Иисус «пӑхӑнса тӑма вӗреннӗ»

Иисус Иеговӑна яланах пӑхӑнса тӑнӑ (Иоанн 8:29). Мӗншӗн вара Библире «вӑл... асапсем витӗр тухса пӑхӑнса тӑма вӗреннӗ» тенӗ? (Евр. 5:8).

Ҫӗр ҫинче пулнӑ чухне Иисус тӳпере пулман йывӑрлӑхсемпе тӗл пулнӑ. Унӑн ашшӗ-амӑшӗн, вӗсем Иеговӑна юратнӑ пулин те, ҫитменлӗхсем пулнӑ (Лука 2:51). Иисус йӗркесӗр тӗн пуҫлӑхӗсенчен тата влаҫра ларакан тӳрӗ мар пуҫлӑхсенчен хӗн курнӑ (Матф. 26:59; Марк 15:15). Унсӑр пуҫне, «вӑл хӑйне кӗҫӗне хурса мӗн виличченех» — асапланса виличченех — «Турра пӑхӑнса тӑнӑ» (Флп. 2:8).

Ҫапла вара Иисус ҫӗр ҫинче пулнӑ чухне тӳпери пек мар, пачах урӑхла пӑхӑнса тӑма вӗреннӗ. Ҫавна пула вӑл пӗр ҫитменлӗхсӗр тата пире хӗрхенме пултаракан Патша тата Чи аслӑ священник пулса тӑнӑ (Евр. 4:15; 5:9). Иисус пур йывӑрлӑхра та Иеговӑна пӑхӑнса тӑнӑ, Ашшӗ вара ӑна ҫавӑншӑн тата ытларах хаклама пуҫланӑ. Йывӑрлӑхсемпе тӗл пулнӑ чухне эпир Иеговӑна пӑхӑнса тӑратпӑр пулсан, эпир уншӑн тата хаклӑрах пулса тӑратпӑр, вара вӑл пире ҫӗнӗ ӗҫсем шанса пама пултарать (Иак. 1:4).