Imazin bann resi Labib

Labib i koz lo en kantite levennman ki’n arive dan lepase ki ansenny nou bann leson enportan. Ler nou imazin sa bann resi, sa i kapab ed nou pour pli byen konpran sa ki nou lir e ganny bann byenfe. Annou vwar serten sizesyon ki kapab ed ou pour imazin bann resi Labib.

• Lir aotvwa. Ler ou lir Labib aotvwa, sa i kapab ed ou pour pli byen imazin sa ki pe arive dan sa resi. Ler ou pe lir Labib konman en fanmir, ou kapab fer sa resi vin pli reel par fer sak manm fanmir lir en diferan personnaz.

• Imazin sa ki pe arive. Esey imazin sa ki bann dimoun dan sa resi pe mazinen e santi. Par egzanp, demann ou lekor: ‘Akoz sa dimoun ti koz e azir dan sa fason? Ki mwan mon ti pou pe mazinen oubyen santi si mon ti dan sa sityasyon?’

• Desinen. Ler ou desin sa ki pe arive dan sa resi, sa i kapab ed ou imazin e rapel sa resi, menm si ou pa tro konn desinen.