Khangno Unaupate Aw—A Picing Khristian Unaupa Na Suah Nadingun Hanciam Un

1. Pasal hihna a kilangsak dingin bang sep ding kisam a hiam?

“ယောက်ျား​ပီ​ပီ သတ္တိ​ရှိပါ” လို့ ရှောလမုန်ကို ဘုရင် ဒါဝိဒ် ပြောတယ်။ (၁ ဘု. ၂:၁-၃) ဒီ​စကားဟာ ခရစ်ယာန် အမျိုးသား​အားလုံးနဲ့ ဆိုင်​တယ်။ ယောကျ်ား​ပီသ​ဖို့​ဆိုရင် ဘဝ​ကဏ္ဍတိုင်းမှာ ဘုရား​ပညတ် နာခံ​သူ၊ ကျမ်းစာ အခြေခံ​မူတွေ လက်တွေ့​ကျင့်​သူ ဖြစ်ရမယ်။ (လု. ၂:၅၂) ညီအစ်ကို​လေး​တွေ ရင့်ကျက်​လာဖို့ ဘာကြောင့် အရေးကြီးသလဲ။

2-3. Khangno unaupate hong picin ding uh bang hangin thupi a hiam?

^၂ ညီအစ်ကိုတွေဟာ မိသားစု၊ အသင်းတော်မှာ အရေးကြီး တာဝန် အများကြီး ရှိတယ်။ အနာဂတ်မှာ ရလာနိုင်တဲ့ တာဝန်တွေ​အကြောင်း ညီအစ်ကို​လေး​တွေ စဉ်းစားမိ​မှာ​ပဲ။ အချိန်ပြည့် အမှုထမ်း၊ အသင်းတော် အမှုထမ်း၊ အကြီးအကဲ ဖြစ်ဖို့ ပန်းတိုင်​ထားနိုင်တယ်။ အိမ်ထောင်ပြုဖို့၊ သားသမီး ယူဖို့ စိတ်ကူး​နိုင်တယ်။ (ဧ. ၆:၄။ ၁ တိ. ၃:၁) ရင့်ကျက်တဲ့ ခရစ်ယာန် ဖြစ်မှ ပန်းတိုင် ရောက်မယ်။ အောင်မြင်နိုင်မယ်။b

^၃ ရင့်ကျက်တဲ့ ခရစ်ယာန် ဖြစ်လာဖို့ ဘာက ကူညီပေးမလဲ။ သင်​ထား​ရမှာ၊ တတ်​ထား​ရမှာ အများကြီး ရှိတယ်။ အနာဂတ်မှာ ရလာနိုင်တဲ့ တာဝန်တွေအတွက် အခုကတည်းက ဘယ်လို ပြင်ဆင်​နိုင်​မလဲ။

A PICING KHRISTIAN A SUAKSAK DING KALSUANTE

4. A etteh huai mite koi-ah mu thei na hiam? (Lim zong en in.)

^၄ ဘယ်သူ့ကို စံထား​မလဲ ရွေးပါ။ လူငယ်တွေ စံ​ထားနိုင်တဲ့ စံနမူနာရှင် အများကြီး ကျမ်းစာမှာ ပါတယ်။ အဲဒီ​စံနမူနာရှင်တွေ​ဟာ ဘုရားကို ချစ်ကြတယ်။ ဘုရား​လူမျိုး အကျိုးအတွက် တာဝန်​အမျိုးမျိုး ထမ်းဆောင်ကြတယ်။ မိသားစု၊ အသင်းတော်မှာလည်း စံထား​ထိုက်တဲ့ ရင့်ကျက်တဲ့ ညီအစ်ကိုတွေ တွေ့နိုင်တယ်။ (ဟီ. ၁၃:၇) အကောင်းဆုံး စံနမူနာရှင်​ကတော့ ယေရှုခရစ်ပါ။ (၁ ပေ. ၂:၂၁) သူတို့ရဲ့ စံနမူနာကို လေ့လာတဲ့အခါ သဘော​ကျ​မိ​တဲ့ အရည်အသွေးတွေ မှတ်သားပါ။ (ဟီ. ၁၂:၁၊ ၂) ဘယ်လို အတုယူမလဲ စဉ်းစားပါ။

