Göi Itre Icasikeu Ne La Huliwa

Koi 14 Januare Me Wiik Cili

Nyima 3

10 men: Itre Ithuemacany koi së. Iëne jë la itre Hna Amekötiin qa hnin la Huliwa Ne Baselaia.

20 men: Manathith Qa Ngön La Itre Hna Hnëkën Ka Lolo. Cainöj hna troa kuca hnene la ketre qatre thup ka maca, kola troa ithanatan la itre hna hnëkëne hë matre troa xatua së troa axeciën la itre mekun, e traqa ju la ketre meci ka tru koi së; haawe, hna amexej pala hi koi së troa nyialien hnyawa la pepa göi Instructions médicales/Attestation prévisionnelle, memine lo zonal, La Tour de Garde ne 15 Juun 2000 ngöne la itre mekun hna hape, “Kola Sa La Itre Hnyinge i Nyipunie” me 15 Okotropa 2000. Loi e troa munë pe la itre pepa göi Instructions médicales/Attestation prévisionnelle. Loi e troa hetrenyi asë la itre ka cainöj hna bapataisone hë la pepa celë, thupen la hna icasikeu, ngo THAA tro pe a nyialiene ej. Maine tro pë hë a saenën, me anyipicin, me siji drain la pepa cili, ngöne la ijine Ini Tus ka troa xulu; ketre troa hamë ixatua hnene la atre xomiujin matre troa nyialien itre ej. Ame koi Itretre Anyipici Iehova hë, tre, tro angatr a goeën la kola saenën la pepa i angatr hnei itre ka troa temoë i angatr. Ame koi itre ka cainöj ngo thaa hna bapataison petre kö, tro angatr a ketre cinyihan la itre mekune i angatr ngöne la ketre pepa, thatraqai angatr me itre nekö i angatr, nge troa tro thenge la itre mekun hna hamën hnine lo lai itre pepa, thenge la isa aqane mele i angatr, memine la lapaune i angatr. Amamane hnyawa jë la eloin e troa CANGA nyialien la itre pepa matre troa axeciën hnyawa la itre mekun hna xom e traqa ju la itre ngazo koi së, itre mekun ka eatrongën la mekuthethewe së hna inin hnene la Tusi Hmitrötr. (Ite Edomë 27:12; 14:15) Nyipi ewekë catre mina fe troa canga ithanata memine la itre atr ka huliwa ngöne la itre pital, matre troa qaja hnyawa koi angatr la itre hne së hna ajan göi aqane troa nyinyin la meci së, me itre drösinöe hna troa hamën. Nyipi ewekë fe troa pane isa thele ithuemacany, matre troa atreine axeciën la itre mekun ka ijij. E jë la itre paragaraf hna xom qa hnin la itre hna cinyihan ngöne caha itre zonal, La Tour de Garde. Tro la itre qatre thup a ixatua, ngo thaa qanyi angatre kö troa axeciën la itre mekun. Qaja jë la itre aqane troa hamën la itre pepa hna troa cinyihan la itre mekun hnei angatr hna troa axeciën.

15 men: Hane Kö Epuni Wang o Drai La Topik Ne La Drai? Kola ce ithanatan hnene la ketre hnepe lapa. Troa kökötr la itre thangan ka loi qa ngön la hnei angatr hna ce goeën pala hi la topik ne la drai, angatr a wang la zonal La Tour de Garde ne 15 Diseba 1996, götran 18, paragaraf 13-14. Wange hmaca ju la luetre maine köni topik hna ce ithanatane hë ngöne lo köni drai ka ase hë, nge qaja jë la aqane amaman hnene la ithuemacany, laka, hetre thangan ka lolo hna kapa qa ngöne lai. Amamane hnyawa jë fe laka, ketre ewekë la hna hnëkëne fe thatraqan la itre hnepe lapa, matre troa hane amë hnin la porogaram ne ce ini tusi angatr, göi troa xatua angatr troa catr pala hi ngöne la götrane la ua.

Nyima 55 me thith ne nyipun.

