Ихди лехІахъили саби ШайтІанничи. Се бетаурли ихдас?

Адамлира ва ХІявалира Аллагьли ибси хІебарибхІели бебкІили саб. Бытие 3:6, 23

ХІява лехІахъили сари чІичІалличи ва цІедеш касили берки сар. ГІур Адамлисра бедили сар ва ихинира берки сай.

Ихдани барибил бархьси ахІенри — их бунагь сабри. Аллагьли ихди дурабяхъили сай алжанализибад.

Чулара ва чула биштІаталлара гІямру хъиянти сарри. Ихди бухънакабаили бебкІили саб. Ихди каберхурли гІергъи чинакІал бикили ахІен, гІямру кадерхурли сар.

БебкІибти гІямру агарти саб ванзала гІянжи кьяйдали. Бытие 3:19

Нуша акІубти сарра Адамлизирра ХІявализирра, илбагьандан дубкІутира. БебкІибтани секІал чебиуси, бикьуси ва секІал барес бируси ахІен (Экклезиаст 9:5, 10).

Аллагь Иеговалис бигули ахІенри адамти бубкІули. ДахъхІи агарли Аллагьли бебкІибти гІямруличи чарбиру. ГІур гІямруличи чарбиубти Аллагьличи лехІахъили каланни, мурталра хІебебкІили калан.