5. Thungaihsut theihna neih nadingin koi banga sep ding kisam a hiam? Tua pen bang hangin thupi a hiam? (Late 119:9)

^၅ “စဉ်းစား​ဆင်ခြင်​နိုင်စွမ်း” ရှိအောင် လုပ်ပါ။ “ကာကွယ်​စောင့်ရှောက်ပါ။” (ပညာ. ၃:၂၁) စဉ်းစား​ဆင်ခြင်​နိုင်စွမ်း ရှိရင် တစ်ခုခု မလုပ်ခင် ချိန်ဆ​တတ်လာမယ်။ ဒါကြောင့် စဉ်းစား​ဆင်ခြင်​နိုင်စွမ်း ရှိဖို့ ကြိုးစားပါ။ ပျောက်​မသွားဖို့ ကာကွယ်​စောင့်ရှောက်ပါ။ ဘာကြောင့်လဲ။ ကိုယ့်​အမြင်၊ ခံစားချက်ကို အခြေခံပြီး ဆုံးဖြတ်တဲ့ လူငယ်တွေ လောက​မှာ ပြည့်နေလို့ပဲ။ (ပညာ. ၇:၇။ ၂၉:၁၁) လူမှု​ မီဒီယာ​ကလည်း အများကြီး ဩဇာလွှမ်းမိုး​နိုင်တယ်။ ဒါဆိုရင် စဉ်းစား​ဆင်ခြင်​နိုင်စွမ်း ရှိအောင် ဘယ်လို လုပ်ရမလဲ။ ကျမ်းစာ အခြေခံ​မူတွေ လေ့လာ​ပါ။ အဲဒီ​မူတွေ ဘာကြောင့် အကျိုး​ရှိသလဲ စဉ်းစားပါ။ အဲဒီ​မူတွေကို အခြေခံပြီး ယေဟောဝါ စိတ်​ရွှင်လန်း​မယ့် ဆုံးဖြတ်ချက်တွေ ချပါ။ (ဆာလံ ၁၁၉:၉ ကို ဖတ်ပါ။) စဉ်းစား​ဆင်ခြင်​နိုင်စွမ်း ရှိအောင် လုပ်တာဟာ ရင့်ကျက်တဲ့ ခရစ်ယာန် ဖြစ်စေမယ့် အရေးကြီး ခြေလှမ်း လှမ်း​လိုက်တာပဲ။ (ပညာ. ၂:၁၁၊ ၁၂။ ဟီ. ၅:၁၄) (၁) ညီအစ်မတွေနဲ့ ဆက်ဆံပုံ၊ (၂) ဝတ်စား​ဖြီးလိမ်းပုံ​ဆိုတဲ့ ကဏ္ဍ​နှစ်ခုမှာ စဉ်းစား​ဆင်ခြင်​နိုင်စွမ်း ဘယ်လို အကျိုးပြုသလဲ သုံးသပ်ကြည့်​ရအောင်။

6. Khangno unaupa te’n unaunute tungah zahtakna a lah nadingun thungaihsut theihna in koici huh a hiam?

^၆ အမျိုးသမီးတွေကို လေးစားဖို့ စဉ်းစား​ဆင်ခြင်​နိုင်စွမ်း​က ကူညီပေးတယ်။ ညီအစ်မ​တစ်ယောက်ကို လူငယ် ညီအစ်ကို​တစ်ယောက် စိတ်ဝင်စားတာ သဘာဝ​ပဲ။ မမှားဘူး။ ဒါပေမဲ့ စဉ်းစား​ဆင်ခြင်​နိုင်စွမ်း ရှိတဲ့ ညီအစ်ကိုဟာ လက်ထပ်​ဖို့ မရည်ရွယ်​ရင် စိတ်ဝင်စား​နေတယ်လို့ တစ်ဖက် ညီအစ်မ ထင်​သွား​အောင် ပြော​မှာ၊ ရေး​မှာ၊ ပြုမူ​မှာ မဟုတ်ဘူး။ (၁ တိ. ၅:၁၊ ၂) တွဲ​ပြီ​ဆိုရင်လည်း အဖော်တစ်ယောက်ယောက် မပါဘဲ ချိန်းတွေ့​မှာ မဟုတ်ဘူး။ ဒါ ညီအစ်မရဲ့ နာမည်ကောင်း​ကို ထိန်းသိမ်း​ပေးနေတာပဲ။—၁ ကော. ၆:၁၈။

