VIV KONMAN EN KRETYEN
Bann paran, ed ou zanfan pour ganny lasazes sorti kot Bondye
En pli bon fason ki bann paran i kapab ed zot zanfan pour ganny lasazes sorti kot Bondye, i ler zot ed zot zanfan pour benefisye avek bann renyon kongregasyon. Sa ki bann zanfan i vwar, tande ek sa ki zot dir dan zot bann komanter dan renyon, i kapab ed zot aprann lo Zeova e vin son bon zanmi. (De 31:12, 13) Si ou en paran, ki mannyer ou kapab ed ou zanfan pour benefisye avek bann renyon kongregasyon?
Fer ou mye pour asiste bann renyon kot lasal Rwayonm.—Ps 22:22
Fer letan pour ankouraz ou bann frer ek ser avan ouswa apre renyon.—Ebr 10:25
Fer sir ki sak manm fanmir i annan en kopi sa piblikasyon ki pou ganny etidye dan renyon, ki swa elektronik oubyen enprimen
Ed ou zanfan pour prepar en komanter dan son prop mo.—Mt 21:15, 16
Koz an byen lo sa ki’n pase dan renyon e lo sa ki nou’n aprann
Ed ou zanfan pour partisip dan bann aktivite tel ki netwayaz lasal e pour koz avek bann frer ek ser aze
I demann en kantite zefor pour ed ou zanfan vin pros avek Zeova e parfwa sa i kapab vreman difisil. Par kont, ou kapab asire ki Zeova i kapab ed ou.—Iza 40:29.
GET SA VIDEO BANN PARAN, DEPAN LO ZEOVA E LO SON LAFORS. APRE REPONN SA BANN KESTYON SWIVAN:
Ki lefe lafatig ti annan lo Zack ek Leah?
Akoz bann paran i bezwen depan lo Zeova pour ganny lafors?
Ki mannyer Zack ek Leah ti depan lo Zeova pour zot reisi?