Tuiphumna ii A Khiatna Theitel In

1. Tuiphumna in a thupi Lai Siangtho thuhilhna a hih lam koi bangin kithei a hiam?

လူသစ်​တစ်ယောက် နှစ်ခြင်း​ခံတဲ့​အခါ ကျွန်တော်တို့ သိပ်ပျော်​ကြတယ်။ ခရစ်ယာန်​အသင်းတော်ရဲ့ ပထမ​ဦးဆုံး အစည်း​အဝေး​မှာလည်း အဲဒီလို ပျော်ရွှင်​ခဲ့ကြ​မှာပဲ။ အဲဒီနေ့​မှာ​ပေးတဲ့ တမန်တော်​ပေတရုရဲ့ ဟောပြော​ချက်​ထဲမှာ နှစ်ခြင်း​ခံဖို့ အရေးကြီး​ကြောင်းလည်း ပါတယ်။ ပေတရုရဲ့ ဟောပြော​ချက်ကို လူတွေ နားထောင်​ပြီးနောက် နှစ်ခြင်းခံ​ကြတယ်။ (တ. ၂:၃၈၊ ၄၀၊ ၄၁) နောက်ပိုင်းမှာ တမန်တော်​ပေါလုက “ခရစ်တော်​နဲ့​ဆိုင်တဲ့ အခြေခံ​အယူ​ဝါဒတွေ” ထဲမှာ နှစ်ခြင်း​ခံခြင်း​ကို ထည့်သွင်း​ဖော်ပြ​ထားတယ်။ (ဟီ. ၆:၁၊ ၂) နှစ်ခြင်း​ဆိုတာ အခြေခံ ကျမ်းစာ​သွန်သင်ချက်​ဖြစ်တဲ့​အတွက် ကောင်းကောင်း​နားလည်​သဘော​ပေါက်ဖို့ လိုတယ်။

2. Tuiphumna tawh kisai limtakin i tel ding bang hang kisam a hiam?

^၂ အဆောက်အဦ​တစ်ခု ခိုင်ခံ့ဖို့​ဆိုတာ အခြေခံ​အုတ်မြစ်ပေါ် အများကြီး​မူတည်​သလို လူတစ်ယောက် ယုံကြည်ခြင်း ခိုင်ခံ့ဖို့​ဆိုရင် နှစ်ခြင်း​အကြောင်း အသေ​အချာ နားလည်ဖို့​လိုတယ်။ နှစ်ခြင်း​ခံဖို့ ပြင်ဆင်​နေသူ​တွေရော နှစ်ခြင်း​ခံတာ ကြာပြီ​ဖြစ်သူ​တွေပါ နှစ်ခြင်းရဲ့​အရေး​ကြီးမှုကို သိထား​ရမယ်။ နှစ်ခြင်း​ဆိုတာ ဘာလဲ။ ခရစ်ယာန်​တွေ ဘယ်လို နှစ်ခြင်း​ခံကြ​သလဲ။ အဖ​ဘုရားရဲ့ နာမည်၊ သားတော်ရဲ့ နာမည်၊ သန့်ရှင်းသော စွမ်းအားတော်ရဲ့ နာမည်နဲ့ ဘာကြောင့် နှစ်ခြင်းခံ​သလဲ ဆိုတဲ့ မေးခွန်း​သုံးခုကို ဒီဆောင်းပါးမှာ ဆွေးနွေး​သွား​ပါမယ်။

