Göi Itre Icasikeu Ne La Huliwa
Koi 13 Maac Me Wiike Cili
Nyima 118
10 min: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia.
15 min: “Easë a Cainöjëne La Maca Ka Loi.” Thaa troa kö a sasaithe la caa menetre ne nyiqaan, nge troa ce ithahnatan. Hamëne jë la itre mekune ne la Tusi Hmitrötre ka lolo nyine ceitun, hna troa xome qa hnine la itus, Atrehmekune, ngöne la easë a tro fë eje ngöne la hna cainöj.
20 min: “Ijije Kö Troa Hane Sisitria Koi Së La Treu Eiperem 2000?” (Paragarafe 1-11) Troa ce ithahnatan. Qaja jë la aqane pane elë lo etrune lo itre pionie ka ixatua ngöne la mele ne la ekalesia. Sipone jë kowe la itre xane e angatre troa qaja la itre manathithi hnei angatre hna kapa, qa ngöne la hnei angatre hna akökötrene pala hi la huliwa ne cainöj. Ithuecatre jë kowe la ekalesia matre troa tru catre hnei ka pionie ka ixatua ngöne la treu eiperem. Wange hmaca ju la itre ewekë hna thele the së, matre ijiji së fe troa hane pionie; itre eje hna cinyihane hnine la itus Notre ministère, götrane 113-14. Ame koi itre ka cainöje ka ajane troa hane pionie ka ixatua, atreine hi tro angatre a nyialiene thupene la icasikeu, lo pepa ne sipo.
Nyima 187 me thithi ne nyipun.
Koi 20 Maac Me Wiike Cili
Nyima 21
10 min: Itre ithuemacanyi koi së. Troa e la hna ithingë.
15 min: “Nemene La Ka Ijije Tro Ni a Kuca?” Troa ce ithahnatane hnene la atre xomiujine la Ini Tusi la hna cinyihan, memine la caas, maine lue drikona. Pine laka, nyimu pengöne la itre hnepe jole ka eje the së, itre xaa trejine a mekune ka hape, ngacama co, ngo atreine hi tro angatre a hane kuca la itre huliwa ne la ekalesia. Wange hmaca ju la nöjei aqane tro së a hane huliwa hnine la ekalesia, me acatrene ej, me hane akökötrene la itre huliwa ne ej. Nyipune ju, me amamane la aqane tro së isa ala caasi a hnëkëne la rapore ne “Cainöje Tixenuë.”—Wange ju la Notre ministère, götrane 108-10.
20 min: “Ijije Kö Troa Hane Sisitria Koi Së La Treu Eiperem 2000?” (Paragarafe 12-18) Troa ce ithahnatan. Kuca ju fe la ketre iamacanyi ngöne la aqane troa hëne la itre atr hne së hna atre kowe la Drai ne Amekunën. Wange hmaca ju la “Idrai Koi Eiperem 2000,” nge nyiqane amexeje jë la itre hna amekötine thatraqane la itre icasikeu göi huliwa ne cainöj, thatraqane la nöj. Amekunëne jë la itre trejine matre angatre a isa hnëkëne hnyawa la ketre porogarame ka lolo, matre ijije troa hane cainöje hnyawa ngöne la treu, ene pe tro ha eatre lo 100 koi 100 la itre ka sine la huliwa ngöne la ekalesia. Xatuane jë la itre ka ijije troa pionie ka ixatua, me upi angatre troa hane xome la itre pepa ne sipo thupene la hna icasikeu.
Nyima 65 me thithi ne nyipun.