Koi 21 Januare Me Wiik Cili

Nyima 104

13 men: Itre Ithuemacany koi së. Troa e la hna ithingë. Ce ithanatane jë la itre mekun hna eköhagen, hna hape, “Troa Isa Amë, Tune La Hna Isa Heten.”

10 men: “Troa Qeje Nemen Gön La Itre Zonal.” Iamacanyine jë la aqane troa tro fë la zonal, La Tour de Garde ne 15 Januare memin la Réveillez-vous ! ne 22 Januare. Xatuane jë la itretre cainöj troa hane sin la Drai ne tro fë Zonal.

22 men: “Amë Panëne Jë La Baselaia.”a Qaja jë la itre hnepe hnying ngöne la itre mekun ka tru hna hamën hnine la zonal, La Tour de Garde ne 1 Semitrepa 1998, götrane 19-21.

Nyima 168 me thith ne nyipun.

Koi 28 Januare Me Wiik Cili

Nyima 196

10 men: Itre Ithuemacany koi së. Amekunëne jë la itre trejin göi itre rapor ne Januare. Qaja jë fe la itus hna troa tro fë ngöne la treu Febuare, nge ithuemacanyine jë fe la itre itus ka hetrenyi pala kö e hnin la ekalesia.

20 men: “Itre Aqane Nyiqaane Ithanata Nyine Ixatua Göi Cainöje Trootro.” Troa ce ithanatan, nge troa kuca hnene la atre thupën la huliwa ne cainöj. Hna xome hmaca la itre aqane nyiqaane ithanata hna ce wange hë ekö ngöne lo itre Huliwa Ne Baselaia, itre xane mina fe qa ngöne lo itre xaa ka hnyipixe. Hna hnëkën fe la itre götran ka pë alien matre hnen la itre xaa mekun elany ka hnyipixe, nge ka troa hetre thangan ka loi ngöne la götran hne së hna cainöje ngön. Sipone jë kowe la itre trejin troa qaja la itre aqane nyiqaane ithanata hnei angatr hna ajan memin la kepin matre angatr a xome itre ej. Iamacanyine jë la caas maine luetre hna troa ce xom memin la itus hna troa tro fë e treu Febuare. Xatuane jë la itre trejin troa amë hnyawa la sinecetron la Huliwa Ne Baselaia celë matre tro xome hmaca elany ngöne la kola troa hnëkë troa cainöj.

15 men: Itre ihaji koi së. Sipone jë kowe la itre trejin troa qaja la aqane xom angatr la itus Comment raisonner, matre troa hamën la itre boroshür ka ihmeku memin la hnying ne la itre atr, maine troa hamën la ketre xötr nyine iakeukawany qa hnin la boroshür E Meci Hë La Atr Hne Së Hna Hnim. Maine jë troa pane kuca hmaca la caas maine lue iamacany.

Nyima 202 me thith ne nyipun.

Koi 4 Febuare Me Wiik Cili

Nyima 212

8 men: Itre Ithuemacany koi së. Xome jë la itre mekun nyine ixatua qa ngön la götran 8, nge iamacanyine jë la lue aqane troa tro fë zonal, caas ngöne la zonal, La Tour de Garde ne 1 Febuare, nge ketre ngöne la Réveillez-vous ! ne 8 Febuare.

17 men: “Tro Angatr a Dreng Tune Kaa?”b Sipone jë la itre trejin troa qaja la aqane troa trongën la itre xötr ne la Tusi Hmitrötr. Xome jë fe la itre hnying thatraqan la itre paragaraf 17-18 ne la zonal, La Tour de Garde ne 15 Ogas 1998, götrane 20.

20 men: “Itre Kem Me Thin—Inine Jë La Itre Nekö i Nyipunie Qaan La Angatr a Nekönatr.”c Xome jë la itre mekun qa hnin la zonal, La Tour de Garde ne 15 Eiperem 1998, götran 32. Sipone jë la itre keme me thin troa qaja la itre thangan ka loi hnei angatr hna kapa, qa ngöne laka, hnei angatr hna canga nyiqaane inin la itre nekönatr nge nekönatr petre kö nyudren.

Nyima 224 me thith ne nyipun.

[Ithuemacany]