Itre Jiane Huliwa Ka Ini Së, Me Upi Së, Me Acatrene La Lapaune Së
1 Sisitria itre ej, pine laka, kola inine la itre atr göne la Tusi Hmitrötr, me ngöne la pengöne la Itretre Anyipici Iehova. Itre eje a xatuane la itre atr ka nyimutre troa cile qale kowe la nyipici. Hnene itre eje hna acatrene la lapaun, me akökötrene la trotrohnine ne la itre atre i Akötresie. Nemene itre ej? Ene hi lo itre video hna kuca hnene la organizasio i Iehova. Ase kö epuni hane goeëne asë itre ej? Hapeue ngöne lo itre treu ka ase hë, hane kö epuni xome itre eje thatraqane la huliwa ne cainöje trootro? Tune kaa la aqane tro sa kepe thangane hnyawa, qa ngöne la nöjei jiane huliwa cili ka mingöming?
2 Ame ngöne la zonal, La Tour de Garde, ne 1 Julai 1999, ngöne la hna cinyihane hna hape: “Catre Pi Troa Inine Pala Hi La Wesi Ula i Akötresie Hnine La Fami,” hna xatua së troa “ami ijin ngöne la easë a isa inine la Tusi Hmitrötr, matre troa goeëne la itre video hna hamëne hnei Sasaiatri.” Thenge la ixatua celë, tro ha ce ithahnatane la itre video ka isa pengöne cili, ngöne la Icasikeu Ne La Huliwa, e nöjei treu. Nyipi ewekë tro së isa ala caasi a pane goeëne la video ngöne la itre hnalapa së, qëmekene troa ce ithahnatane memine la ekalesia.
3 Ame ngöne la treu celë, easë a troa nyiqaane goeëne la pane video, hna hape, Les Témoins de Jéhovah : un nom, une organisation. Goeëne ju me drenge la itre mekune ka sa la itre hnyinge celë:
◼ Kola atrepengöne hnyawa la Itretre Anyipici Iehova hnei nemen?
◼ Nemene la xötre ne la Tusi Hmitrötre ka itretrengekeu memine la hna kuca hnine la Bethela?
◼ Nemene la itre ewekë hna elone qa hnine la Tusi Hmitrötr, a hna foton, me desëne hnine la itre itus?
◼ Nemene la mekune i epun, ngöne la aqane hnëkëne la itre itusi së?
◼ Qaane lo 1920 koi 1990, ije itusi hna fejane hnei Sasaiatri?
◼ Drei hmekuje la itre atre i Akötresie ka ijije troa lö me huliwa hnine la Bethela?—Ite Edomë 20:29.
◼ Nemene la ka amamane ka hape kola hamë tulu ka lolo hnene la fami ne Bethela, kowe la Itretre Anyipici Iehova asë?
◼ Nemene la mekune i epuni ngöne la huliwa hna kuca hnine la Bethela matre ijije troa ketr la itre atr ka nyimutre jëne la maca ka loi?
◼ Tune kaa la aqane nyithupene la huliwa e cailo fen?
◼ Nemene la huliwa ka ijije tro sa catre fë, nge nemene la aqane tro sa kuca?—Ioane 4:35; Ite Huliwa 1:8.
◼ Nemene la aqane mekune së la organizasio hne së hna cilëgöline, memine la ëjene ej?
◼ Nemene la aqane tro sa huliwane la video ngöne la hne së hna cainöje trootro?
Ame Diseba, tro hmaca së a wange la video La Bible : un récit historique exact, des prophéties dignes de foi.