7. Khangno unaupa te’n nikten, puansilh a teel ciangun a thungaihsut theihna un koici huh a hiam?

^၇ စဉ်းစား​ဆင်ခြင်​နိုင်စွမ်း ရှိကြောင်း ပြနိုင်တဲ့ နောက်​ကဏ္ဍကတော့ ဝတ်စား​ဖြီးလိမ်းပုံ​ပါ။ ဖက်ရှင်​လောကကို ဦးဆောင်နေသူ အများစုဟာ ယေဟောဝါကို မလေးစား​သူ​တွေ၊ အကျင့်ပျက် လမ်းစဉ် လိုက်သူတွေ။ ဒါကြောင့် သူတို့ ထွင်လိုက်တဲ့ အဝတ်အစားတွေ​ဟာ ကျပ်ထုပ်လွန်းတာ၊ အမျိုးသားတွေကို အမျိုးသမီး​ပုံစံ ပေါက်​သွား​စေ​တာ​မျိုး ဖြစ်နိုင်တယ်။ ရင့်ကျက်ဖို့ ကြိုးစား​နေတဲ့ ညီအစ်ကို​လေး​တွေ​ဟာ အဝတ်အစား ရွေးတဲ့အခါ ကျမ်းစာ အခြေခံ​မူတွေ ထည့်စဉ်းစား​မှာ၊ အသင်းတော်က စံနမူနာကောင်း​သူတွေကို အတုယူ​မှာ ဖြစ်တယ်။ ‘ချင့်ချိန်​တတ်တယ်၊ တခြားသူတွေကို လေးစားတယ်ဆိုတာ ငါ့​ရွေးချယ်မှု​တွေ​မှာ ပေါ်​ရဲ့​လား။ ငါ့​ဝတ်စားပုံကို ကြည့်ပြီး ဘုရား​အမှုဆောင်​သူပါ​ဆိုတာ တခြားသူတွေ အလွယ်တကူ သိပါ့မလား’ လို့ စဉ်းစားနိုင်တယ်။ (၁ ကော. ၁၀:၃၁-၃၃။ တိ. ၂:၆) စဉ်းစား​ဆင်ခြင်​နိုင်စွမ်း ရှိတဲ့ ညီအစ်ကို​လေး​တွေ​ကို ညီအစ်ကို/မတွေ​ကော ကောင်းကင်ဘုံစံ ဖခင်​ပါ တန်ဖိုးထား​လေးစားတယ်။

8. Khangno unaupate koi bang danin a muanhuai mi hithei uh a hiam?

^၈ ယုံကြည်​စိတ်ချထိုက်သူ ဖြစ်ပါ။ ယုံကြည်​စိတ်ချထိုက်သူဟာ ဘာ​တာဝန်​ပဲ ရ​ရ ကြိုးစားပမ်းစား လုပ်တယ်။ (လု. ၁၆:၁၀) ယေရှုအကြောင်း စဉ်းစားကြည့်ပါ။ ဘာကိုမှ ပေါ့ပေါ့ဆဆ၊ တာဝန်​မဲ့ မလုပ်ဘူး။ ခက်ရင်တောင် ဘုရားပေး တာဝန်​မှန်သမျှ ကျေပွန်​တယ်။ လူတွေကို၊ အထူးသဖြင့် တပည့်တွေကို ချစ်လို့ လိုလိုလားလား အသက်စွန့်​တယ်။ (ယော. ၁၃:၁) ယေရှုကို အတုယူပြီး ဘာ​တာဝန်​ပဲ ရ​ရ ကြိုးစားပမ်းစား လုပ်ပါ။ ဘယ်လို လုပ်ရမလဲ မသိရင် ရင့်ကျက်တဲ့ ညီအစ်ကိုတွေ​ဆီ နှိမ့်ချမှုရှိရှိ အကူအညီ တောင်းပါ။ မခိုကပ်ပါနဲ့။ (ရော. ၁၂:၁၁) “လူတွေ​အတွက် မဟုတ်ဘဲ ယေဟောဝါ​အတွက် လုပ်နေတယ်လို့ သဘောထားပြီး” တာဝန် ကျေပွန်​ပါ။ (ကော. ၃:၂၃) မစုံလင်သူ ဖြစ်တာမို့ ကျိုးနွံမှု ရှိပါ။ အမှား လုပ်မိတဲ့အခါ ဝန်ခံ​ပါ။—ပညာ. ၁၁:၂။

