Göi Itre Icasikeu Ne La Huliwa

Koi 8 Eiperem Me Wiik Cili

Nyima 39

8 men: Itre ithuemacany koi së. Iëne jë la Itre Hna Amekötiin qa hnine la Huliwa Ne Baselaia.

17 men: Itre ihaji koi së.

20 men: “Tro Sha Kuca La Loi Kowe La Nöjei Ate Asëjëihë.”a Thupene la hna ce ithanatan, hnyingëne jë kowe la caas maine lue ka cainöj troa qaja la hnei angatr hna kuca, matre troa akökötren la huliwa ne cainöje i angatr.

Nyima 157 me thithi ne nyipun.

Koi 15 Eiperem Me Wiik Cili

Nyima 101

13 men: Itre ithuemacany koi së. Troa cile fë la hna ithingë. Xome jë la itre mekun ngöne la götrane 8, nge kuca jë la lue iamacany ngöne la aqane troa tro fë la zonal, La Tour de Garde ne 15 Eiperem, me Réveillez-vous ! ne 22 Eiperem. Troa isa amaman ngöne la itre iamacany cili la aqane troa sa thenge la mekun hna hape, “Ketre hetre hmi i eni hë.”—Wange ju la itus Comment raisonner, götrane 18-19.

15 men: Itre Pionie a Xatuane La Itre Xan. Troa xom hnene la atre thupën la huliwa ne cainöj la itre mekun matre troa ce ithanatan memine la atre xomiujine la Ini Tus Ne La Ekalesia, me ketre pionie, me ketre ka cainöj. Tro la atre thupën la huliwa ne cainöj a ce wange hmaca la porogaram, Itre Pionie a Xatuane La Itre Xan, hna hamën ngöne la Huliwa Ne Baselaia ne Semitrepa 1998, götrane 4. Thupene lai, angeic a ithanatan me angatr isa ala caas, la hnëqa i angatr hna hamën hnine la porogaram, memine la aqane aejën la mekune cili. Nemen la hna kuca matre troa tro loi la huliwa cili? Kola sipon hnene la atre thupën la huliwa ne cainöj kowe la itre trejine asë, troa wai angeic maine angatr a hane aja ixatua ngöne la huliwa ne cainöj. Ka loi hmaca fe tro la itre hna xatuane hë ekö a hane kapa hmaca la ketre ixatua ngöne la ketre götrane la huliwa ne cainöj.

17 men: “Itre Madrine Qa Ngöne La Hna Pionie Ngöne La Drai Ka Pexej.”b Xatuane jë la itre thöth troa hane pionie ka ixatua ngöne la itre treu ka troa xulu.

Nyima 199 me thithi ne nyipun.

Koi 22 Eiperem Me Wiik Cili

Nyima 90

8 men: Itre ithuemacany koi së. Ithuemacanyi jë göi troa cainöj e 1 Mei.

12 men: Loi e troa Traqa Pala Hi Ngöne La Traem Hna Sa! Cainöj. Ka nyipi ewekë catr la itre huliwa hne së hna kuca thatraqan la hmi së, nge loi e troa kuca itre ej, ngöne la “ijine” hna sa. (Ate Cai. 3:1) Ame la aja së tre, loi e tro sa kepe thangane hnyawa la itre hna amekötin hnei Akötresie. Loi e troa nyiqaan pala hi ngöne la traem hna sa la itre icasikeu ne la ekalesia, me itre icasikeu göi cainöje trootro. Thaa hulihmitre kö Iehova ngöne la Nyidrëti a tro xom la itre huliwa i Nyidrë. (Hab. 2:3) Tune kaa fe së ngöne la götrane cili, ma loi e tro fe së a hane huliwane la götrane cili? Ame ngöne la itre xaa ijin, kola nango traqa hmitr la itre xan. Ngo maine tro sa hnëkë hnyawa, thaa tro hmaca kö së a lapaa traqa hmitr, maine traqa pë hë së nge ase hë nyiqaan la nyima memine la thith, maine pena thupen la hna nyiqaane hë la icasikeu göi cainöje trootro. Ithanatane jë la itre mekune ka lolo nyine troa kuca, matre troa majemin canga traqa pala hi kowe la itre huliwa asë ngöne la götrane la ua.—Wange ju la zonal, La Tour de Garde ne 15 Juun 1990, götrane 29.

