I ti bezwen kouraz pour reste fidel

DE ZONM, tou le de i avek zarm pe mont dan bann kap ros byen apik. Zot pe atak en kan larme Filisten. Zonatan, garson premye lerwa Izrael, Sail, ki ti pe diriz sa latak. En solda byen brav ki ti pe anmenn zarm Zonatan ti pe swiv par deryer. Zonatan ti’n ankouraz li ler i ti dir: “Napa nanryen ki kapab anpes Zeova sov nou, ki swa i annan bokou nou oubyen en ptigin nou.” Zeova pa ti tarde pour montre ki Zonatan ti annan rezon. Sa de zonm ti touy apepre 20 solda e sa ti zis en konmansman en pli gran laviktwar pour pep Bondye.

Sa resi i montre ki Zonatan ti en dimoun ki ti annan en kantite kouraz, en kalite ki i ti demontre plizyer fwa dan son lavi. I ti en dimoun ki ti vreman fidel e souvan pour demontre fidelite ou bezwen annan kouraz. Zonatan ti en garson fidel anver Sail, me pli tar Sail ti konmans fer sa ki mal e i ti dezobeir Zeova. Alor, Zonatan ti bezwen kouraz pour demontre fidelite anver Zeova premye.

Plizyer lannen pli tar, ler Zonatan ti dan son pros 50 an, i ti fer zanmi avek David ki ti ankor zenn. Sa zenn garson ti’n fek touy Golyat, en zean Filisten. San dout, Sail ek lezot dimoun ti pe felisit David en kantite. Ki mannyer Zonatan ti santi? I pa ti zalou ditou. O kontrer, i ti donn David son lekipman batay enkli son lark. Sa ti en zoli kado, akoz i paret ki Zonatan ti renonmen konman en dimoun ki tir byen fles. Menm si Zonatan ti apepre 30 an pli vye ki David, zot ti fer en ve pour reste zanmi e zot tou le de zot ti gard sa promes.

O konmansman, Sail osi ti kontan David. Me sa lanmour pa ti dire akoz Sail ti konmans vreman zalou David. I ti krwar ki Zonatan ti pou swiv son legzanp. Me Zonatan ti reste en zanmi fidel David, menm si Zeova ti’n swazir David pour vin prosen lerwa Izrael dan son plas. Ler Sail ti dir ki i ti anvi touy David, Zonatan ti defann son zanmi. Sa ti demann en kantite kouraz. Menm si Sail ti vyei, i ti ankor en bon gerye. En fwa, ler Zonatan ti defann son zanmi, Sail ti anvoy son lans lo son prop garson! Lerwa ti mank li, me sa ti bles santiman Zonatan. I ti al kot David e dir li ki son papa ti determinen pour touy li. Vreman Zonatan ti en zanmen fidel David. Zonatan ti osi demann David pour pran swen avek son fanmir si zanmen okenn keksoz ti ariv avek li.

Sail ti fors David pour viv an tayan. Sa lerwa ti menm servi son larme pour tay deryer David e sa i fer ki i ti bezwen viv an tayan e kasyet dan diferan landrwa. Eski Zonatan osi ti partisip dan sa bann kanpanny militer? Labib pa dir me i posib ki i pa ti fer sa. En zour, Zonatan ti konnen kote David ti pe kasyet e i ti al get son zanmi. Akoz? Labib i dir ki Zonatan “ti ed li pour annan plis konfyans dan Zeova.” I ti dir David: “Pa bezwen per, parski mon papa Sail pa pou kapab fer ou okenn ditor. Ou pou vin lerwa Izrael. Mon pou vin dezyenm apre ou.” Apre sa, sa de zanmi ti separe e sa ti dernyen fwa ki zot ti zwenn.

Pa lontan apre sa, Zonatan ti pe fidelman lager akote son papa kont bann vre lennmi, en larme bann Filisten. Me Sail ti’n vin move e i ti’n vir kont Zeova. I ti’n menm al rod led kot bann ki fer bann pratik demonyak. Zeova pa ti pe beni Sail. Sa lerwa ti ganny blese e apre sa i ti touy son prop lekor. Trwa parmi son bann garson enkli Zonatan ti mor dan lager sa zour.

David ti vreman tris. I ti ekri en kantik dey pour eksprim son latristes ek lanmour pour son bon zanmi. I ti apel sa kantik “Lark,” posibleman an loner sa kado ki Zonatan ti’n donn li plizyer lannen pase. David ti ekri “Mon vreman sagren akoz ou, mon frer Zonatan. Ou ti vreman presye pour mwan.” I ti gard son promes ki i ti’n fer avek son zanmi. Ler David ti vin lerwa, i ti rod fanmir Zonatan partou e i ti trouv enn son garson ki ti annan en dezabilite. David ti pran sa garson ki ti apel Mefiboset e i ti fer li vin reste o bor li Zerizalenm, kot i ti pran swen avek li depi sa.

Lir sa resi dan Labib:

• 1 Samyel 13:2, 19-23; 14:1-15; 16:21; 18:1-9; 19:4-6; 20:1-42; 23:16-18; 28:6-8; 31:1-6

• 2 Samyel 1:17-27; 9:1-7

Pour diskit lo la:

Ki mannyer Zonatan ti demontre kouraz?

Al pli o profon

1. 1. Lekel bann Filisten? (w95-E 1/2 31)

   Ou larepons

2. 2. Ki mannyer sa mo “pim” i laprev ki sa resi i egzakt? (w05-E 15/3 29) A

   Ou larepons

   

Todd Bolen/BiblePlaces.com

1. 4. Ki David ti pare pour fer pour pran swen avek fanmir Zonatan? (it-E “Mephibosheth” No. 2 ¶1)

   Ou larepons

Reflesir lo sa bann leson

• Zonatan ti demontre son fidelite anver son Bondye Zeova premye e son papa Sail ti dezyenm. Dan ki sityasyon ki nou kapab trouv nou ladan kot nou bezwen swazir pour demontre fidelite anver Zeova premye? C

  Ou larepons

  

• Ki sa relasyon ki Zonatan ti annan avek David i ansenny ou lo . . .

  • lanmitye?

    Ou larepons

  • limilite?

    Ou larepons

  • fidelite?

    Ou larepons

• Ki lezot fason ki ou kapab imit kouraz Zonatan?

  Ou larepons

Reflesir lo Zeova ek son plan

• Ki sa resi i ansenny mwan lo Zeova?

  Ou larepons

• Ki mannyer sa resi i relye avek plan Zeova?

  Ou larepons

• Ki mon ti pou kontan demann Zonatan ler li resisite?

  Ou larepons

Aprann plis

Kwa ki ti fer Zonatan ek David vin sitan bon zanmi e ki mannyer nou osi nou kapab annan bann bon zanmi koumsa?

“Kontinyen devlop tandres ek lafeksyon” (w21.01 20-25)

Ed ou zanfan konpran bann leson ek levennman dan lavi Zonatan.

“Jonathan” (Servi sa Bible character card lo Enternet)