Itna Khangsak Semsem In

1. Lai Siangtho na sin tungin bangteng hong theikhia na hiam?

ကျမ်းစာ လေ့လာခါစ အချိန်ကို မှတ်မိသေးသလား။ ဘုရား​မှာ နာမည် ရှိတယ်ဆိုတာ သိလိုက်ရလို့ အံ့ဩ​သွားခဲ့​မှာ​ပဲ။ လူတွေကို မီးငရဲမှာ ဘုရား မ​ညှဉ်းဆဲ​ဘူး​ဆိုတာ သိလိုက်ရလို့ စိတ်သက်သာ​သွားခဲ့​မှာ​ပဲ။ ချစ်ရတဲ့ သေလွန်သူတွေကို ပြန်တွေ့​ရမယ်၊ သူတို့နဲ့အတူ မြေကြီး ပရဒိသုမှာ နေ​ရမယ်ဆိုတဲ့ မျှော်လင့်ချက်ကြောင့် ရင်ထဲ လှိုက်ဖိုသွားခဲ့မှာပဲ။

2. Lai Siangtho thuman nong theihkhiat banah bangteng khangto na hiam? (Efesa 5:1, 2)

^၂ ကျမ်းစာ လေ့လာတာ​နဲ့အမျှ ယေဟောဝါကို ချစ်တဲ့ မေတ္တာ တိုးလာတယ်။ မေတ္တာ တိုး​လာတော့ သိလာတာ​တွေ လက်တွေ့​ကျင့်​တယ်။ ကျမ်းစာမူတွေကို အခြေခံပြီး ဆုံးဖြတ်ချက်ကောင်းတွေ ချတယ်။ ဘုရား​စိတ်နဲ့ တွေ့ချင်လို့ အတွေးအခေါ်၊ အမူအကျင့်​တွေ ပြင်တယ်။ မေတ္တာရှိတဲ့ မိဘကို သားသမီး အတုယူ​သ​လို ကောင်းကင်ဘုံစံ ဖခင်ကို သင် အတုယူ​နေတယ်။—ဧဖက် ၅:၁၊ ၂ ကို ဖတ်ပါ။

3. Ei le ei bang dotnate tawh kisittel thei i hiam?

^၃ ‘နှစ်ခြင်းခံခါစ အချိန်​က​ထက် အခု ယေဟောဝါကို ပို​ချစ်​နေပြီလား။ နှစ်ခြင်းခံပြီးနောက် ယေဟောဝါ တွေးသလို၊ လုပ်​သ​လို တွေးတတ်၊ လုပ်တတ်​လာပြီ​လား။ အထူးသဖြင့်၊ ညီအစ်ကို/မတွေကို ပို​ချစ်တတ်​လာပြီ​လား’ လို့ ကိုယ့်ကိုယ်ကိုယ် ဆန်းစစ်ပါ။ “ကနဦး မေတ္တာ” အေးစက်​သွားပြီ​ဆိုတာ သတိထား​မိရင်​လည်း စိတ်ဓာတ်​မကျပါနဲ့။ ပထမရာစု ခရစ်ယာန်တွေ အဲဒီလိုပဲ မေတ္တာ အေးစက်​သွားကြတယ်။ ဒါပေမဲ့ သူတို့ကို ယေရှု ပစ်ပစ်ခါခါ မငြင်းခဲ့ဘူး။ ကျွန်တော်တို့ကိုလည်း ငြင်း​မှာ မဟုတ်ပါဘူး။ (ဗျာ. ၂:၄၊ ၇) အမှန်တရား သိခါစ အချိန်မှာ ရှိခဲ့တဲ့ မေတ္တာမျိုး ပြန်​ရှိအောင် လုပ်နိုင်မှန်း ယေရှု သိလို့ပဲ။

4. Hih thulu-ah bang thu kikum ding i hiam?

^၄ ယေဟောဝါနဲ့ လူတွေကို ချစ်တဲ့ မေတ္တာ ဘယ်လို ဆက်တိုးများ​စေနိုင်​ကြောင်း၊ မေတ္တာ တိုးလာတဲ့အခါ ကိုယ်တိုင်နဲ့ တခြားသူတွေ ဘာကောင်းချီး ခံစားရကြောင်း ဒီဆောင်းပါးမှာ ဆွေးနွေးကြပါမယ်။

JEHOVAH PASIAN NA ITNA KHANGSAK SEMSEM IN

5-6. (a) Sawltak Pual in Pasian’ na a sep hun sungin bang haksatnate tuak a hiam? (b) Pasian’ na a sepsuak nadingin bang in hanthawn a hiam?

