Nemene La Ka Ijije Tro Ni a Kuca?
1 ‘Nemene la ka ijije tro ni a kuca?’ Celë jë hi hnyinge lai ka eje thene lo itre hnainine ekö, ketre ca lapa lai hna elemekene hnei Charles Taze Russell ngöne la macatre 1870. Qa ngöne laka, angatre hë a trotrohnine hnyawa la aja i Akötresie, haawe, hnei angatre hna thele la aqane troa xatuane la itre xaa atr, troa hane atre la mekuana i Nyidrë. Ketre hnëqa ka tru la troa hane qaja kowe la fene hnengödrai asë, la atrehmekune ne la Tusi Hmitrötr.
2 Eloine hi koi së laka, hune pi kö angatre qa ngöne la itupathi ka tru cili. Hna tune kaa? Hnei angatre isa ala caasi hna kuca la hnei angatre hna atrein, matre enehila, hlemu hë e cailo fene la pengöi Itretre Anyipici Iehova; kola troa easenyi kowe la sikisi milio la etrune la angetre cainöjëne la Baselaia e hnine la organizasio cili, angatre a huliwa hnine la 90 000 lao ekalesia ngöne la 234 lao nöje me hnapet!—Is. 60:22.
3 Catre Pi Së Troa Ixatua: Nyipi ewekë catre tro së isa ala caas, a hane cilëgöline la huliwa ka tru cili, hna troa kuca ngöne la itre drai hnapine celë, tune lo hna thingehnaeane hë hnei Iesu. (Mareko 13:10) Eje hi laka, thaa ijije kö tro së a nue hmekuje la itre qatre thupe troa kuca la huliwa cili, ke xalaithe hi angatr; ketre tune la itre pionie, thaa ijiji angatre kö troa xome caasine la hnëqa ne cainöj. Nyipi ewekë troa ixatua hnene la nöjei keresiano asë. Loi e tro asë hi së a hane xome fe la nöjei aqane troa cainöj. (1 Tim. 1:12) Thenge la aqane kuca së la huliwa cili, troa hetre thangane ka loi koi së me kowe la itre xan. —1 Tim. 4:16.
4 Ijije mina fe tro së isa ala caasi a catre thele la itre aqane troa xatuane la itre trejine me easë keresiano. Ijije tro së a hamëne la ixatua së hnine la ekalesia, maine troa sine pala hi la itre icasikeu, me madrine troa hane qeje mekune ngöne itre ej. (Sal. 122:1, 8, 9) Ijije fe tro së a hane thupëne matre thaa tro kö a apuingazone la ekalesia hnene la itre thiina ka ngazo. Atreine fe tro së a hane ixatua hnei mani, thatraqane la huliwa e cailo fen, thenge la hne së hna hetreny. Ijije fe kö tro së a hane ixatua nyihnyawane la Uma ne Baselaia. Ijije mina fe tro së isa ala caasi a xatuane la itre ka xötrei atre la nyipici, itre ka thöth me itre qatr, jëne la ihnimi ka eje e kuhu hni së, me ajane së troa caas. —Kol. 3:12, 14.
5 Haawe, pane hnyinge ju së ka hape, ‘Nemene la ka ijije tro ni a kuca?’ Ngacama ame koi së ke co la hne së hna kuca, ngo maine tro së a hane huliwa me hamëne la ixatua së, tro ha catre la ekalesia, me hetre thangane ka loi me egöcatre ngöne la ua. Qa ngöne lai, epi tro asë hi së a hamëne la ixatua së ka sisitria, matre troa atrune la ëje i Iehova!