Parey Obadya, devlop en gran respe pour Bondye

Obadya ti ansarz pale Lerwa Aab, ki ti en move lerwa e ki ti les ladorasyon Baal vin popiler dan Izrael. Malgre sa, “depi ler i ti ankor zenn,” Obadya ti annan en gran respe pour Zeova. (1 Rwa. 18:1-13) Ler Larenn Zezabel ti donn lord pour tou bann profet Zeova ganny touye, Obadya ti konnen ki i ti pou bezwen azir avek kouraz pour anpes sa arive. I ti pou danzere pour kasyet menm en profet, me kantmenm sa, Obadya ti kasyet 100 profet e i ti donn zot manze pandan en gran lafanmin. Imazinen ki mannyer i ti difisil pour fer sa dan en fason ki sa santenn fo profet ki ti servi lerwa ek larenn, pa vwar li.—1 Rwa. 18:19.

Ki nou kapab aprann avek sa zonm ki ti annan en gran respe pour Bondye? Menm si Obadya ti per Aab, sa gran respe ki i ti annan pour Bondye ti pli for. Sa gran respe ti fer li annan sa kouraz pour riske son lavi pour protez son bann frer. Nou osi nou bezwen devlop en gran respe pour Zeova, sirtou si nou ladorasyon i ganny enterdi dan sa landrwa kot nou reste. Sa kalite respe pou donn nou sa lafors pour siport nou bann frer ek ser ki pe pas dan bann moman difisil.