A KIZANG THEI DING PILNA SIN UN

9. Khangno unaupa te’n a kizang thei ding pilna a sin ding uh bang hang kisam a hiam?

^၉ ရင့်ကျက်တဲ့ ခရစ်ယာန် ဖြစ်လာဖို့ လက်တွေ့ အသုံးချ​ပညာ တတ်​ထားရမယ်။ လက်တွေ့ အသုံးချ​ပညာ တတ်​ထား​ရင် အသင်းတော် တာဝန်တွေ ယူ​နိုင်မယ်။ ကိုယ့်​ဝမ်း​ကိုယ် ကျောင်း​နိုင်မယ်။ မိသားစုကို ရှာကျွေး​နိုင်မယ်။ တခြားသူတွေနဲ့ ပြေပြေပြစ်ပြစ် ဆက်ဆံ​တတ်​မယ်။ တတ်​ထားသင့်​တာ​တချို့ သုံးသပ်ကြည့်ပါ။

10-11. Khangno unaupa te’n limtakin lai at thei, sim thei uh leh amau le pawlpi in koi bang phattuamna ngah a hiam? (Late 1:1-3) (Lim zong en in.)

^၁၀ ကောင်းကောင်း ရေးတတ်၊ ဖတ်​တတ်​အောင် သင်​ပါ။ ပျော်ရွှင်​အောင်မြင်သူဟာ နေ့တိုင်း ကျမ်းစာ ဖတ်ရွတ်​ဆင်ခြင်​တယ်လို့ ကျမ်းစာမှာ ဆိုတယ်။ (ဆာလံ ၁:၁-၃ ကို ဖတ်ပါ။) နေ့တိုင်း ကျမ်းစာ ဖတ်​ရင် ယေဟောဝါရဲ့ စဉ်းစား​တွေးခေါ်ပုံ သိလာလို့ ကောင်းကောင်း ချင့်ချိန်​သုံးသပ်​တတ်လာမယ်။ (ပညာ. ၁:၃၊ ၄) အဲဒီလို ညီအစ်ကိုတွေ အသင်းတော်မှာ လိုတယ်။ ဘာကြောင့်လဲ။

^၁၁ ကျမ်းစာကို အခြေခံပြီး သွန်သင်၊ အကြံ​ပေးနိုင်တဲ့ ညီအစ်ကိုတွေကို ညီအစ်ကို/မတွေ အားကိုးကြတယ်။ (တိ. ၁:၉) ကောင်းကောင်း ရေးတတ်၊ ဖတ်​တတ်​ရင် မှတ်သားထိုက်တဲ့၊ ယုံကြည်ခြင်း ခိုင်ခံ့စေတဲ့ ဟောပြောချက်တွေ၊ မှတ်ချက်တွေ ပြင်ဆင်​နိုင်မယ်။ လေ့လာမှု လုပ်တဲ့အခါ၊ အသင်းတော် အစည်းအဝေး၊ စည်းဝေးပွဲ၊ အစည်းအဝေးကြီး တက်တဲ့အခါ မှတ်စု ယူ​နိုင်မယ်။ အဲဒီ​မှတ်စု​တွေ​က ကိုယ့်​ယုံကြည်ခြင်း ခိုင်ခံ့အောင် လုပ်ဖို့၊ တခြားသူတွေကို အားပေးဖို့ အထောက်အကူ ပြုတယ်။

12. Kizopna a hoih nadingin bang in hong huh ding a hiam?

^၁၂ ပြေပြေပြစ်ပြစ် ဆက်ဆံ​တတ်​အောင် သင်​ပါ။ ဆက်ဆံရေး ပြေပြစ်​သူဟာ တခြားသူတွေရဲ့ အတွေးအခေါ်၊ ခံစားချက်ကို နားထောင်ပေးတယ်။ နားလည်​ပေးတယ်။ (ပညာ. ၂၀:၅) လေသံ ဖမ်း​တတ်တယ်။ မျက်နှာရိပ် မျက်နှာ​ကဲ၊ လူရိပ် လူ​ကဲ ခတ်တတ်တယ်။ အဲဒီလို အကဲခတ်​တတ်​ဖို့​ဆိုရင် လူတွေနဲ့ များများ ပေါင်း​ပေးရမယ်။ အီးမေးလ်၊ စာတို ပို့ပြီး​ပဲ အမြဲ ဆက်သွယ်​နေ​ရင် လူမှု​ဆက်ဆံရေး ညံ့သွားမယ်။ ဒါကြောင့် လူ​ချင်း တွေ့ပြီး ပြောဆိုဖို့ အခွင့်အရေး ရှာပါ။—၂ ယော. ၁၂။