Koi 27 Maac Me Wiike Cili
Nyima 119
10 min: Itre ithuemacanyi koi së. Troa amekunëne göi itre rapore ne maac. Qaja jë la ëje ne la itre ka pionie ngöne la treu eiperem. Thuemacane jë la ekalesia ka hape, ijije pala kö troa nyialiene la itre pepa ne sipo. Amexeje jë fe la porogarame hna hnëkëne kowe la itre icasikeu göi cainöje trootro ngöne la treu. Ithuecatre jë troa cainöje e mecixeni me sabath, matre troa nyiqane hnyawa la treu eiperem. Tro së a tro fë la zonal, La Tour de Garde, me Réveillez-vous ! ngöne la treu. Fe jë kowe la ketre hna cinyihan, nge amamane jë la ketre mekune ka ijije troa ithahnatane ngöne la easë a nyiqane ithahnata. Loi e tro asë hi së a hetrenyi la boroshüre Thele, me thele troa nyiqane inine la Tusi Hmitrötre memine la itre atr ka ajan.
13 min: “Sipo Ixatua Jë.” Cainöje ne la ketre qatre thup, nge troa ce ithahnatan. Qaja jë la enyipi ewekëne la tro së asë a thele ixatua lapa. Eje hi laka, easë a troa isa thue la itre ehnefe së. (Gal. 6:5) Ngo maine thatreine kö së troa cile kowe la ketre jol, loi e thaa tro pi kö së a luelue troa sipo ixatua thene la ketre trejine me easë hnine la ekalesia, ka macaje ngöne la götrane la ua. Sipone jë kowe la itre trejine troa qaja la aqane acatrene la lapaune i angatr, jëne la itre ixatua hnei angatre hna kapa qaathene la itre xan.
10 min: Itre Ihaji koi së.
12 min: “Filipo—Atre Catre Cainöjëne La Evangelia.” Cainöje hna xome qa hnine la zonal, La Tour de Garde ne 15 julai 1999 götrane 24-25. Ithuecatre jë troa tui nyidrë ngöne la treu eiperem.
Nyima 195 me thithi ne nyipun.
Koi 3 Eiperem Me Wiike Cili
Nyima 72
10 min: Itre ithuemacanyi koi së me itre hna melëne ngöne la hna cainöj, hnene la itre trejin. Iëne jë la itre ewekë hna melëne hnene la itre trejine ngöne la teritoare së, matre troa hane ithuecatre fe kowe la itre xan.
17 min: “Inine Jë La Itus Prophétie de Daniel” Troa ce ithahnatan. Itre hnepe mekune ngöne la aqane troa kepe thangane ka loi qa ngöne la tusi Daniela. (Wange ju la mekene 1, paragarafe 15-17, ngöne la itus, La prophétie de Daniel.) Ithuecatre jë troa sine pala hi la itre Ini Tus.
18 min: Hapeu, Tro Kö Ni a Qajaqaja La Ketre Ngazo Ka Tru? Ketre cainöje ka tru hna troa kuca hnene la ketre qatre thup, thatraqane la itre thöth. Nyimutre la itre jole ka jilapane enehila la fene celë, ene pe kola hetre ethane itre eje thene la itre thöth: kola paatre la itre thiina ka lolo, kola kökötre catre la pi isi, kola tru la kuci dorog, nge pëhë caa metrötre kowe la itre mus. Ame itre xaa thöthi ke, lue aqane mel, ene pe kola kuca juetrëne la itre thiina ka ngazo. Kösë troa hetre ethane catre kowe la mele ne la ekalesia ngöne la götrane la ua. Ame itre xane ke angatre a kuca la ngazo me thele troa juetrëne ej. Maine epuni a atre ka hape, hnene la ketre trejine trahmany, maine jajinyi hna ena la wathebo i Akötresie, nemene la nyine tro epuni a kuca? Wange ju la trepene meköti hna hamëne ngöne la Levitiko 5:1. (Wange ju la zonal, La Tour de Garde ne 15 ogas 1997, g. 27-30.) Wange ju fe la itus Les jeunes s’interrogent, götrane 68-9, nge qeje pengöne jë la nyine troa kuca hnene lai atr e traqa ju tune lai.
Nyima 68 me thithi ne nyipun.