Itre Hna Amekötiin

◼ Itre itus hna troa tro fë e treu Semitrepa: La vie : Comment est-elle apparue ? Évolution ou création ? Okotropa: Troa tro fë la itre zonal La Tour de Garde me Réveillez-vous ! Maine kola kepe së hnene la itre atr, xome jë la boroshür Thele, me tupath troa nyiqaane inine la Tusi Hmitrötr me angatr. Nofeba: Troa tro fë la itus Atrehmekune maine boroshür Thele. Maine hetrenyi hë la itre atr la itre itusi cili, hamëne ju fe la itus Adorez Dieu maine ketre itusi pena. Diseba: Atr Ka Tru Ne La Fene Hnengödrai. Maine pena troa hamën la itus, Recueil d’histoires bibliques, maine La Bible : Parole de Dieu ou des hommes ?

◼ Thaa sasaiatri kö a troa nyialien trongën la hna isa komadë itus hnene la itre trejin. Troa treqen tro la atre thup perezida a thuemacan la itre trejin ngöne la nöjei treu, troa canga komadën la itre itus thene la atrekë hnëqane lai ngöne la ekalesia, qëmeken tro angeic a iupi fë la hna komaad koi sasaiatri. Loi e troa atre hnyawa la itre itus, ka ketre pengöne kö la aqane troa sipon.

◼ Nyipi ewekë catr tro la itre qatre thup a xötrethenge la itre mekun hna hamën ngöne La Tour de Garde ne 15 Eiperem 1991, götran 21-3, thatraqan la itre atr hna up qa ngön la ekalesia, nge kola ajan hmaca troa bëek.

◼ Ame la cainöj ka ketre pengön koi nöjei atr hna hnëkën thatraqane la hneijine ne la Drai Ne Amekunën 2004, tre, troa kuca e Sabath 18 Eiperem. Tro pë hë a ithuemacanyi thupen, göi taan me alien lai cainöj. Ame koi itre ekalesia hna vizitën hnene la atre thupën la sirkoskripsio, maine ka asabele pena ngöne lai mecixeni me sabath, tre, ma loi tro pë hë angatr a uthe lai cainöj kowe la wiike thupen. Thaa tro kö a cile fë lai cainöj ka ketre pengön qëmeken e 18 Eiperem 2004.