Лебил дунъяличи шин чедухъни: чи лехІахъиба, чи лехІхІехъиба?

НухІла замана бахъал адамтани вайтІа бирулри. Бытие 6:5

Адамлара ХІявалара биштІати акІуб ва ванзаличиб адамти бахъбиуб. Замана арбякьунхІели цабехІ малайкуни ШайтІанничила цахІнадикили Аллагьличи хъаршидиуб.

Илди ванзаличи дакІили, гьарли адамтала кьаркьлуми касиб хьунул адамтачи хъаллакабиэс, ва ихди хьунул адамтала алкІи саб дебали халати, цакьти ва уркІецІиагарти биштІати.

Дунъя вайти адамтани бицІили саб. Аллагьла жузлизиб бикІули саб: Бахъал ванзаличибти адамти дебали вайтІа кабиуб ва ихдала уркІила пикруми дяхІчиаили сар вай барес.

НухІ лехІахъиб Аллагьличи ва бариб халаси къаяхъ. Бытие 6:13, 14, 18, 19, 22

НухІ гІяхІси адам сайри. НухІлизи Аллагьли бурили сай, лебил ванзаличибти вайти адамти шин чедухъахъили агарбирис.

Аллагьли НухІлизи хъарбарили сай халаси къаяхъ бараили, хІела хъалибаргра ва жура-журала мицІирагра духІна дарх каса.

НухІли гьалахили адамтази буриб шин чедулхъан или, аммаки адамти ихичи лехІхІехъиб. ЦабехІти дукаркІулри НухІличил, царалтала гьимидулхъулри иличи.

Халал къаяхъ хІядурбарибхІели, НухІли муцІираг духІнааиб.