TUIPHUMNA II A KHIATNA

3. Tui kiphumna in bang hong lak a hiam?

^၃ လူအများရှေ့ နှစ်ခြင်း​ခံတာက ဘာကို ဖော်ပြရာ​ရောက်​သလဲ။ သင်ဟာ ယေဟောဝါ​ဘုရား၊ ယေရှု​ခရစ်နဲ့​ပတ်သက်တဲ့ ကျမ်းစာ​သွန်သင်​ချက်ကို အပြည့်​အဝ ယုံကြည်​တယ်။ လုပ်မိ​ခဲ့တဲ့ အပြစ်တွေ​အတွက် နောင်တ​ရတယ်။ ယေဟောဝါ​ကို ဝတ်ပြုဖို့ ဘဝ​အသက်တာကို ပြုပြင်​ပြောင်းလဲ​တယ်။ ယေရှု​အားဖြင့်ပဲ အပြစ်နဲ့ သေခြင်း​ကနေ လွတ်မြောက်​နိုင်တယ်​ဆိုတာ အသိ​အမှတ်​ပြုတယ်။ ဘုရား​အသုံး​ပြု​နေတဲ့ အဖွဲ့​အစည်း​နဲ့အတူ အလို​တော်ကို ဆောင်ရွက်​သွားမယ်လို့ ဆုတောင်း​ကတိ​ပြု​ပြီးကြောင်း ဖော်ပြရာ​ရောက်တယ်။ ဆက်ကပ်​အပ်နှံပြီး နှစ်ခြင်း​ခံလိုက်​တာဟာ ထာဝရ​အသက်​လမ်းပေါ် စလျှောက်ပြီ​ဆိုတဲ့ အဓိပ္ပာယ်​ပါပဲ။

4. Tui sungah pumpi bupin kiphum na, tui sung pan pusuakkik na-in bang a cihnopna hiam? (Lim zong en in.)

^၄ နှစ်ခြင်းခံချိန်မှာ ရေထဲ​စုံးစုံး​နှစ်​သွားပြီး ပြန်ပေါ်​လာတယ်။a ဒါက သင်္ဂြိုဟ်​ခံရပြီး ရှင်ပြန်​ထမြောက်​လာ​တာနဲ့​တူတယ်။ (ကောလောသဲ ၂:၁၂ နဲ့ နှိုင်းယှဉ်ပါ။) ရေထဲ​နှစ်​လိုက်​တာက အရင်​ဘဝ​လမ်းစဉ်​ဟောင်းကို စွန့်လွှတ်​လိုက်ပြီ​ဖြစ်ကြောင်း ဖော်ပြရာ​ရောက်ပြီး ရေထဲ​ကနေ ပြန်ပေါ်​လာ​တာက ဘုရား​အလိုတော်​နဲ့ညီတဲ့ ဘဝသစ်​စတော့မယ်​ဆိုတာ ဖော်ပြတယ်။

5. Tui kiphumna in Noah’ teembaw lam tawh koi bangin kigenteh thei a hiam? (1 Peter 3:18-21)

^၅ ၁ ပေတရု ၃:၁၈-၂၁ ကို​ဖတ်ပါ။ နှစ်ခြင်းခံ​တာကို နောဧ သင်္ဘော​ဆောက်တာနဲ့ နှိုင်းယှဉ်​နိုင်တယ်။ ယေဟောဝါ​အကြောင်း စလေ့လာ​တုန်းက နှစ်ခြင်း​ခံဖို့​ဆိုတာ သိပ်ခက်တယ်၊ လုပ်နိုင်မှာ​မဟုတ်ဘူး၊ နှစ်ခြင်း​ခံဖို့ လုပ်ရ​မှာတွေ သိပ်များ​တယ်လို့ ထင်ခဲ့မိ​နိုင်တယ်။ သင်္ဘော​ဆောက်တဲ့​အခါ နောဧ ခံစားရ​သလို သင်လည်း ခံစား​ရနိုင်​တယ်။ ဒါပေမဲ့ သင်္ဘော ဘယ်လို​ဆောက်ရမယ်​ဆိုတာ နောဧ​ကို ယေဟောဝါ အတိ​အကျ ညွှန်ကြား​တယ်။ ရေလွှမ်း​မိုး​ဘေး​ကနေ ကယ်တင်​ခံရဖို့​ဆိုရင် ညွှန်ကြား​ချက်ကို နောဧ တစ်သဝေ​မတိမ်း လိုက်နာဖို့​လိုတယ်။ နောဧ​ဟာ ယေဟောဝါ​ကို ယုံကြည်​တယ်၊ နာခံ​တယ်။ ဒါကြောင့် ယေဟောဝါ အကူ​အညီနဲ့ သင်္ဘော​ဆောက်​နိုင်​ခဲ့တယ်။ သင်လည်း နောဧ​လိုပဲ “ဘုရား​သခင် မိန့်မှာ​သမျှ​အတိုင်း” လုပ်ဆောင်​နိုင်မှာပါ။—က. ၆:၂၂။

