Manaenn—Met bann keksoz spirityel premye dan ou lavi

Manaenn ti enn parmi bann frer ki ti diriz sa travay predikasyon dan kongregasyon Antyos dan premye syek. I “ti’n lekol ansanm avek Erod sef distrik.” (Akt 13:1) Alor Manaenn ti annan en bon ledikasyon e i kapab ki i ti’n grandi dan en fanmir ris.

Menm si i ti’n grandi koumsa, Manaenn ti swazir pour vin en Kretyen e siport kongregasyon. I pa ti servi son ledikasyon oubyen lefet ki i ti konn bann dimoun enportan pour li prospere. O kontrer, i ti travay dir pour ed son bann frer ek ser.

Legzanp Manaenn i montre ki i pli enportan pour servi Zeova ki pour esey vin en dimoun enportan oubyen pour rod plis larzan. Parey Manaenn, nou bann aktivite spirityel i devret pli enportan ki esey vin ris oubyen vin en dimoun enportan. (Mat. 6:33) Osi, menm si ledikasyon i enportan, nou devret “verifye sa ki pli enportan” e fer sir ki lezot keksoz pa enterfer avek nou ladorasyon pour Zeova.—Fili. 1:9, 10.