25 men: “Mele Ne La Itre Fami Ngöne La Götrane La Ua—Troa Acatren Tune Kaa?”c Thupene la hna ce ithanatan, wange ju la itre xaa mekun qa hnine la zonal, La Tour de Garde ne 15 Febuare 1999, götrane 10-12.

Nyima 191 me thithi ne nyipun.

Koi 29 Eiperem Me Wiik Cili

Nyima 162

10 men: Itre ithuemacany koi së. Amekunëne ju la itre trejin göi rapor ne hna cainöj ne treu Eiperem. Tro la ketre drikona a xom la itre mekun ngöne la götrane 8, nge tro angeic a iamacanyin la aqane troa tro fë la zonal, La Tour de Garde ne 1 Mei, nge tro la ketre trejine föe a amaman la aqane troa tro fë la Réveillez-vous ! ne 8 Mei. Thupene la itre iamacany, amexeje hmaca jë la ketre aqane nyiqaane ithanata, caas maine luetre, ka troa ahlën la aja ne la itre atr.

15 men: “Jëne Iamele La Huliwa Ne Cainöje Trootro!”d Sipone jë kowe la itre atrene la icasikeu troa hamën la itre mekun, ngöne la aqane troa trongën la itre xötr ne la Tusi Hmitrötr.

20 men: Aqane Troa thele Ewekë Jën La Itus Comment raisonner. Troa ce ithanatan. Hetrenyi la itre hnying ne la itre atr ngöne la hna cainöj, itre mekun thaa hna xeene kö ngöne la itus Comment raisonner, ngöne la “Itre Mekune Ka Tru” hna qejepengön. (götrane 5-6). Ketre ka lolo mina fe la “Index” (götrane 439-45), ke, kola aijijë së troa xom la itre xötr ka troa sajuën la itre ini hne së hna mejiune kow. Sipone jë kowe la itre atren la icasikeu troa hane xom la itre mekun ka sa la itre hnying, me xom ngöne la index, la itre hnëewekë hna cinyihan acon: Nemen la aqane ujë ne la Keresiano göne la ‘Hymnes’ (nyima) me ‘Drapeaux’ (darapo) nyine isigölin la nöj? Pine nemen matre Akötresie a nue la itre ‘Catastrophes’ (hulö) tune la itre sa? Nemen la aqane tro së a qejepengön la mekune i Tusi Hmitrötr göi ‘Divorce’ (sei hna cil)? Pine nemen nge eu la troa ami nyine ‘Coiffure’ (petr) hnene la itre trejin föe? Nemen la qaan la fête des Mères? Easë a atre tune kaa ka hape, ame la 144 000 tre, celë hi nyipi etrun lo itre ka troa elë hnengödrai eë? Nemen la alien la hnei Iesu hna qaja göi ‘Homme riche et Lazare’ (trenamo me Lazaro)? Ithuecatre jë kowe la itre trejin troa xom la itus Comment raisonner ngöne la hna cainöje trootro.

Nyima 28 me thithi ne nyipun.

Koi 6 Mei Me Wiik Cili

Nyima 141

12 men: Itre ithuemacany koi së. Ce ithanatane jë la itre mekun hna hape, “Catre Pi Së Troa Kepe Thangan La Ite Zonale Së La Tour de Garde me Réveillez-vous !

15 men: “Kovasio Ne Distrik Ne La Itretre Anyipici Iehova 2002, ‘Itretre Catr Cainöjën La Baselaia.’ ”e Troa ithuecatr hnene la seketere me qaja aloin la ekalesia, qa ngöne laka, hna canga hnëkë matre troa hane sin lai kovasio.

18 men: Thele Mele Jë Kowe La Itre Nekö i Nyipunie! Cainöj hna troa kuca hnene la ketre qatre thup, hna nyitrepen ej ngöne la zonal, La Tour de Garde ne 15 Julai 1997, götrane 20-23.

Nyima 17 me thithi ne nyipun.

[Ithuemacany]