Селис нушаб гІягІниси ит лебил дунъяличиб шин чедухънила замана гьанбиркахъес?

Аллагьли лебил вайси адамти агарбариб, амма НухІлара илала хъалибарглара гІямру мяхІкамдариб. Бытие 7:11, 12, 23

АвцІали бархІира ва авцІали дугира заб урцулри, ва лебилра ванза шинни кІапкабариб. Лебилра вайси адамти бебкІиб.

Аллагьличи хъаршидиубти малайкунали датур чула ванзаличирти кьаркьлуми ва детаур илбисуни.

Къаяхъла бухІнабти мицІирли калун. НухІра илала хъалибаргра замана арбякьи бебкІиб, амма Аллагьли ихди гІямруличи чарбиру мурталра хІербирахъес.

Аллагьли гІурра агарбиру вайти, гІяхІти адамтала гІямру мяхІкамдиру. Матфея 24:37—39

ШайтІаннира ва илбисуналира ишбархІира адамти биргІябиргули саби.

НухІла бурхІнала замана, бахъалли чеайсули ахІенри Аллагьла гъай, ишбархІира бахъал лехІихъули ахІен. ДахъхІиагарли Иеговали вайси адамти агарбиру (2 Петра 2:5, 6).

ИшбархІира леб НухІличи мешути адамти. Ихди лехІихъули саб Аллагьличи. Ихди адамти — Иеговала бикьруми саби.