13. Khangno unaupa te’n adang bang a hanciam ding uh kisam lai a hiam? (1 Timoti 5:8) (Lim zong en in.)

^၁၃ ကိုယ့်​ခြေထောက်​ပေါ် ရပ်​နိုင်အောင် ကြိုးစားပါ။ ရင့်ကျက်တဲ့ အမျိုးသားတွေဟာ ကိုယ့်​ဝမ်း​ကိုယ် ကျောင်း​နိုင်​ရမယ်။ မိသားစုကို ရှာကျွေး​နိုင်​ရမယ်။ (၁ တိမောသေ ၅:၈ ကို ဖတ်ပါ။) နိုင်ငံ​တချို့​မှာ ဖခင် ဒါမှမဟုတ် ဆွေမျိုး​ဆီကနေ လူငယ်တွေ သက်​မွေး​ပညာ သင်​ကြတယ်။ နိုင်ငံ​တချို့မှာတော့ အထက်တန်း​ကျောင်းမှာ သင်ပေးတယ်။ ဘယ်ကနေ​ပဲ သင်​သင် ဝမ်းစာရှာ ပညာ​တစ်ခု တတ်​ထားတာ ကောင်းတယ်။ (တ. ၁၈:၂၊ ၃။ ၂၀:၃၄။ ဧ. ၄:၂၈) အလုပ်ကြိုးစားသူ၊ စပြီးရင် ဆုံးအောင် လုပ်နိုင်သူ​ဆိုတဲ့ နာမည်ကောင်း ရအောင် ကြိုးစားပါ။ ဒါဆိုရင် အလုပ် ရဖို့၊ အလုပ် မြဲ​ဖို့ လွယ်​မယ်။ ဆွေးနွေးခဲ့တဲ့ အရည်အသွေးတွေ၊ အတတ်ပညာ​တွေ​က အနာဂတ်မှာ ရလာနိုင်တဲ့ တာဝန်တွေအတွက် အသင့်​ဖြစ်စေတယ်။ တာဝန်​တချို့ သုံးသပ်ကြရအောင်။

MAILAMA TAVUANTE ADINGIN KIGINGKHOL UN

14. Hunbit a Pasian’ nasem mi ahih nadingun khangno unaupate koi bangin kigingkhol thei uh a hiam?

^၁၄ အချိန်ပြည့် အမှုထမ်း။ ရင့်ကျက်တဲ့ ညီအစ်ကို​များစွာဟာ ငယ်ငယ်ရွယ်ရွယ်နဲ့ အချိန်ပြည့်လုပ်ငန်း စ​ခဲ့​ကြ​တာ။ ရှေ့ဆောင် လုပ်တာက လူပေါင်းစုံနဲ့ ဆက်ဆံ​တတ်​ဖို့၊ ငွေကို ချိန်​သုံးတတ်ဖို့ ကူညီပေးတယ်။ (ဖိ. ၄:၁၁-၁၃) အရန်ရှေ့ဆောင် လုပ်တာက အချိန်ပြည့်လုပ်ငန်း စ​ဖို့ ခြေလှမ်း​ကောင်း​ပဲ။ တော်တော်​များများ​က အရန်ရှေ့ဆောင် လ​အတော်ကြာ လုပ်ကြတယ်။ အဆင်​သင့် ဖြစ်ပြီ​ဆိုရင် မှန်မှန်ရှေ့ဆောင် လုပ်ကြတယ်။ ရှေ့ဆောင် လုပ်ရင် ဆောက်လုပ်ရေး၊ ဗေသလ​စတဲ့ တခြား အချိန်ပြည့်လုပ်ငန်း တစ်မျိုးမျိုးမှာ ပါဝင်ဖို့ လမ်းပွင့်​လာနိုင်တယ်။

15-16. Pawlpi nasem le pawlpi upa a suah nadingun khangno unaupate koi bangin picing thei ding uh a hiam?