^၅ ဘုရား​အမှုဆောင်ရတာ တမန်တော် ပေါလု သိပ်ပျော်တယ်။ ဒါပေမဲ့ အခက်အခဲ အများကြီး ကြုံရတယ်။ ခဏခဏ ခရီး​အဝေးကြီး သွားရတယ်။ အဲဒီ​ခေတ်​တုန်းက တစ်နေရာနဲ့ တစ်နေရာ သွားရတာ မလွယ်ဘူး။ ခရီး​မှာ “မြစ်​ရေလျှံ​တဲ့​ဘေး၊ ဓားပြ​ဘေး” တစ်ခါတလေ ကြုံရတယ်။ ဆန့်ကျင်သူတွေ ကိုယ်ထိ​လက်ရောက် နှိပ်စက်တာ ခံရတယ်။ (၂ ကော. ၁၁:၂၃-၂၇) ဒီ​ကြားထဲ ညီအစ်ကို/မတွေ​က သူတို့အတွက် ပေါလု လုပ်ပေးတာ​တွေ​ကို ကျေးဇူး​မတင်​တတ်​ကြ​ဘူး။—၂ ကော. ၁၀:၁၀။ ဖိ. ၄:၁၅။

^၆ ဆက်အမှုဆောင်ဖို့ ပေါလု​ကို ဘာက လှုံ့ဆော်ပေးသလဲ။ ကျမ်းစာကနေ၊ ကိုယ်တွေ့​ကနေ ယေဟောဝါအကြောင်း အများကြီး သိလာတယ်။ ကိုယ့်ကို ယေဟောဝါ​ဘုရား သိပ်ချစ်မှန်း ယုံလာတယ်။ (ရော. ၈:၃၈၊ ၃၉။ ဧ. ၂:၄၊ ၅) ဒါကြောင့် ယေဟောဝါကို ပေါလု ချစ်တတ်လာတယ်။ သန့်ရှင်းသူတွေကို မပြတ် အလုပ်အကျွေး ပြုခြင်း၊ အနွံအတာခံခြင်းအားဖြင့် ယေဟောဝါကို ချစ်တယ်ဆိုတာ သက်သေပြတယ်။— ဟီ. ၆:၁၀။

7. Jehovah i itna i khansak theih dan lampi khat in bang a hiam?

^၇ ကျွန်တော်တို့လည်း ကျမ်းစာ အပတ်တကုတ် လေ့လာခြင်းအားဖြင့် ဘုရားကို ချစ်တဲ့ မေတ္တာ တိုးစေနိုင်တယ်။ ကျမ်းစာ ဖတ်တဲ့အခါ ကျမ်းပိုဒ်​တစ်​ပိုဒ်​စီ​က ယေဟောဝါအကြောင်း ဘာ​ဖော်ပြနေသလဲ သိအောင် လုပ်ပါ။ ‘ငါ့ကို ယေဟောဝါ ချစ်တယ်၊ ယေဟောဝါကို ငါ ဘာကြောင့် ချစ်သင့်တယ်ဆိုတာနဲ့​ပတ်သက်ပြီး ဒီကျမ်းပိုဒ်က ဘာ​ဖော်ပြနေသလဲ’ လို့ စဉ်းစားပါ။

