Prepar bann larepons ki ankourazan

Dan nou bann renyon, nou annan sa privilez pour ankouraz nou bann frer ek ser atraver nou bann larepons. (Ebr. 10:24, 25) Ki mannyer nou kapab prepar bann larepons ki vreman ankourazan?

• Priy Zeova. Demann li pour ed ou donn en larepons ki onor li e ki ankouraz lezot.—Ps. 35:18.

• Ler ou prepar ou larepons, pa zis lir sa ki i annan dan sa piblikasyon. Ler ou reponn dan ou prop mo, lezot pou ganny bann byenfe ler zot tann ou eksprim ou lafwa dan Zeova.

• Gard ou larepons kourt. Ler ou donn bann larepons ki kourt e senp, sa i ankouraz lezot plis e i permet plis dimoun pour partisipe dan renyon.—Prov. 10:19.

• Donn bann larepons ki pozitif. Pa bezwen servi ou bann larepons pour donn konsey oubyen kritik bann frer ek ser dan kongregasyon.

Menm si ou pa ganny sans pour donn en larepons, ou kapab ankouraz lezot. Ou kapab fer sa par ekout zot bann larepons atantivman e pli tar fer zot konnen ki ou’n apresye sa ki zot in dir.—Prov. 10:21.