Сегъуна гІямру лерсирив Алжанализир?

Иеговали Адамлисра ва ХІявалисра дахъил гІяхІси секІал дедиб. Бытие 1:28

Иеговали акІахъубил сар цаибил хьунул ХІява ва ил Аллагьли Адамлис хьунул рарибил сар (Бытие 2:21, 22).

Аллагьли ихди акІахъубти саб чебетаили, ихдала гІякьлулизибра, кьаркьализибра багьанаагарсири.

Ихдала хъали сабри Эдем бикІуси — дебали жагаси анхъ. Ил сабри Алжана. Ихаб лебри кабухъи хІеркІ, дахъал цІедешла галгуби ва жура-журала мицІирагуни.

Аллагь гъайкайкІулри ихдачил ва ледил секІалличи бурсибирулри. Ихди Аллагьличи лехІахъили калунси биаллири, даим хІеркабирули Алжанала ванзаличиб калунсири.

Аллагьли ихтияр бедили ахІен ца галгаличибад цІедеш беркахъес. Бытие 2:16, 17

Иеговали чебаахъили сай Адамлисра ХІявасра ца цІедешла галга ва ихдази бурили сай, рахли хІушани беркадли хІуша дубкІуд.

Ца вайси малайк Аллагьличи хъарши виубли сай. Их вайси малайк сай — ШайтІан Илбис.

ШайтІаннис бигули ахІенри Адамра ва ХІявара Иеговаличи лехІахъили. Ил багьандан чІичІаличибад ШайтІанни бурили сай ХІявализи, хІуни их галгализибад цІедеш беркадли хІу хІерубкІудну, Аллагьгъуна ретарудри. ШайтІанна их сабри симк (Бытие 3:1—5).