment raisonner. Wange ju la aqane troa ithanatane memine la kete atr caha mekun. (rs g. 310-1) Qaja amamane hnyawa jë la itre xaa hnepe aqane troa atrehmekune hnyawa la nyipi hmi. (rs g. 316-18) Tro la huliwa ne cainöje së a xatuan la itre xaa atr troa iën la aqane hmi hna kapa hnei Akötresie.—Kol. 1:9, 10.
Nyima 39 me thithi ne nyipun.
Koi 29 Semitrepa Me Wiike Cili
Nyima 194
10 men: Itre ithuemacanyi koi së. Amekunëne jë la itre trejine troa hamën la itre rapor ne hna cainöj ne la treu Semitrepa. Amexeje jë fe la itus hna troa hamën ngöne la treu Okotropa. Troa kuca la ketre iamacany ngöne la aqane troa inine la Tusi Hmitrötr memine la ketre atr ngöne la boroshür Thele.
15 men: Itre ihaji koi së.
20 men: “Xetrëne Jë La Thiina Ka Ipië.”b Sipone jë la itre atren la icasikeu troa hamë mekun ngöne la aqane troa trongën la itre xötre ne la Tusi Hmitrötr.
Nyima 224 me thithi ne nyipun.
Koi 6 Okotropa Me Wiike Cili
Nyima 170
10 men: Itre ithuemacanyi koi së. Ame ngöne la treu celë, easë a troa kuca la hne së hna atrein troa nyiqaane inine la Tusi Hmitrötr memine la itre atr. Pane wange hmaca ju la Huliwa Ne Baselaia ne Mei 2002, götrane 1, paragaraf 1.
15 men: “Loi e Troa Xecie Hnyawa Koi Së Laka Easë a Amë Panën La Itre Nyipi Ewekë!” Cainöj nge troa ce ithanatan la itre mekune hna xome qa hnine la zonal La Tour de Garde ne 1 Semitrepa 1998, götrane 19-21. Qaja jë la itre ewekë hna hnëkëne amë hë hnene la organizasio i Iehova thatraqane la itre treu ka troa xulu, nge ithuecatre jë kowe la itre trejine asë troa isa makën la itre ewekë cili ngöne la itre idrai së. Sipone jë kowe la itre atren la icasikeu troa hamë mekun ngöne la nyine troa angatr a kuca matre thaa tro kö a trian lai itre hna amekötine ngöne la götrane la ua.
20 men: Troa Cile Catr Kowe La Itre Sine Ce Elo Ka Iajojezi. Troa ithanata memine la ketre qatre thup maine ketre drikona pena hna hian hnine la ketre hnepe lapa Keresiano. Troa amexej la itre mekun hna iën qa hnine la zonal La Tour de Garde ne 15 Febuare 2003. Nemene la itre jole hna cile kow hnene la trejine trahmany ngöne la hna ini? (g. 24 par. 3; g. 25 par. 4-5) Hapeu, ngazo catr la aqane ujën la itre xan koi angeic? (g. 26 par. 4-6) hapeu, angeic kö a hane cile kowe la itre xaa jol ceitune me ketre thupëtresij? Nemene la ka xatua angeic troa trongën la itre hna amekötin ngacama catre la itre itupath? Troa nyipun hnene la itre mekun hna xome qa hnine la zonal La Tour de Garde ne 1 Ogas 1999, götrane 24-5, amamane hnyawa jë la itre manathith hna troa kapa qa ngöne laka kola thele pala hi troa ce mel memine la atr ka loi thiina.
Nyima 26 me thithi ne nyipun.
[Ithuemacany]
a Thaa tro kö a sasaith la caa menetr ne nyiqaan, nge thupene lai troa ce ithanatan.
b Thaa tro kö a sasaith la caa menetr ne nyiqaan, nge thupene lai troa ce ithanatan.