6. Tuiphumna in koi bangin hong hon khiathei a hiam?

^၆ တမန်တော်​ပေတရု​က “ခင်ဗျားတို့ကို ကယ်တင်တဲ့​အရာဟာ နှစ်ခြင်းပဲ” လို့ ပြောတယ်။ (၁ ပေ. ၃:၂၁) ရေထဲ​စုံးစုံး​နှစ်ရုံနဲ့ ကယ်တင်ခြင်း​ရမှာ၊ အပြစ်​တွေကို ဆေးကြော​ခံရမှာ​တော့ မဟုတ်​ပါဘူး။ ယေရှုရဲ့​အသွေး တစ်ခု​တည်း​ကပဲ အပြစ်​တွေကို သန့်စင်​ပေး​နိုင်တာ။ (၁ ယော. ၁:၇) ဒါပေမဲ့ နှစ်ခြင်း​ခံဖို့ သိပ်​အရေး​ကြီးတယ်။ အကြောင်း​ကတော့ နှစ်ခြင်း​ခံဖို့ ယေဟောဝါ မိန့်မှာ​ထား​လို့ပဲ။ နှစ်ခြင်းခံ​တာဟာ “ကြည်လင်တဲ့ အမှား​အမှန်​သိစိတ်ကို ရဖို့ ဘုရား​သခင်ဆီ တောင်းခံတာ ဖြစ်တယ်။” ကျွန်တော်တို့ တောင်းခံတဲ့​အတိုင်း အပြစ်​တွေကို ယေဟောဝါ ခွင့်လွှတ်​ပေးမယ်။ ဒီလို​နည်းနဲ့ “ခင်ဗျား​တို့ကို ကယ်တင်တဲ့​အရာဟာ နှစ်ခြင်းပဲ” လို့ ဆိုနိုင်​တာပါ။

TUI KIPHUM DAN

7. Koi bang danin tui kiphum ding a hiam?

^၇ နှစ်ခြင်းခံတဲ့အခါ ရေ​ထဲ စုံးစုံးနှစ်ဖို့​လိုတယ် ဆိုတာက​လွဲပြီး တခြား​အသေးစိတ်​အချက်​အလက်တွေ ကျမ်းစာမှာ မဖော်ပြ​ထားဘူး။ ဒါပေမဲ့ နှစ်ခြင်းခံ​ချိန်မှာ လုပ်သင့်တာ၊ မလုပ်သင့်​တာကို ဆုံးဖြတ်​နိုင်ဖို့ ကျမ်းစာက ကူညီ​ပေးတယ်။ ဥပမာ၊ နှစ်ခြင်း​ခံမယ့်​သူတွေ ဘယ်လို​ဝတ်စား​ဆင်ယင်​သင့်တယ်၊ နှစ်ခြင်းခံ​ချိန်မှာ တခြား​သူတွေ ဘယ်လို​ပြုမူ​သင့်တယ်​ဆိုတာကို ကျမ်းစာ​မူတွေ​အရ သိနိုင်တယ်။ (၁ ကော. ၁၄:၄၀။ ၁ တိ. ၂:၉) ဒီနေ့​အချိန်မှာ နှစ်ခြင်း​ပေးတဲ့​သူဟာ အကြီး​အကဲ​တစ်ယောက် ဖြစ်လေ့​ရှိပေမဲ့ နှစ်ခြင်း​ပေးတဲ့​သူကို အဓိက အာရုံ​မစိုက်​ကြဘူး။ (၁ ကော. ၁:၁၄၊ ၁၅) နှစ်ခြင်းခံ​ချိန်မှာ ပရိသတ် နည်းတာ၊ များတာ​ကလည်း အရေး​ကြီးတဲ့​ကိစ္စ​တော့ မဟုတ်ဘူး။—တ. ၈:၃၆။

