Кашни кун Библи вулама сире мӗн пулӑшӗ?

Ӗҫсем нумай пулнӑран пире кашни кун Библи вулама вӑхӑт тупма йывӑр пулма пултарать (Иис. Н. 1:8). Сирӗн те ҫавнашкалах пулсан, аяларах илсе панӑ канашсенчен пӗринпе усӑ курса пӑхӑр.

• Хӑвӑра аса илтерсе тӑрӑр. Телефонра кашни кун Библи вулама пулӑшакан асаилтерӳ тӑвӑр.

• Библи куҫ умӗнче вырттӑр. Эсир пичетленӗ Библи вулатӑр пулсан, вӑл яланах куҫ умӗнче вырттӑр (Сак. аст. 11:18).

• Аудиоҫыртарусене итлӗр. Ҫакна кулленхи ӗҫсене тунӑ чухне тӑвӑр. Та́ра ятлӑ хӗрарӑм тӑван пионер пулса ӗҫлет, ачисене пӑхса ӳстерет тата каҫхи сменӑра ӗҫлет. Вӑл акӑ мӗн калать: «Эпӗ килти ӗҫсене тунӑ чухне Библин аудиоҫыртарӑвӗсене итлетӗп. Ҫакӑ мана кашни кун Библи вулама пулӑшать».

• Ҫине тӑрӑр. Ан парӑнӑр. Эсир палӑртса хунӑ вӑхӑтра Библи вулама пултараймарӑр пулсан, ҫывӑрас умӗн темиҫе сӑвӑ йӗрки вуласа тухӑр. Кунне темиҫе сӑвӑ йӗрки вулани те усӑ парать (1 Пётр 2:2).