8. Thungetna in Pasian i itna koi bangin khangsak a hiam?

^၈ ယေဟောဝါကို ချစ်တဲ့ မေတ္တာ တိုး​စေနိုင်​တဲ့ နောက်တစ်နည်းကတော့ နေ့တိုင်း ရင်ဖွင့်​ဆုတောင်းခြင်း​ပါ။ (ဆာ. ၂၅:၄၊ ၅) ဆုတောင်းချက်တွေကို ယေဟောဝါ ဖြေပေးပါလိမ့်မယ်။ (၁ ယော. ၃:၂၁၊ ၂၂) “နဂို​ကတော့ စာတွေ့​ကြောင့် ယေဟောဝါကို ချစ်တာ။ အခုတော့ ကိုယ့်​ဆုတောင်းချက်တွေကို ဘုရား ဖြေပေးတာ ကိုယ်တွေ့ မြင်ပြီး ပို​ချစ်​လာပြီ။ ဒါကြောင့် ဘုရား​စိတ်နဲ့ တွေ့​မယ့်​အရာတွေကို​ပဲ လုပ်ချင်​လာတော့​တယ်” လို့ အာရှ​မှာ နေတဲ့ ညီအစ်မ​တစ်ယောက် ပြောတယ်။

MIDANGTE NA ITNA KHANGSAK SEMSEM IN

9. Timoti in unaute a it semsemlam Pual’ thugen in koici lakkhia a hiam?

^၉ ပေါလု ခရစ်ယာန် ဖြစ်လာပြီးနောက် လူရည်လူမွန်လေး တိမောသေ​နဲ့ ဆုံတယ်။ တိမောသေ​ဟာ ယေဟောဝါကို ချစ်တယ်။ လူတွေကို ချစ်တယ်။ နောက်နှစ်​အနည်းငယ်​အ​ကြာ ဖိလိပ္ပိ အသင်းသားတွေ​ဆီ စာရေးတော့ “[တိမောသေ] လို​မျိုး ခင်ဗျားတို့​အကျိုးကို တကယ် လိုလား​တဲ့သူ ကျွန်တော့်​မှာ မရှိဘူး” လို့ ပေါလု ပြောတယ်။ (ဖိ. ၂:၂၀) တိမောသေ စနစ်ကျတဲ့​အကြောင်း၊ အဟောအပြော ကောင်းတဲ့​အကြောင်း ပေါလု ထွေထွေထူးထူး ပြော​မနေဘူး။ ဒါပေမဲ့ ညီအစ်ကို/မတွေကို ချစ်တတ်တဲ့​နေရာ​မှာတော့ တိမောသေ​ဟာ ပေါလု ပြောစမှတ် ပြုရတဲ့​အထိပဲ။ တိမောသေ တစ်ခေါက် တစ်ခေါက် လာလည်​မှာ​ကို ညီအစ်ကို/မတွေ မျှော်ကြမှာ သေချာတယ်။—၁ ကော. ၄:၁၇။

10. Anna le a zi in unaute a itlam uh koici lakkhia uh a hiam?

^၁၀ ကျွန်တော်တို့လည်း ညီအစ်ကို/မတွေကို ကူညီဖို့ နည်းလမ်း ရှာ​ကြရမယ်။ (ဟီ. ၁၃:၁၆) ရှေ့ဆောင်းပါးမှာ ပါတဲ့ အန်နာ​တို့ ဇနီးမောင်နှံ​အကြောင်း စဉ်းစားကြည့်ပါ။ ပြင်းထန်တဲ့ မုန်တိုင်း​တစ်ခု ဝင်ပြီးနောက် ညီအစ်ကို/မ မိသားစု​တစ်စု​ဆီ သွားလည်တယ်။ မုန်တိုင်း​ဒဏ်​ကြောင့် အိမ်ခေါင်မိုး ပျက်စီးသွားလို့ အဲဒီမိသားစုမှာ ဝတ်စရာ အဝတ်သန့်သန့် မရှိတော့ဘူး။ “ဒါနဲ့ သူတို့ရဲ့ အဝတ်အစားတွေ ယူသွားပြီး လျှော်ဖွပ်၊ မီးပူတိုက်၊ ခေါက်​ပြီး ပြန်ပို့​ပေးကြတယ်။ အဲဒီလို လုပ်ပေး​ရတာ ကျွန်မတို့အတွက် ဘယ်လောက်​မှ အပန်း​မကြီးဘူး။ ဒါပေမဲ့ အဲဒီ​လုပ်ရပ်​လေး​ကြောင့် ခင်သွားလိုက်ကြတာ ဒီနေ့​အထိပဲ” လို့ အန်နာ ပြောတယ်။ ညီအစ်ကို/မတွေကို ချစ်တဲ့ မေတ္တာကြောင့် အန်နာ​တို့ ဇနီးမောင်နှံ ဒီလို လက်တွေ့ကျကျ ကူညီပေးတာ။—၁ ယော. ၃:၁၇၊ ၁၈။