8. Tui kiphum dingte bang thudawt nate kidong a hiam? Bang hang hiam? (Sawltak 2:38-42) (Lim zong en in.)

^၈ ကျွန်တော်တို့ရဲ့ ယုံကြည်ခြင်းကို “လူသိ​ရှင်ကြား ကြေညာ” တဲ့​အကြောင်း ကျမ်းစာမှာ ဖော်ပြ​ထားတယ်။ (ရော. ၁၀:၉၊ ၁၀) ဟောပြောခြင်း​လုပ်ငန်း​လောက်​မှာသာ​မဟုတ်ဘဲ နှစ်ခြင်းခံ​ချိန်​မှာလည်း ကျွန်တော်​တို့ရဲ့ ယုံကြည်​ခြင်းကို လူသိ​ရှင်ကြား ကြေညာ​ကြတယ်။ ဒါကြောင့် နှစ်ခြင်း​ခံမယ့်​သူတွေ​ကို မေးခွန်း​နှစ်ခု မေးတယ်။ “ယေရှု​ခရစ်​ကတစ်ဆင့် ဘုရား​သခင် ပြင်ဆင်​ပေးတဲ့ ကယ်တင်ခြင်း​နည်းလမ်း​ကို လက်ခံပြီး သင့်ရဲ့​အပြစ်​တွေကို နောင်တ​ယူကာ သင့်​ကိုယ်ကိုယ် ယေဟောဝါ​ဆီ ဆက်ကပ်​အပ်နှံ​ပြီးပြီ​လား။” “သင့်ရဲ့ နှစ်ခြင်း​ဟာ ယေဟောဝါရဲ့ အဖွဲ့​အစည်းနဲ့ ပူးပေါင်း​နေတဲ့ ယေဟောဝါ​သက်သေ​တစ်ဦး​အဖြစ် သင့်ကို သတ်မှတ်​ဖော်ပြ​ကြောင်း နားလည်​သဘောပေါက်​ပါသလား။” ပထမ​မေးခွန်းက နှစ်ခြင်း​ခံဖို့ ဘာတွေ ပြုပြင်​ပြောင်းလဲခဲ့​ရတယ်​ဆိုတာ ဖော်ပြ​တယ်။ ပင်တေ​ကုတ္တေ​ပွဲနေ့က ပေတရု​ပြောတဲ့ စကားနဲ့ ဆင်တူ​ပါတယ်။ ဒုတိယ​မေးခွန်း​က ပထမ​ရာစုက ခရစ်ယာန်​တွေ​လိုပဲ နှစ်ခြင်း​ခံမယ့်​သူဟာ ယေဟောဝါ​အဖွဲ့​အစည်းရဲ့ လမ်းညွှန်​ချက်ကို လိုက်လျှောက်​မယ်၊ ညီအစ်ကို/မ​တွေနဲ့​အတူ ယေဟောဝါကို ဝတ်ပြု​သွားမယ်လို့ ကတိပြု​ထားတယ်​ဆိုတာ သိစေတယ်။ (တမန်တော် ၂:၃၈-၄၂ ကို ဖတ်ပါ။) ဒီမေးခွန်း​နှစ်ခု​စလုံး​ကို အခိုင်​အမာ ဖြေကြား​တာက နှစ်ခြင်း​ခံဖို့ အရည်​အချင်း​ပြည့်မီတယ်​ဆိုတာ ဖော်ပြတယ်။

9. I vekpi-in Pasian maipha i ngah nading bang teng sepding kisam a hiam?

^၉ သင်ဟာ ကျမ်းစာ​မလေ့လာခင်​ကတည်းက ကြီးလေးတဲ့​အပြစ်တွေ မလုပ်ဘဲ ဘဝကို လူကောင်း​တစ်ယောက်​အနေနဲ့ နေထိုင်​ခဲ့တာ ဖြစ်မယ်။ ဒါမှမဟုတ် ဘုရားကို​ချစ်တဲ့ မိဘ​တွေရဲ့ သွန်သင်​မှု​အောက်မှာ ကြီးပြင်း​လာတာ ဖြစ်နိုင်တယ်။ ဒါဆိုရင် နောင်တ​ယူစရာ လိုသေးလား။ လိုပါတယ်။ ဘယ်လို​နောက်ခံပဲ​ရှိပါစေ မွေးကတည်းက အပြစ်​ပါလာတဲ့​အတွက် ဘုရားနဲ့​ကင်းကွာ​နေလို့ပါ။ (ဆာ. ၅၁:၅) ဒါပေမဲ့ ယေဟောဝါ​အကြောင်း ပိုသိ​လာတဲ့​အခါ ဘုရား​အလိုတော်နဲ့​အညီ အသက်​ရှင်ချင်​လာတယ်။ အပြစ်တွေ​အတွက် နောင်တ​ရပြီး ဘဝ​လမ်းစဉ်​ဟောင်းကို ပြုပြင်​ပြောင်းလဲတယ်၊ ဘုရား​နှစ်သက်တဲ့ ဘဝ​လမ်းစဉ်​အတိုင်း နေထိုင်ဖို့ ကြိုးစားတယ်။ ဒါက နှစ်ခြင်း​ခံဖို့ အရည်​အချင်း ပြည့်မီ​သွား​စေတယ်။—တ. ၃:၁၉။

