Kovasio Ne Distrik Ne La Itretre Anyipici Iehova 2002, “Itretre Catr Cainöjën La Baselaia”
1 “Ini a madin’ e angat’ a qaja koi ni, ka hape, Tro shë kowe la ēnē i Iehova. ” (Sal. 122:1) Ame ngöne la easë a goeën la hna qaja hnene la atre cinyihan la Salamo, easë a wangatrehmekun la (1) alien la hni nyidrë ngöne la kola hë nyidrë troa hane hmi koi Iehova, (2) itre atr loi thiina hnei nyidrë hna ce memin, itre atr ka hane hetre hni ne ajan troa kapa la nyipi hmi, me (3) itre hna hnëkën, matre troa atraqatr la ihë, nge troa ce traqa itrony, me troa hane tro kowe la uma i Akötresie.
2 Hapeu kolo kö a hane mexem me ketri së hnene la itre trenge ewekë ne la atre cinyihan la Salamo, koi së isa ala caas, ngöne la easë a dreng laka hetrenyi la itre ewekë hna hnëkën thatraqan la kovasio së ka troa xulu? Easë a canga pi traqa kowe la ijin cili, ngöne la easë a mekune hmaca lo aqane madrine së ekö ngöne lo itre kovasio hnapan, memin la aja ka eje the së, ene la troa pane ce icasikeu memine la itre atr ka hnimi Iehova. Hna hnëkën la köni drai ngöne la macatre celë, thatraqan lai Kovasio Ne Distrik, “Itretre Catr Cainöjën La Baselaia,” e celë e Kaledonia, me e Tas. Ijine tro hi la a nyiqaane hnëkë matre troa hane sin me kepe thangan hnyawa la pui ne xen ngöne la götrane la ua hna hnëkën koi së.
3 Ame ngöne la macatre celë, troa hnen la Kovasio Ne Distrik hna hape, “Itretre Catre Cainöjën La Baselaia,” e Port-Vila, göi Vanuatu, e 23 koi 25 Ogas, nge ame e Kaledonia, tre, troa hnen e Normandie e 6 koi 8 Semitrepa, me 13 koi 15. Ame e Drai Ka Tru me Mecixen, tre, troa nyiqaan e 9 h 30 e hmakany nge troa fenes e 5 h e hej, nge ame e Sabath, tre, 9 h 30 e hmakany uti hë 4 h e hnaipajö. Kolo petre hi a troa kuca la ketre asabele ne Distrik e Walis hnei Sasaiatri; lue drai ne asabele, e 5 me 6 okotropa 2002. Canga kapa catr easë la ithuemacany celë, matre nemen la aqan tro së a isa hnëkë thatraqan lai kovasio?
4 Hnëkë Jë Enehila Matre Troa Sin Lai Köni Drai Asë: Hapeu, ijiji epuni kö troa sipo drai ne mano koi maseta, matre troa hane sin asë lai itre drai ne Kovasio? Iehova a trotrohnin laka ame itre xaa maseta tre, “itre ka calogitr” angatr. (1 Pet. 2:18) Ngo ame la itre kovasio së, tre, ka nyipi ewekë catre itre ej, nge loi e tro sa thele troa hane sine asë la itre ijine icasikeu. Thithi fë jë koi Iehova la itre ewekë cili, me thel tro Nyidrëti a eatrongë së matre troa hetre pun ka loi kowe la itre mekuna së.—Neh. 2:4.
5 Loi e Tro Sa Saen Troa Hane Voloter: Ame ngöne la ijine kovasio, itre hadredr la etrun la itre trejin ka voloter troa hane ixatua, matre troa tro loi la itre serevis ngöne la ijine cili. Kola hnëkë hnei itre ka troa ikep me thup e hnine la iuma ne drai me ngöne la hna acili loto, matre troa thupën la itre loto ngöne la itre drai ne kovasio. Ame la Servis Ne Nyihnyawa Uma, tre, celë hi götrane qa ka amaman hnyawa la aqane porope së, ceitune hi la aqane porop la iuma ngöne la kola xejë la icasikeu, memin kola isa ije. Hapeu, ijije kö tro së a hane ixatua ngöne la serevis celë, maine ketre serevis pena ka aja ixatua? Tro kö nyipunieti a hane voloter, me ce huliwa memin la itre trejin me nyipunie ngöne “la hni ka cas”?—Zef. 3:9.
6 Epi tro së a xötrethenge la aqane ujë i Davita Joxu, ngöne laka, thaa traqa petre kö la ijine kovasio nge kolo ha elitrauje la madrine i nyidrë troa tro kowe la uma ne hmi i Iehova. Ame ngöne la itre Kovasio Ne Distrik, tre, kola kapa la xeni ne la ua ka sisitria catr kowe la mele së, nge easë a akökötrene fe la ihnimi së kowe la itre trejin me easë ngöne la itre ijine cili. Qa ngöne lai, eahuni a könë nyipunie troa canga wang la itre nyine troa hnëkën matre troa hane sin la itre ijine asë ne lai köni drai ne Kovasio Ne Distrik ne la macatre celë, hna hape, “Itretre Catr Cainöjën La Baselaia”!