11. (a) Itna i lah ciangin midangte’ lungsim bangci om a hiam? (b) Paunak 19:17-a a gen bangin, Jehovah in itna i lah pen bangci muh a hiam?

^၁၁ ကျွန်တော်တို့ မေတ္တာ၊ ကြင်နာမှု ပြတဲ့အခါ ယေဟောဝါကို အတုယူ​နေတာ ဖြစ်မှန်း တခြားသူတွေ သတိထား​မိ​တတ်​ကြတယ်။ ကျွန်တော်တို့ မသိရင်​သာ နေမယ်။ ကျွန်တော်တို့ရဲ့ ကြင်နာမှုအကြောင်း တ​သ​သ ဖြစ်နေကြ​မှာ။ အစောပိုင်းမှာ ဖော်ပြခဲ့တဲ့ အာရှ​က ညီအစ်မ​လည်း ကိုယ့်ကို ကူညီပေးခဲ့သူ​တွေ​ကို မှတ်မိ​နေတုန်းပဲ။ “အမှုဆောင်မှာ လက်တွဲခေါ်ပေးကြတဲ့ ညီအစ်မတွေကို သိပ်ကျေးဇူးတင်တာပဲ။ ကျွန်မကို အိမ်​လာကြို​ပေးကြတယ်။ နေ့လယ်​စာ ခေါ်​ကျွေးကြတယ်။ အိမ်ကို ချောချောမောမော ပြန်ပို့​ပေးကြတယ်။ အဲဒီလို လုပ်ရတာ မလွယ်ဘူး။ ဒါပေမဲ့ စေတနာ​အပြည့်​နဲ့ လုပ်ပေးကြတာ” လို့ ပြောတယ်။ ကိုယ်​လုပ်ပေးတာ​တွေ​အတွက် လူတိုင်း​ဆီကနေ ကျေးဇူးတင်​စကား ကြားရချင်မှတော့ ကြားရမယ်။ “ကျွန်မကို ဂရုစိုက်​ပေးခဲ့​သူတွေကို ကျေးဇူး​ပြန်ဆပ်ချင်တယ်။ ဒါပေမဲ့ တစ်ယောက် တစ်နေရာ​စီ ဖြစ်ကုန်ကြပြီ။ အခု သူတို့ ဘယ်မှာလဲ ကျွန်မ မသိဘူး။ ယေဟောဝါတော့ သိတယ်။ ဒါကြောင့် ကျွန်မ​အစား ကျေးဇူး​ဆပ်ပေး​ပါ​လို့ ဆုတောင်းတယ်” လို့ ညီအစ်မ ပြောတယ်။ မှန်ပါတယ်၊ ကျွန်တော်တို့ ပြတဲ့ ကြင်နာမှု လုပ်ရပ် အသေးအမွှား​လေး​တွေ​ကို​တောင် ယေဟောဝါ သတိထားမိတယ်။ တန်ဖိုး​ရှိတဲ့ လက်ဆောင်၊ ပြန်ဆပ်​ပေးရမယ့် အကြွေး​လို့ သဘောထားတယ်။—ပညာအလိမ္မာ ၁၉:၁၇ ကို ဖတ်ပါ။