10. Biakna dangah tui kiphum khin i hi zongin bang i hih ding kisam a hiam?

^၁၀ တခြား​ဘာသာ​မှာ နှစ်ခြင်းခံ​ထားပြီးသား​ဆိုရင်တောင် ယေဟောဝါ​သက်သေ​တစ်ယောက်​အနေနဲ့ နှစ်ခြင်း​ခံဖို့ လိုတယ်။ ဘာကြောင့်လဲ။ ယေဟောဝါ​ဘုရားနဲ့ ယေရှု​အကြောင်း ကောင်းကောင်း​မသိဘဲ နှစ်ခြင်းခံခဲ့​လို့ပါ။ ဘုရား​သခင်ဆီ ကိုယ့်ကိုယ်ကိုယ် ဆုတောင်း အပ်နှံပြီးသား​ဖြစ်ရင်ကော။ ဘုရား​အလိုတော်ကို အပြည့်​အဝ နားမလည်ဘဲ အပ်နှံခဲ့တာ​ဖြစ်လို့ ပြန်ပြီး ဆက်ကပ်​အပ်နှံဖို့ လိုတယ်။ ဧဖက်​မြို့မှာ ပေါလုနဲ့ ဆုံတဲ့ တပည့်​တချို့က နှစ်ခြင်း​ခံပြီးသား​သူတွေ​ဖြစ်တယ်။ သူတို့​တွေဟာ ခရစ်ယာန်​သွန်သင်​ချက်တွေ​အကြောင်း နားမလည်ဘဲ နှစ်ခြင်းခံခဲ့​ကြတာ။ ဒါကြောင့် သူတို့ ထပ်နှစ်ခြင်းခံ​ကြတယ်။b (တ. ၁၉:၁-၅) ဒီနေ့လည်း အလားတူ​ပါပဲ။ ဘုရား​အကြောင်း မှန်မှန်​ကန်ကန် နားလည်ပြီး နှစ်ခြင်း​ခံတာကိုပဲ ဘုရား​နှစ်သက်တယ်။

“PA MIN, TAPA MIN LE KHA SIANGTHO MIN TAWH TUI SUNGAH NA PHUM UN”

11. “Pa min,Tapa min le Kha Siangtho min tawh” tui kiphum cihin bang a cihnopna hiam? (Matthai 28:18-20)

^၁၁ ယေရှုက တပည့်သစ်​တွေကို “အဖ​ဘုရားရဲ့ နာမည်၊ သားတော်ရဲ့ နာမည်၊ သန့်ရှင်းသော စွမ်းအားတော်ရဲ့ နာမည်နဲ့” နှစ်ခြင်းခံပါ​လို့ မိန့်မှာ​ခဲ့တယ်။ (မဿဲ ၂၈:၁၈-၂၀ ကို ဖတ်ပါ။) ဘာကို​ဆိုလို​သလဲ။ ကျမ်းစာမှာ “နာမည်” ဆိုတဲ့ စကားလုံးဟာ တစ်ယောက်​ယောက်ရဲ့ ဂုဏ်သတင်းကို ရည်ညွှန်းလေ့​ရှိတယ်။ အဲဒီသူရဲ့ ရာထူး၊ အခွင့်​အာဏာ​ကိုလည်း ရည်ညွှန်း​နိုင်တယ်။ ဒါကြောင့် ကျွန်တော်​တို့က တစ်ယောက်​ယောက်ရဲ့​နာမည်နဲ့ တစ်ခုခု​လုပ်တော့​မယ်​ဆိုရင် အဲဒီ​သူရဲ့ အခွင့်​အာဏာ​ကိုလည်း အသိ​အမှတ်ပြု လက်ခံရာ​ရောက်တယ်။ (မဿဲ ၁၀:၄၁ နဲ့ နှိုင်းယှဉ်ပါ။) ဒါကြောင့် အဖ​ဘုရားရဲ့​နာမည်၊ သားတော်ရဲ့​နာမည်နဲ့ နှစ်ခြင်းခံ​တာက ယေဟောဝါနဲ့ သားတော်ရဲ့ အနေ​အထား၊ အခွင့်​အာဏာကို အသိ​အမှတ်​ပြုရာ​ရောက်တယ်။ သန့်ရှင်းသော​စွမ်းအားတော်ရဲ့ နာမည်နဲ့ နှစ်ခြင်းခံ​တာ​ကလည်း စွမ်းအားတော်ရဲ့ လမ်းညွှန်မှုနဲ့​အညီ အသက်​ရှင်မယ်လို့ ကတိပြုရာ​ကျတယ်။ ဒီအကြောင်း အသေးစိတ် ဆက်ဆွေးနွေး​ကြည့်​ရအောင်။