^၁၅ အသင်းတော် အမှုထမ်း၊ အကြီးအကဲ။ အကြီးအကဲအဖြစ် အမှုဆောင်နိုင်ဖို့ ညီအစ်ကိုတွေ ပန်းတိုင်​ထားသင့်​တယ်။ “ကြီးကြပ်မှူး ဖြစ်ဖို့ ကြိုးစား​တက်လှမ်း​နေ​သူဟာ မွန်မြတ်တဲ့ အလုပ်ကို လိုလား​တဲ့သူ” လို့ ကျမ်းစာ ဆိုတယ်။ (၁ တိ. ၃:၁) အကြီးအကဲ မဖြစ်ခင် အသင်းတော် အမှုထမ်းအဖြစ် အရည်အချင်း ပြည့်မီ​ရမယ်။ အသင်းတော် အမှုထမ်းတွေ​က အကြီးအကဲတွေကို နည်းအမျိုးမျိုးနဲ့ ထောက်မကြတယ်။ အကြီးအကဲ၊ အသင်းတော် အမှုထမ်းတွေဟာ နှိမ့်ချမှုရှိရှိ ညီအစ်ကို/မတွေ​အကျိုး သယ်ပိုး​ကြတယ်။ ဟောပြောခြင်း​လုပ်ငန်းမှာ တက်တက်ကြွကြွ ပါဝင်ကြတယ်။ ညီအစ်ကို​လေး​တွေ အသက် ၂၀ မပြည့်သေး​ရင်တောင် အသင်းတော် အမှုထမ်းအဖြစ် အရည်အချင်း ပြည့်မီနိုင်တယ်။ အရည်အချင်း ပြည့်မီတဲ့ အသင်းတော် အမှုထမ်းတွေဟာ အသက် ၂၀ စွန်းစွန်းမှာ အကြီးအကဲအဖြစ် ခန့်အပ်ခံ​ရနိုင်တယ်။

^၁၆ ဘယ်လိုနည်းနဲ့ အရည်အချင်း ပြည့်မီနိုင်​သလဲ။ တောင်းဆိုချက်​တချို့ ကျမ်းစာမှာ ဖော်ပြထားတယ်။ တောင်းဆိုချက်​အားလုံးဟာ ယေဟောဝါ၊ မိသားစု၊ အသင်းတော်ကို ချစ်တဲ့ မေတ္တာနဲ့ ကျမ်းစာကို အခြေခံတယ်​ဆိုတာ သတိရပါ။ (၁ တိ. ၃:၁-၁၃။ တိ. ၁:၆-၉။ ၁ ပေ. ၅:၂၊ ၃) တောင်းဆိုချက် တစ်ခုစီ​ကို သဘောပေါက်ဖို့ ကြိုးစားပါ။ ပြည့်မီဖို့ ယေဟောဝါဆီ အကူအညီ တောင်းပါ။c

17. Pasal le innkuan lutang tavuan adingin khangno unaupate koi bangin kigingkhol thei uh a hiam? (Lim zong en in.)

^၁၇ ခင်ပွန်း၊ အိမ်ထောင်ဦးစီး။ ယေရှု ပြောသလို​ပဲ ညီအစ်ကို​တချို့ အိမ်ထောင်​မပြုကြဘူး။ (မ. ၁၉:၁၂) အိမ်ထောင်​ပြုမယ်ဆိုရင် ခင်ပွန်း​တာဝန်၊ အိမ်ထောင်ဦးစီး​ တာဝန် ရှိလာမယ်။ (၁ ကော. ၁၁:၃) ဇနီးကို ချစ်ဖို့၊ ထောက်ပံ့ဖို့၊ အဖော်အဖက်​ကောင်း ဖြစ်ဖို့၊ ဘုရားနဲ့ ရင်းနှီးအောင် ကူညီပေးဖို့ ခင်ပွန်းတွေကို ယေဟောဝါ တောင်းဆိုတယ်။ (ဧ. ၅:၂၈၊ ၂၉) စဉ်းစား​ဆင်ခြင်​နိုင်စွမ်း ရှိခြင်း၊ အမျိုးသမီးတွေကို လေးစားခြင်း၊ ယုံကြည်​စိတ်ချထိုက်သူ ဖြစ်​ခြင်း​စတဲ့ ဒီဆောင်းပါးမှာ ဆွေးနွေးထားတဲ့ အရည်အသွေးတွေက ခင်ပွန်း​ကောင်း၊ အိမ်ထောင်ဦးစီး​ကောင်း ဖြစ်ဖို့ ကူညီပေးနိုင်တယ်။

