Ӗмӗрлӗхех Турӑ тусӗ пулса тӑр!

Тус тупас тесен, вӑй хумалла; анчах туслӑх малалла аталантӑр тесен те вӑй хумалла. Турӑпа туслӑх тупса ҫав туслӑха малалла аталантарас тесе вӑй хуни сана нумай пиллӗх парӗ. Иисус хӑйне ӗненекенсене каланӑ: «Чӑнлӑх сире ирӗке кӑларӗ» (Иоанн 8:32). Ҫакӑ мӗне пӗлтерет?

Эсӗ халӗ ирӗкпе савӑнма пултаратӑн. Эсӗ Сатана саракан тӗрӗс мар вӗрентӗвсемпе суяран ирӗк илме пултаратӑн. Эсӗ Иеговӑна пӗлмен милионшер ҫынсен пурнӑҫӗнчи шанчӑксӑрлӑхран ирӗк илме пултаратӑн (Рим 8:22). Турӑ тусӗсем «вилӗмрен хӑранинчен» те ирӗк илнӗ (Еврейсем 2:14, 15).

Эсӗ Туррӑн ҫӗн тӗнчери ирӗклӗхпе савӑнма пултаратӑн. Малашлӑхра илме пултаракан ирӗклӗх мӗнле аван! Ҫӗр ҫинчи Райра вӑрҫӑсенчен, чирсенчен тата преступлени тӑвассинчен ирӗклӗх пулӗ. Чухӑнлӑхпа выҫлӑхран ирӗклӗх пулӗ. Ватлӑхпа вилӗмрен ирӗклӗх пулӗ. Хӑранинчен, пусмӑрланинчен тата тӗрӗсмарлӑхран ирӗклӗх пулӗ. Библи Турӑ ҫинчен калать: «Хӑвӑн аллуна уҫатӑн та, пур чуна та кӑмӑл курса тӑрантаратӑн» (Псалом 144:16).

Туррӑн тусӗсем ӗмӗр-ӗмӗр пурӑнӗҫ. Ӗмӗрлӗх пурнӑҫ — вӑл Турӑ унпа кам туслӑх шыракана пурне те паракан хаклӑ парне (Рим 6:23). Вӗҫӗ-хӗррисӗр пурнӑҫ сана мӗн пама пултарни ҫинчен шутласа пӑх кӑна!

Санӑн вӑхӑт нумай ӗҫ валли пулать. Эсӗ музыка инструменчӗсемпе выляма вӗренесшӗн пуль. Е эсӗ ӳкерме вӗренесшӗн е столяр ӗҫне пӗлесшӗн. Тен, эсӗ чӗрчунсемпе ӳсентӑрансене нумайтарах пӗлесшӗн. Сана ҫулҫӳрев туртать тата эсӗ тӗрлӗ ҫӗршывсемпе халӑхсене курасшӑн пуль. Ӗмӗрлӗх пурнӑҫ ҫаксене пурне те тума май парать!

Санӑн нумай туссем тупма вӑхӑт пулӗ. Ӗмӗрлӗх пурнӑҫ кам Турӑ тусӗ пулнисенчен нумайӑшне пӗлме май парӗ. Эсӗ вӗсен пултарулӑхӗсемпе паха енӗсене пӗлӗн тата вӗсем те санӑн тусусем пулӗҫ. Эсӗ вӗсене юратӑн, вӗсем те сана юратӗҫ (1 Коринф 13:8). Вӗҫӗ-хӗррисӗр пурнӑҫ сана ҫӗр ҫинчи пур ҫыншӑн та тус пулма май парӗ. Анчах та пуринчен те лайӑххи вӑл — Иеговӑпа сан хушшинчи туслӑх ӗмӗр-ӗмӗрӗпе ҫирӗпленсе те ҫирӗпленсех пыни. Ӗмӗрлӗхех Турӑ тусӗ пулса тӑр!