12. Pa min tawh tui kiphum cihin bang a cihnopna hiam? (Maangmuhna 4:11) (Lim zong en in.)

^၁၂ အဖ​ဘုရားရဲ့ နာမည်နဲ့ နှစ်ခြင်းခံတယ်​ဆိုတာ ဘာလဲ။ ယေဟောဝါကို ကောင်းကင်​ဘုံစံ​အဖ၊ အသက်​ပေးရှင်၊ အနန္တ​တန်ခိုးရှင်၊ အရာ​ခပ်သိမ်းကို ဖန်ဆင်းတဲ့​အရှင်​အဖြစ် ကျွန်တော်တို့ အသိ​အမှတ်​ပြု​တာကို ဆိုလို​တယ်။ (ဗျာဒိတ် ၄:၁၁ ကို ဖတ်ပါ။) အဲဒီ​အပြင် ယေဟောဝါဟာ ဆုတောင်း​သံကို နားထောင်တဲ့​အရှင်​ဖြစ်လို့ ဘုရား​နာမည်​သုံးပြီး ကျွန်တော်တို့ ဆုတောင်း​ကြတယ်။ ကိုယ်တော့်​အကြောင်း တခြား​သူတွေကို ပြောပြ​ကြတယ်။ (ဆာ. ၆၅:၂) အဲဒီလို အသိ​အမှတ်​ပြုရုံနဲ့ လုံလောက်​ပြီလား။ မလုံလောက်​ပါဘူး။ ပင်တေ​ကုတ္တေ​ပွဲနေ့မှာ ပေတရုရဲ့​စကားကို နားထောင်​နေသူ​တွေဟာ ယေဟောဝါ​အကြောင်း သိပြီးသားပါ။ ဒါပေမဲ့ ထာဝရ​အသက်​ကို ယေရှုက​တစ်ဆင့် ယေဟောဝါ​ပေးတယ်​ဆိုတာ အသိ​အမှတ်​ပြုဖို့ လိုတယ်။—ရော. ၅:၈။