18. Pa dinmun adingin khangno unaupate koi bangin kigingkhol thei uh a hiam?

^၁၈ ဖခင်။ အိမ်ထောင်ပြု​ပြီးရင် သားသမီး ရလာနိုင်တယ်။ ဖခင်ကောင်း ဖြစ်ဖို့ ယေဟောဝါဆီက ဘာသင်ယူနိုင်သလဲ။ သင်ယူစရာ အများကြီး ရှိတယ်။ (ဧ. ၆:၄) သား​ယေရှုကို ချစ်မြတ်နိုးတယ်လို့ ယေဟောဝါ ထုတ်ပြောတယ်။ (မ. ၃:၁၇) သင်လည်း ဖခင် ဖြစ်လာရင် သားသမီးတွေကို ချစ်ကြောင်း မကြာမကြာ ပြောပါ၊ ပြပါ။ ချီးမွမ်း​ပေးပါ။ ယေဟောဝါကို အတုယူ​တဲ့ ဖခင်တွေ​ဟာ သားသမီးတွေ ရင့်ကျက်တဲ့ အမျိုးသား/သမီး ဖြစ်လာဖို့ ကူညီပေးကြတယ်။ မိသားစု၊ အသင်းတော်မှာ ရှိသူတွေကို မေတ္တာ​ပြခြင်း၊ ဂရုစိုက်ခြင်း၊ ချစ်ခင်​တန်ဖိုးထားတယ်ဆိုတာ ထုတ်ပြောခြင်းအားဖြင့် ဖခင်ကောင်း ဖြစ်ဖို့ အခုကတည်းက ပြင်ဆင်​နိုင်တယ်။ (ယော. ၁၅:၉) ဒီလို ပြင်ဆင်​ထားတာက အနာဂတ်မှာ ခင်ပွန်း၊ ဖခင် ဖြစ်လာတဲ့အခါ တာဝန်​ကျေပွန်​ဖို့ ကူညီပေးမယ်။ လောလောဆယ်မှာ​လည်း ယေဟောဝါ၊ မိသားစု၊ အသင်းတော်အတွက် ကောင်းချီး​တစ်ရပ် ဖြစ်​နေမယ်။

TU’N BANG SEM DING NA HIAM?

19-20. A picing Khristian pasal a suah nadingun khangno unaupate bang in huh ding a hiam? (Laibu mai-a lim en in.)

^၁၉ လူငယ် ညီအစ်ကိုတို့၊ နေရင်း​ထိုင်ရင်း သင်တို့ ရင့်ကျက်လာမှာ မဟုတ်ဘူး။ ဘယ်သူ့ကို စံထား​မလဲ ရွေး​ရမယ်။ စဉ်းစား​ဆင်ခြင်​နိုင်စွမ်း ရှိရမယ်။ ယုံကြည်​စိတ်ချထိုက်သူ ဖြစ်ရမယ်။ လက်တွေ့ အသုံးချ​ပညာ​တွေ တတ်​ထားရမယ်။ အနာဂတ် တာဝန်တွေအတွက် ကြိုတင်​ပြင်ဆင်​ရမယ်။

^၂၀ ကြိုးစား​ရမယ့် အပိုင်းတွေ စဉ်းစား​လိုက်ရင် စိတ်​လေး​မိ​နိုင်တယ်။ ဒါပေမဲ့ အဆင်ပြေ​မှာ​ပါ။ ယေဟောဝါ ကူညီပေးချင်တယ်။ (ဟေရှာ. ၄၁:၁၀၊ ၁၃) ညီအစ်ကို/မတွေ​လည်း ကူညီပေးကြလိမ့်မယ်။ ရင့်ကျက်တဲ့ ခရစ်ယာန် ဖြစ်လာရင် ဘဝဟာ ကျေနပ်​ပျော်ရွှင်စရာ​ကောင်းပြီး အဓိပ္ပာယ် ပြည့်ဝ​လာမယ်။ လူငယ် ညီအစ်ကိုတွေကို ကျွန်တော်တို့ သိပ်ချစ်တယ်။ ရင့်ကျက်တဲ့ ခရစ်ယာန် အမျိုးသား ဖြစ်လာအောင် သင် ကြိုးစားနေတာကို ယေဟောဝါ ကောင်းချီး ကြွယ်ဝစွာ ပေးပါ​စေ။—ပညာ. ၂၂:၄။