12. Unaupate’n unaute a itlam uh koici lakkhia thei uh a hiam? (Lim zong en in.)

^၁၂ သင်ဟာ ညီအစ်ကို​တစ်ယောက်​ဆိုရင် ညီအစ်ကို/မတွေကို မေတ္တာ​ပြဖို့၊ ကူညီဖို့ ဘာတွေ လုပ်နိုင်သလဲ။ အသင်းတော်မှာ ဘာတွေ ကူညီပေး​ရမလဲ​ဆိုပြီး အကြီးအကဲ​တစ်ယောက်ကို ဂျော်ဒန် ဆိုတဲ့ လူငယ်လေး မေးတယ်။ ဂျော်ဒန်​ရဲ့ တိုးတက်မှု​တွေ​ကို အကြီးအကဲ ချီးမွမ်း​တယ်။ ဘယ်လို ထပ်တိုးတက်နိုင်မလဲဆိုတာနဲ့​ပတ်သက်ပြီး အကြံ​တချို့ ပေးတယ်။ ဥပမာ၊ နိုင်ငံတော်​ခန်းမကို စောစော လာပြီး ညီအစ်ကို/မတွေကို နှုတ်ဆက်​ဖို့၊ အစည်းအဝေးမှာ မှတ်ချက်​ပေး​ဖို့၊ အမှုဆောင်​အုပ်စုနဲ့ မှန်မှန် ဟောပြောဖို့၊ တခြားသူတွေကို လက်တွေ့ကျကျ ကူညီနိုင်မယ့် နည်းလမ်းတွေ ရှာဖို့ အကြံပေးတယ်။ အကြံ​ပေးတဲ့​အတိုင်း ဂျော်ဒန် လုပ်ကြည့်တော့ အဲဒီ​ကဏ္ဍတွေမှာ တိုးတက်လာတယ်။ ညီအစ်ကို/မတွေကို ပို​ချစ်တတ်လာတယ်။ ညီအစ်ကိုတွေဟာ အသင်းတော် အမှုထမ်း ဖြစ်​လာ​မှ ညီအစ်ကို/မတွေကို စ​ကူညီ​တာ မဟုတ်ဘဲ အရင်​ကတည်းက ကူညီ​လက်​စ ဆက်​ကူညီ​တာ ဖြစ်မှန်း ဂျော်ဒန် သဘောပေါက်လာတယ်။—၁ တိ. ၃:၈-၁၀၊ ၁၃။

13. Unaupa Christian in pawlpi upa a sep kik theih nadingin itna in koici huh a hiam?

^၁၃ သင်ဟာ အရင်က အသင်းတော် အမှုထမ်း ဒါမှမဟုတ် အကြီးအကဲအဖြစ် အမှုဆောင်ခဲ့တယ်​ဆိုရင်ကော။ သင် လုပ်ခဲ့တာ​တွေ၊ မေတ္တာ ပြခဲ့တာ​တွေ​ကို ယေဟောဝါ မမေ့​ပါ​ဘူး။ (၁ ကော. ၁၅:၅၈) အခုထိ မေတ္တာ ဆက်ပြနေတာကိုလည်း သတိထားမိတယ်။ ခရစ်ရှန်လို့ ခေါ်တဲ့ ညီအစ်ကိုဟာ အကြီးအကဲ​တာဝန် နား​လိုက်​ရတော့ တော်တော်လေး စိတ်ဓာတ်ကျ​ခဲ့တယ်။ ဒါပေမဲ့ “အကြီးအကဲ​တာဝန် ရရ၊ မရ​ရ ယေဟောဝါကို ချစ်လို့ အတတ်နိုင်ဆုံး ဆက်အမှုဆောင်ဖို့ ဆုံးဖြတ်ထားတယ်” လို့ ပြောတယ်။ နောက်တော့ ခရစ်ရှန် အကြီးအကဲအဖြစ် ပြန်ခန့်အပ်ခံရတယ်။ “အကြီးအကဲအဖြစ် ပြန်အမှုဆောင်ဖို့ နည်းနည်း စိုးရိမ်​မိတယ်။ ဒါပေမဲ့ ကျွန်တော့်ကို ယေဟောဝါ မေတ္တာ​ပြပြီး အကြီးအကဲ ပြန်​လုပ်​စေချင်တယ်​ဆိုရင် ကျွန်တော်လည်း ဘုရားနဲ့ ညီအစ်ကို/မတွေကို ချစ်တဲ့ စိတ်ကြောင့် ပြန်​ကြိုးစားမယ်” လို့ ပြောတယ်။