13. Tapa min tawh tui kiphum cihin bang a cihnopna hiam? (Lim zong en in.)

^၁၃ သားတော်ရဲ့ နာမည်နဲ့ နှစ်ခြင်းခံတယ်​ဆိုတာ ဘာလဲ။ ယေရှုကို ဘုရား​သခင်ရဲ့ တစ်ဦး​တည်းသော သား​အဖြစ်၊ ဘုရားနဲ့​ရင်းနှီးတဲ့​ဆက်ဆံရေး ရစေတဲ့ “လမ်းခရီး” အဖြစ် အသိ​အမှတ်ပြု​တာကို ဆိုလိုတယ်။ (ယော. ၁၄:၆) အဲဒီ​အပြင် ယေရှုဟာ လူသားတွေ ထာဝရ​အသက်​ရဖို့ ရွေးဖိုး​ပေးသူလည်း ဖြစ်တယ်။ ဒါကို သိထား​တာက နှစ်ခြင်း​ခံချိန်​မှာသာ မဟုတ်ဘဲ ဘဝ​အသက်တာ​တစ်လျှောက်လုံး ယေရှုနောက်​လိုက်ဖို့ လှုံ့ဆော်​ပေးတယ်။ (၁ ယော. ၂:၆) ဒါကြောင့် ယေရှု​လိုပဲ အတား​အဆီးတွေ ရှိတဲ့​ကြားက ကျွန်တော်တို့ ထက်ထက်​သန်သန် ဟောပြော​ကြတယ်။ (လု. ၄:၄၃) ဘုရား​အမှုဆောင်လို့ ညှဉ်းပန်း​နှိပ်စက်​ခံရ​ရင်တောင် လိုလို​လားလား ခံရပ်​ကြတယ်။ (၂ တိ. ၃:၁၂) “အသင်းတော်ရဲ့ ဦးခေါင်း” ယေရှုကို လေးစားတဲ့​အတွက် နောက်လိုက်​တွေကို ဦးဆောင်ဖို့ ယေရှု​ခန့်အပ်​ထားသူ​တွေကို ကျွန်တော်တို့ နာခံ​ကြတယ်။—ဧ. ၄:၈၊ ၁၁၊ ၁၂။ ၅:၂၃။

14. (a) Kha Siangtho min tawh tui kiphum cihin bang a cihnopna hiam? (Lim zong en in.) (b) Sathaunilhte in a dang bang tui kiphumna nei uh a hiam? (“Sathaunilhte ii tui kiphum dante.” cih kiuli bawm sung en in.)

^၁၄ သန့်ရှင်းသော စွမ်းအားတော်ရဲ့ နာမည်နဲ့ နှစ်ခြင်း​ခံတယ်​ဆိုတာ ဘာလဲ။ သန့်ရှင်းသော စွမ်းအားတော်​နဲ့ပတ်သက်ပြီး ကျမ်းစာ ပြောတဲ့​အတိုင်း လက်ခံ​တာကို ဆိုလိုတယ်။ သန့်ရှင်းသော စွမ်းအားတော်​ဆိုတာ သုံးပါးပေါင်း​တစ်ဆူ​အဝင် ဘုရား​တစ်ပါး မဟုတ်ဘဲ ယေဟောဝါရဲ့ တန်ခိုး​ဖြစ်တယ်။ ယေဟောဝါက စွမ်းအား​တော်ကို သုံးပြီး ပရောဖက်တွေ၊ ကျမ်းရေး​သူတွေကို လမ်းညွှန်​တယ်။ ဒါကြောင့် ကျမ်းစာ​ပုံမှန်​ဖတ်ပြီး ကျမ်းစာ​လမ်းညွှန်ချက်​အတိုင်း ကျွန်တော်တို့ လိုက်နာ​ကြတယ်။ (၂ ပေ. ၁:၂၀၊ ၂၁) ကြီးလေးတဲ့​အပြစ် မလုပ်​မိအောင်လည်း ရှောင်ကြ​တယ်။ ကိုယ့်အပေါ်၊ အသင်းတော်​အပေါ် စွမ်းအားတော်​စီးဆင်းမှုကို အတား​အဆီး ဖြစ်စေ​လို့ပါ။—ဧ. ၄:၃၀။

15. Bang hih dingin khensat na hiam?

^၁၅ သင်ဟာ နှစ်ခြင်းခံ​ပြီးသား ခရစ်ယာန်​တစ်ယောက်​ဖြစ်မယ်​ဆိုရင် နှစ်ခြင်းရဲ့ အရေးကြီးမှုကို အမြဲ သတိရ​နေပါ။c ကိုယ့်ရဲ့ ဆက်ကပ်​အပ်နှံခြင်း၊ နှစ်ခြင်းနဲ့​အညီ ဆက်အသက်ရှင်​နေထိုင်ဖို့ စိတ်ပိုင်းဖြတ်​ထားပါ။ ဒါပေမဲ့ သင် နှစ်ခြင်း မခံရ​သေးဘူး​ဆိုရင်ကော။ နှစ်ခြင်း​ခံဖို့ ဘာက ဟန့်တား​နေသလဲ။ နှစ်ခြင်း​ခံဖို့ အဟန့်​အတား​ဖြစ်စေတဲ့ အကြောင်းရင်း​တွေကို နောက်ဆောင်းပါးမှာ ဆွေးနွေး​သွားပါမယ်။