Эсфирь

10 Ахашверо́ш патша хӑй тытса тӑракан ҫӗрсенче, тинӗс утравӗсенче те, халӑха ирӗксӗрлесе ӗҫлеттерме пуҫланӑ.

2 Ахашверо́ш патшан хӑватлӑ ӗҫӗсем ҫинчен Ми́ди тата Пе́рси патшисен ҫулсерен ҫырса пыракан кӗнекинче ҫырнӑ, унта патша Мардохея асла кӑларни ҫинчен те тӗпӗ-йӗрӗпе ҫырса панӑ. 3 Мардохе́й еврей Ахашверо́ш патша хыҫҫӑн иккӗмӗш ҫын пулнӑ. Вӑл еврейсем хушшинче ятлӑ-сумлӑ, хисеплӗ ҫын пулнӑ. Вӑл хӑйӗн халӑхне, хӑйӗн тӑванӗсене, лайӑх пултӑр тесе, вӗсен килес ӑрӑвӗсен мир пултӑр тесе тӑрӑшнӑ.