14. Georgia gama unaunu khat ii thugen pan bang theikhia i hiam?

^၁၄ ယေဟောဝါရဲ့ ကျေးကျွန်တွေဟာ အသင်းတော်​ပြင်ပက လူတွေကိုလည်း မေတ္တာ​ပြတယ်။ (မ. ၂၂:၃၇-၃၉) ဥပမာ၊ ဂျော်ဂျီယာ​နိုင်ငံက ညီအစ်မ အယ်လီနာ ဒီလို ပြောတယ်– “စ​စ​ချင်း ဟောပြောခြင်းလုပ်ငန်းမှာ ပါဝင်​ဖြစ်တာ ယေဟောဝါကို ချစ်တာ တစ်ခုတည်း​ကြောင့်​ပါ။ ဒါပေမဲ့ ယေဟောဝါကို ချစ်လေ လူတွေကိုလည်း ချစ်လာလေ​ပဲ။ သူတို့ ဘာပြဿနာတွေ ရင်ဆိုင်​နေ​ရတယ်၊ ဘာအကြောင်း ဟော​ရင် စိတ်ထိမိ​မယ်​ဆိုတာ ကျွန်မ စဉ်းစားတယ်။ အဲဒီလို စဉ်းစား​လေ သူတို့ကို ကူညီပေးချင်​လေ ဖြစ်လာတယ်။”—ရော. ၁၀:၁၃-၁၅။

MIDANGTE TUNGA ITNA LAHNA II HAMPHATNATE

15-16. Lim sunga i muh mah bangin, midangte tungah itna i lah ciangin bang hamphatnate ngah i hiam?

^၁၅ မေတ္တာ ပြတဲ့အခါ အ​ပြ​ခံရသူပဲ အကျိုး​ရတာ မဟုတ်ဘူး။ ကိုဗစ်-၁၉ ကပ်ရောဂါ စပြီးနောက် အမှုဆောင်မှာ အီလက်ထရောနစ်​ပစ္စည်းတွေ သုံးတတ်ဖို့ သက်ကြီး ညီအစ်မတွေကို ညီအစ်ကို ပါ​အို​လို​နဲ့ ဇနီး သင်ပေးကြတယ်။ စစ​ချင်း အီလက်ထရောနစ်​ပစ္စည်း မ​သုံး​တတ်တဲ့ ညီအစ်မ နောက်တော့ သုံး​တတ်​သွား​လို့ အောက်မေ့ရာပွဲ တက်ဖို့ အမျိုး​တွေ​ကို လိုက်​ဖိတ်တယ်။ အယောက် ခြောက်ဆယ် ဗီဒီယို ချိတ်ဆက်ပြီး တက်ကြတယ်။ ညီအစ်ကို ပါ​အို​လို​တို့ ဇနီးမောင်နှံရဲ့ ကြိုးစားမှု​ကနေ သက်ကြီး ညီအစ်မ​သာမက ဆွေမျိုးတွေ​ပါ အကျိုး​ရသွားကြတယ်။ “ကျွန်မတို့​လို သက်ကြီးရွယ်အို​တွေ​ကို သင်ပေးလို့ ကျေးဇူးတင်ပါတယ်။ ယေဟောဝါ ဂရုစိုက်​ပေးတာကို​ကော ညီအစ်ကိုတို့ ကြိုးစားပြီး ကူညီ​ပေးတာတွေကိုပါ ကျွန်မ ဘယ်တော့မှ မမေ့​ပါ​ဘူး” လို့ ပါ​အို​လို​ဆီ အဲဒီ​ညီအစ်မ နောက်ပိုင်း စာရေး​ပြောပြတယ်။

^၁၆ ဒီလို​တွေ့ကြုံမှုတွေ​ကနေ ပါ​အို​လို အရေးကြီး သင်ခန်းစာ တစ်ခု ရလိုက်တယ်။ တော်​တာ၊ တတ်​တာ​ထက် မေတ္တာ ပိုအရေးကြီးတယ်ဆိုတာ​ပါ။ “ကျွန်တော် တိုက်နယ်ကြီးကြပ်မှူးအဖြစ် အမှုဆောင်ခဲ့တယ်။ အခု​လောက်​ဆိုရင် ကျွန်တော့် ဟောပြောချက်တွေ မေ့နေကြလောက်ပြီ။ ဒါပေမဲ့ သူတို့ကို ကျွန်တော် လက်တွေ့ကျကျ ကူညီပေးတာ​တွေ မှတ်မိ​နေကြတုန်း​ပဲ” လို့ ပြောတယ်။

17. Midangte tungah itna i lah ciangin kua in zong hamphatna ngah ding a hiam?

^၁၇ တခြားသူတွေကို မေတ္တာ ပြတဲ့အခါ ကျွန်တော်တို့ ကိုယ်တိုင်လည်း မျှော်လင့်မထားတဲ့ နည်းတွေနဲ့ အကျိုးရတယ်။ နယူးဇီလန်​နိုင်ငံမှာ နေတဲ့ ညီအစ်ကို ဂျော်နသန် ကိုယ်တွေ့ ကြုံခဲ့တယ်။ စနေနေ့ နေ့လယ် နေပူပူကြီးထဲ ရှေ့ဆောင် ညီအစ်ကို​တစ်ယောက် လမ်းပေါ် မှာ အဖော် မပါဘဲ လိုက်​ဟော​နေတာ ဂျော်နသန် တွေ့သွားတယ်။ နောက်အပတ် စနေနေ့ နေ့လယ်​တွေ​မှာ အဲဒီရှေ့ဆောင်နဲ့ အမှုဆောင် အတူတူ လိုက်​ထွက်​ဖို့ ဆုံးဖြတ်​လိုက်တယ်။ ဒီလို မေတ္တာ ပြ​လိုက်လို့ ကိုယ်တိုင် ဘယ်လောက် အကျိုးရမယ်ဆိုတာ မသိခဲ့ဘူး။ “အရင်တုန်းက​ဆိုရင် အမှုဆောင်ရတာ သိပ်မပျော်ဘူး။ ဒါပေမဲ့ ရှေ့ဆောင် ညီအစ်ကိုရဲ့ ဟော​ပုံ​ပြောပုံ​ကို နားထောင်​ရင်း၊ အမှုဆောင်လုပ်ငန်းမှာ သူ ရလဒ်ကောင်းတွေ ရ​နေတာကို ကြည့်ရင်း ကျွန်တော်လည်း အမှုဆောင်​လုပ်ငန်းကို မြတ်နိုး​တတ်လာတယ်။ သူနဲ့ တော်တော် ရင်းနှီး​လာတယ်။ အမှုဆောင်မှာ ပျော်ဖို့၊ ယေဟောဝါနဲ့ ပိုရင်းနှီး​ဖို့ ကျွန်တော့်ကို သူ ကူညီပေးတယ်” လို့ ပြောတယ်။

18. Jehovah in bang hong semsak nuam a hiam?

^၁၈ မိမိနဲ့ တခြားသူတွေ​အပေါ် ထားတဲ့ မေတ္တာ တိုးသည်ထက် တိုးစေဖို့ ယေဟောဝါ အလိုရှိတယ်။ လေ့လာခဲ့​တဲ့​အတိုင်း ကျမ်းစာ ဖတ်ရှု၊ တွေးတောဆင်ခြင်ခြင်း၊ မှန်မှန် ရင်ဖွင့်​ဆုတောင်းခြင်းအားဖြင့် ယေဟောဝါကို ချစ်တဲ့ မေတ္တာ တိုးစေနိုင်တယ်။ ညီအစ်ကို/မတွေကို လက်တွေ့ကျကျ ကူညီခြင်းအားဖြင့် သူတို့​အပေါ် ထားတဲ့ မေတ္တာ တိုးစေနိုင်တယ်။ မေတ္တာ တိုးလာတာနဲ့အမျှ ယေဟောဝါနဲ့​ကော ညီအစ်ကို/မတွေနဲ့​ပါ ပိုရင်းနှီး​လာ​ပါလိမ့်မယ်။ ဒီ​ရင်းနှီးမှု နှောင်ကြိုး​ဟာ တစ်သက်​စာ​ပဲ။